أنا مِنكَ وأنت مِني،وأرجوا الله ألا تَنقضِيَ رحلتك عني الفصل الخامس بقلم آيه أبو سالم حصريه وجديده

-"هنجيب على أد اللي معاك يا أواب،مش لازم كل حاجه نعملها زيطه ومصاريف وهيلمان اللي معانا هنمشي بيه،عادي يعني احنا لسه خارجين من مصاريف أد كده وبندخل على مصاريف تانيه،وربنا بيكرمنا وهيكرمنا وأملنا في ربنا كبير متشِلش هم."
-يمكن كانت أول مرة أشوف النظرة دي في عين أواب أو الجُزء ده مِنّه،لإنّ هو دايماً اللي كان بيصيّر ويقول معلش والنهارده مفيش بكرا إن شاء الله فيه وده رزق وعادي وربنا بيعوض،وكانت أحنّ نظره منه لإنّها نظرة إتنين بيهونوا على بعض مُر الدُنيا وقسۏة أيامها.
-"طيب يلا قومي اجهزي علشان نلحق ننزل وأنا لبسي مبياخدش وقت."

-"بُص فُرّيرّه."
_
-"طيب إيه رأيك نجيبه أبيض أو بيچ ونحُطّه في الرُكن وهو صُغير أصلا ف هيبقى حلو."
-"بصّ للفوانيس بتفكير شويه وبعدين سابهم
-"براحتك يا خديجة ده بيتك وهاتي فيه اللي تحبيه كله."
-"عاوزه رأيك."
-"هيبقى حلو فعلاً زي ما قولتي."
-"طيب بما إنك خِبرة ونبغه ونبيه وعلّامه في مجال الهندسه يا بشمهندس ما تقولي رأيك في الفانوس ده."
-"يقرف يا حبيبتي يقرف."
-"على فكره إنت واخد شهادتك كوسه بالفلوس وهروح أعرف مديرك ويرفدك وتيجي تُقعد جمبي طول اليوم والواد عُمير يترقى."
-ضحك وهو بيضرب كف على كف
-"في ثانية بقيت وحش وكُخ كده،يلّا طيب خلصي علشان عاوز أعدي على والدي قبل ما أطلع أكلمه في موضوع وتعالي إنتِ سلمي عليه واطلعي على طول علشان الشباب."
-"حاضر

-"إنتَ جيت يا أواب،تعالى أنا في الأوضه."
- كنت قاعده على الأرض كل حاجه حواليا متفتحه وبرا الأكياس ومفروشه على الأرض.
- نزل قعد جمبي 
-"هترجعي تبِعيهم تاني ولا إيه."
-"لأ،كنت بحهزهم علشان لو قادر نزين دلوقتي،ده هلاص فات عشر أيام."
-"يلا وهنخلصهم على طول وبالمره نحس بأجواء رمضان من تاني،قومي شغلي بودكاست عالمغرب وعلِّي الصوت ويلا بينا نبدأ."متنسوش تتتابعوني
-مكملناش وكُنا فعلاً زيننا بيتنا وقاعدين دلوقتي نتسحر ونتفرج على البودكاست المُفضل لينا وننكش بعض ويمكن أكتر حاجه كانت صح قالوا عليها إن الزواج سكن وسکينه وأمان.
يتبع