الحلقه السابعه طلعت نسمة لشقتها وهي تعبانة من الشغل لكن لقت ملك لسة صاحية وقاعدة مستنياها

الحلقه السابعه طلعت نسمة لشقتها وهي تعبانة من الشغل لكن لقت ملك لسة صاحية وقاعدة مستنياها

نسمة : في اي ي ملك ايه اللي مصحيكي لحد دلوقتي مش انتي وراكي شغل بكرة

ملك : ازاي عاوزاني انام وانتي مش موجودة وهكون ازاي متطمنة وانتي برة وبعدين انتي عارفة اني مبقدرش انام من غير ما تكوني جمبي

حضنتها نسمة بحنية وقالت : طب يلا انا رجعت اهو ادخلي نامي انتي وانا هحصلك هغير بس هدومي

ملك : مش هتكليلك لقمة الاول قبل ما تنامي

نسمة : متقلقيش انتي انا اكلت هناك

ملك : طب عملتي ايه هناك استريحتي في الشغل والا عملوكي وحش

نسمة : الحق يتقال الست ثريا مفيش منها اتنين ست طيبة وحنينة اوي وحسستني بالامان زي ما اكون عارفاها من زمان اوي وكل اللي هناك طيبين اوي بيحسسوكي ان الدنيا لسة فيها خير

ملك : معني كدة انك انبسطتي هناك

نسمة : مش علي كدة انا بتكلم علي اني كان نفسي اشتغل في مكان تاني مش زي اللي الاماكن اللي فاتت

ملك : مش فاهمة يعني ايه دا

نسمة : انا عمري ما اشتغلت في بيت قبل كدة كنت بشتغل في مطاعم كافيهات وكنت طول الوقت بتعرض لمضايقات بس الحمدلله ربنا تاب عليا من كدة وباذن الله الشغل الجديد هيبقي خير لنا

ملك : ان شاء الله

نسمة : بطلي كلام كتير ويلا عشان تنامي انتي ناسية الشغل بكرة واللا ايه

ملك : ماشي هدخل وانتي متتاخريش انتي بردوا عليكي شغل بكرة

نسمة : حاضر ي اختي

🥀🥀🥀🥀🥀🥀🥀🥀🥀🥀🥀🥀🥀🥀🥀

تاني يوم في القصر كانت نسمة في المطبخ مع بدرية وبيجهزوا الفطار

نسمة : هو ي بدرية كام واحد عايش هنا

بدرية : هو انتي متعرفيش

نسمة : ما انتي عارفة بقي ان اول يوم ليا كان امبارح ومعرفش

بدرية : بصي ي ستي في الست ثريا وانتي طبعا عرفتيها واتكلمتي معاها ولسة في الاستاذ مالك ابن الست ثريا هو والست مكة والاستاذ حمزة يبقي ابن عمهم وابنه انس

نسمة : في واحد كان موجود معاهم امبارح

بدرية : اكيد تقصدي الاستاذ زين دا بقي يبقي ابن اخت الست ثريا دايما هنا وبيفطر وبيتعشي هنا بس مش عايش معاهم حاولوا معاه كتير لكن هو مش راضي

نسمة : طب ليه كدة دا باين عليهم بيحبوه اوي

بدرية : انا سمعت انه مش عاوز يعيش هنا عشان ميتقلش عليهم

نسمة : بس الحق يتقال الست ثريا مفيش اطيب من قلبها

بدرية : كلهم هنا طيبين وبيعاملوني احسن معاملة

نسمة : باين فعلا انهم كدة

بدرية : يلا بقي بطلي كلام ويلا نحط الاطباق علي السفرة

نسمة : تمام

اخدت نسمة الاطباق هي وبدرية وجهزوا السفرة وكلها شوية وكلهم اتجمعوا علي السفرة وكالعادة بيتكلموا وبيهزروا

زين : مش يلا بقي ي انس عشان اوصلك للحضانة

استغرب الكل منه وفضلوا يبصوله لانه كان اكتر حاجة مبيحبهاش

زين : في ايه ي جماعة ايه البصة دي

حمزة : ودا من امتي ان شاء الله

زين : هو ايه دا

مالك : من امتي الحنية دي ي اخويا انت مش فاكر واحنا بنتحايل عليك عشان توديه

زين : عادي يعني

مكة : علينا بردوا الكلام دا انطق يلا وقول السبب

زين : هو مفيش حد يقدر يخبي حاجة عنكم

مالك : اه واتفضل قول