الحلقه السابعه طلعت نسمة لشقتها وهي تعبانة من الشغل لكن لقت ملك لسة صاحية وقاعدة مستنياها
انت في الصفحة 2 من صفحتين
زين : اصل انا نويت اني اخطب ان شاء الله
ثريا : ومين دي اللي هتخطبها
زين : تبقي مدرسة علي زين في الحضانة اوي ما شوفتها دخلت قلبي علي طول وحبيتها
حمزة : تاني ي زين تاني انت مبتتعلمش انت مش من اسبوع واحد بس قولت الكلام دا علي وحدة وتاني يوم سيبتها
زين : لا والله دي مش زي اي وحدة انا فعلا نويت اني اخطبها
مالك : وبيتها فين طيب
زين : معرفش
مكة : طب من عيلة ايه
زين : معرفش بردوا
حمزة : طيب عندها كام سنة
زين : والله معرف
ثريا : انت بتهزر صح
زين : في اي ي جماعة
مالك : جاي تقول هتخطب وحدة متعرفش اسمها ايه ولا عايشة فين ولا حتي سنها ايه انت اټجننت واللا ايه
زين : ي عم هو انا لحقت دا انا لسة شايفها امبارح
ثريا : بقولك ايه انت تعرف عنها كل حاجة الاول وبعدين تبقي تتكلم في الموضوع دا
زين : طب لو عرفت كل حاجة هتخطبوها ليا
ثريا : انا عن نفسي موافقة وهاجي معاك كمان
زين : بكرة هيكون عندكم حياتها من يوم ما اتولدت ويلا بقي ي انس عشان متتاخرش
مشي زين ومعاه انس وسابهم وهما مستغربين من تغيره
مالك : تفتكروا فعلا بيتكلم بجد والا زي كل مرة
ثريا : انا حاسة ان تغييره هيبقي علي ايدها هي
مكة : باين عليه بيحبها اوي ومتحمس فعلا
حمزة : ربنا يهديك ي زين وترسي علي وحدة بقي
ثريا : يارب ي ابني
مالك : ها خلصت ي حمزة واللا لسة
حمزة : اه خلصت الحمدلله يلا نمشي
مشي زين وحمزة بعد ما سلموا علي ثريا وسابوها هي ومكة
مكة : الحمدلله انا هقوم امشي انا كمان ي ماما عشان متاخرش علي الجامعة
ثريا : تمام ربنا يوفقك ي حبيبتي
مشيت مكة وسابت ثريا لوحدها وهي بتفكر فيهم كلهم
ثريا : ربنا معاكم ي ولادي ويوفقكم في حياتكم وتكون كلها سعادة وفرحة
🥀🥀🥀🥀🥀🥀🥀🥀🥀🥀🥀🥀🥀🥀🥀
في الشركة كان مالك قاعد هو وحمزة بيتفرجوا علي الفيديو اللي سجلوه لشريف وهو بيسرق اوراق المشروع طلب مالك من السكرتيرة انها تبعتله شريف مشي حمزة قبل ما هو ييجي جه شريف وخبط علي الباب
مالك : ادخل
دخل شريف وهو متوتر لان مالك مبيطلبش حد الا لو في حاجة مهمة
شريف : انت طلبتني ي استاذ مالك
مالك : اه تعال اقعد ي شريف عاوزك
زاد توتر شريف وقعد وهو باصص لمالك ومستنيه يكمل كلامه
مالك : طبعا عاوز تعرف انا طلبتك ليه
شريف : ايوة
مالك : هو سؤال واحد عملت دا لصالح مين
شريف : تقصد اي ي فندم
مالك : انا حبيت اوريك فيديو هيعجبك اوي
شريف : فيديو ايه
مالك : استني بس وانت هتعرف
بدا شريف يشوف الفيديو وهو مصډوم من انه اتكشف
مالك : اي رايك بقي عجبك
شريف : ي فندم انا
مالك : انا طلبتك عشان تجاوب علي الاسئلة وبس ومش عاوزك تبررلي اي حاجة دلوقتي زي الشاطر تقول عملت دا لصالح مين
شريف : والله ڠصب عني
مالك : شريف انا وثقت فيك وشغلتك ولولا بس ان ما ربنا عشرة انا كان زماني مقدم الفيديو دا للشرطة وهما يتصرفوا معاك عشان كدة اتفضل قول الاول عملت دا لصالح مين وفي الاخر تقدر تقولي عملت كدة ليه
شريف : ........
من_نظرة_حب
بقلمي_الكاتبة_الصغيرة
