الحلقه الرابعه والعشرون في المستشفي كان مالك في الاوضة

الحلقه الرابعه والعشرون في المستشفي كان مالك في الاوضة لوحده لحد ما سمع صوت من برة وفجاة الباب اتفتح

مالك پغضب : انت ايه اللي جابك هنا

رضا : اهدي كدة ي حلو دا احنا لسة في اول اللعبة

مالك : اطلع برة ي رضا

مالك بسخرية : وليه بقي ان شاء الله

رضا : يمكن عشان مقتلتكش انت مفكر اني لو كنت عاوز اقټلك كنت  ضربتك پالنار في نص دماغك ووقتها محدش هيلحقك

مالك : ومعملتش ليه كده اوعي تقولي انك خاېف من الشرطة

رضا : انت حد عارف اني مبخفش من اي حد ولا ليا عزيز ودا اللي مخليني قوي

مالك : انت جاي ليه دلوقتي

رضا : حبيت اشوفك وافهمك

مالك : وقولت اللي عندك وخلصت اتفضل بقي بس قبل ما تمشي احب اقولك وحيات امي هتندم علي اللي انت عملته دا ودا ټهديد وانت عارف اني اقدر اخد حقي بايدي فخاف مني

رضا : هنشوف مين هيغلب ي مالك

مشي رضا ومالك كان حاسس پغضب شديد من شوفته وكان كل اللي في دماغه ازاي يندمه

كانت زين مع نسمة وملك في المول بيشتروا هدوم

نسمة : لا انا مبقتش قادرة كملوا انتوا وانا هستناكم هنا

ملك : بس مش هينفع تقعدي لوحدك

نسمة : وايه اللي مش هينفعه وبعدين هو انا صغيرة عشان حد يخطفني دا انا اخطب بلد

زين : خلاص ي ستي براحتك وعلي العموم احنا مش هنتاخر

نسمة : ماشي

اخد زين ملك ومشيوا وكانت نسمة لسة هتتحرك لكن خبطت في شخص وتليفونه وقع علي الارض

نسمة : انا اسفة مكنتش اقصد

الشاب : عادي ولا يهمك

نسمة : انا اسفة بجد

الشاب : حصل خير اهدي

نسمة : طب هو باظ

الشاب : لا شغال محصلهوش حاجة

نسمة : تمام وانا اسفة مرة تانية

كانت لسة نسمة هتمشي بس وقفها صوته

الشاب : استني

نسمة : في حاجة حضرتك

الشاب : مش تقوليلي علي اسمك حتي

نسمة : نسمة اسمي نسمة سلام

مشيت نسمة وهو فضل واقف مكانه بيبص علي اثرها وهو مبتسم

الشاب : نسمة اسم حلو اوي اسمها نسمة وهي فعلا نسمة