الحلقه الرابعه والعشرون في المستشفي كان مالك في الاوضة

في المستشفي وصل ثريا ومكة ومنة لاوضة مالك ودخلوا اول ما شاف مالك منة اتعصب

ثريا : ها عامل ايه دلوقتي ي مالك

مالك : الحمدلله كويس

مكة : علي فكرة امير اتصل وعرف اللي حصلك وقال انه هيبقي يجيلك

مالك : تمام

منة : الف سلامة عليك ي مالك

مالك : انتي جاية هنا تعملي ايه

منة : جاية اتطمن عليك

مالك : انا قولت اني مش حابب اشوف اي حد غريب

منة : متنساش اني بنت عمك وبنت خالتك كمان

مالك : لا مش ناسي بس بحاول انسي واتفضلي يلا اطلعي برة

منة : انت ايه اللي حصلك ي مالك مش انا منة اللي انت بتحبها

مالك : كنت كنت بحبها بس هي غدرت بيا ومعملتش حساب لحبي ليها وانا دايما بتعلم من غلطي

منة : بس انا لسة بحبك

مالك : متجيبيش كلمة حب علي لسانك لانك متعرفيش يعني ايه حب واتفضلي اطلعي لاني حاسس ان الجو بقي خانقة اوي

منة : تمام ي مالك اللي انت عاوزه

خرجت منة من الاوضة ومكة قربت من مالك وقعدت جمبه علي السرير

مكة : انت زودتها معاها شوية ي مالك

مالك : هي تستحق كدة واكتر

ثريا : بس مينفعش انك تطردها كدة

مالك : انا مش حابب اشوفها انا علي ما صدقت نسيت اللي عملته وانتوا كنتوا جمبي وشايفين اللي حصلي بعد ما سابتني يومها والناس مبطلتش كلام وبعد ما كنا متفقين هربت ورجعت دلوقتي هي لازم تعرف ان مالك اللي تعرفه اتغير ومبقاش زي الاول ومش هسامح اللي اذاني

ثريا : مش عارفة اقولك ايه انت معاك حق في كل اللي بتقوله بس متنساش انها بنت المرحومة اختي

مالك : خلاص ي ماما قوليلها انها لو مش حابة ازعلها متجيش هنا تاني ليا

مكة : اهدي ي مالك وارتاح ولا يهمك

اتفتح باب الاوضة فجاه ودخل امير بسرعة وهو قلقان

امير : الف سلامة عليك ي صاحبي انا معرفتش غير دلوقتي ايه اللي حصل  

مالك : انا كويس اهو قدامك

ثريا : اهدي ي امير هو كويس والدكتور طمنا عليه

امير : انتوا ليه مقولتوش ليا وقتها

ثريا : احنا محبيناش نقلق حد

امير : وهو انا اي حد هو مش احنا بقينا عيلة وحدة

مالك : طبعا ي صاحبي

امير : طب وموضوع الخطوبة هيتاجل والا ايه

مالك : طول عمرك جزمة وصاحب مصلحتك

امير : مش بتطمن علي مستقبلي ها هيحصل ايه في الخطوبة

ثريا : في الوقت الحالي .........