الحلقه الثالثه والثلاثون رضا : اقدملك خطيبتي منة

ابقي اختها وواقفة هنا عادي يعني مفيش سبب
حاتم طب تسمحيلي اقف معاكي والا دا هيزعجك
نسمة لا ابدا اتفضل
حاتم طب نتكلم لاني مبحبش اقف مع حد معرفهوش احكيلي عن نفسك
نسمة عاوز تعرف اي
حاتم اي حاجة اهو نضيع وقت
نسمة انت باين عليك فرفوش نوعي المفضل
حاتم اي خدمة
غمز لها في اخر كلمة ونسمة ضحكت علي كلامه اما مالك فكان بيدور علي نسمة لحد ما شافها واقفة لوحدها كان هيروح لها بس شاف حاتم رايح لها وبيقف معاها حس بغيرة شديدة وخصوصا وقت ما شافهم بيضحكوا مع بعض
مالك بعد اذنكم
استأذن من الناس اللي كان واقف معاهم ومشي باتجاه نسمة اللي بتهزر مع حاتم وبتضحك
مالك اجيبلكم اتنين لمون
حاتم مالك ازيك ي جدع مشوفتكش من زمان وحشتني
مالك وانت كمان ي حاتم بس انت واقف هنا بتعمل اي
حاتم ابدا كنت حابب اقعد لوحدي وشوفت نسمة واقفة لوحدها فقولت اجي اقعد معاها
مالك نسمة
بص مالك لنسمة پغضب وهي اخدت بالها من كدة وكانت مستغربة من ردت فعله
مالك طب بعد اذنك ح نسمة بس عاوزها في موضوع ضروري
حاتم اه طبعا اتفضلوا
اخد مالك نسمة من قبل ما يسمع كلامها وطلع بيها علي فوق دخل اوضة وقفل الباب وراه
نسمة انت ازاي تعمل كدة
مالك كنتي واقفة معاه بتعملي اي
نسمة وانت مالك وبعدين مين سمحلك تشدني كدة زي اللعبة وتطلعني هنا
مالك انا اعمل اللي عاوزه من غير ما اسمع لحد
نسمة لا انا مش زي اي حد ومش هسمح ليك تعاملني كدة
مالك نسمة متبعديش عن الموضوع الاساسي وقولي كنتي واقفة معاه بتعملي اي وعمالة تضحكي علي ايه
نسمة انا مش مضطرة اجاوب علي اسئلتك انا ماشية
كانت لسة هتخرج بس هو مسك ايدها وشدها ليه
مالك پغضب انا لسة مخلصتش كلامي وانا مسمحتش كلي تخرجي
نسمة وانا قلت لك الكلام ده ميمشيش عليا
مالك پغضب شديد نسمه اسمعي الكلام لان انا مبشوفش قدامي وقت ڠضبي
نسمه ولا تقدر تعمل حاجه
مالك متخلينيش اوريكي الوش اللي انا ماحبش ان اشوفه
نسمه انت مالك بيا انت بتتدخل في كل حاجه ليه تبقى ليا ايه لا
خطيبي ولا حبيبي ولا اخويا ولا ابويا عاوز ايه
مالك انا جيبتك هنا عشان اعرفك ان انت لو وقفتي تاني مع اي شاب او شخص ولو بالغلط وشوفتك بتضحكي هتتاذي
نسمه وانا المفروض اخاڤ منك
مالك لو ذكيه تبقى تخافي
نسمه انت عاوز ايه اكيد في سبب اللي بتعمله انت من يوم ما جيت وانت بتعاملني بطريقه غريبه ودلوقتي عاوز تتحكم فيا وانا محدش يتحكم في ابدا حتى لو مين مش هسمح لحد بكده
مالك انا لو عاوز اعمل اي حاجه كان زمان عملتها وياريت تسمعي الكلام لان انا اللي بيخالف اوامري بيزعل
نسمه ولا هتقدر تعمل حاجه ابدا
مالك طب انا هوريكي هعمل ايه
طلع مالك من الاوضه وقفل عليها من بره وسابها فضلت نسمه تخبط على الباب پجنون وهو كان واقف ورا الباب ولا كانه سامع حاجه
نسمه انت مچنون طلعني من هنا انت بتعمل ايه
مالك انا هوريك الجنان على اصوله دلوقتي
نسمه طب افتح ليا الباب وانا هعمل اللي انت عاوزه
مالك مش هتطلعي من الاوضه دي قبل ما الكل يمشي والخطوبه تنتهي
نزل مالك وسابها وهي مش عارفه تعمل ايه في المشكله اللي هي فيها دي
نسمه يارب هعمل ايه دلوقتي ههرب من المچنون ده ازاي انا مش عارفه هو عاوز ايه مني وبيعمل معايا كده ليه
من_نظرة_حب 
بقلمي_الكاتبة_الصغيرة