الحلقه الخامسه والثلاثون بعد فترة انتهت الخطوبة والناس كلها مشيت ومفضلش غير العيلة ونزلت نسمة تحت

تنجز دا زين تلاقيه وصل دلوقتي
مالك انا اللي جيبته لنفسي يارب اني لا اسالك رد القضاء ولكني اسالك اللطف فيه
نسمة انت بتبرطم بتقول ايه
مالك ببرطم بالذمة دي كلمة تطلع من آنسة رقيقة
نسمة ومين قالك اني رقيقة
مالك بسس احنا وصلنا انزلي يلا
نسمة اي دا زين پيتخانق مع مين
مالك انزلي نشوف
نزلوا من العربية وكان زين پيتخانق مع حودة وبيضرب فيه والناس بتتفرج عليهم
نسمة بصوت عالي هو في اي ايه اللي بيحصل هنا
مراة من اللي واقفين الاستاذ دا نازل ضړب في المعلم حوده مش عارفين ليه
اتدخل مالك وقدر يبعد زين عن حودة اللي قام بسرعة وهو متعصب
زين سيبني عليه ي مالك
مالك اهدي ي زين
حودة اه ما هو دا اللي بيحصل لما الانسات المحترمات يجيبوا لينا شباب الحارة في الوقت دا
مالك احترم نفسك ي راجل انت انا ساكت بس عشان مش عاوز مشاكل
حودة والا هتعمل ايه
نسمة بس سيبولي انا الطلعة دي
قربت نسمة من حودة وهي متعصبة
نسمة جرا اي ي حودة انت عاوز اي في سنتك الهباب دي
حودة الحارة دي كل فيها محترمين ومش بييجوا في اخر الليل مع رجالة
نسمة بقولك اي ي حودة قسما بالله لو سمعت كلمة انا وهي لهكون ناسية التربية اللي اهلي ربوهالي وهبقي زيك وانت كلكم عارفين ان لساني لوحده يقدر يسكتكم علي طول وانتوا ي حارة عرة انا مش حذرتكم قبل كدة حد يتكلم عني كلمة كدة واللا كدة لهكون قاطعاله لسانه اللي فرحان بيه دا اما انت بقي ي حودة وربنا لو سمعت صوتك بعد كدة لهفتح كرشك اللي مبسوط بيه وادخل فيك تابيدة والكل عارف اني مش بتاعت كلام وبس وان كل كلمة بقولها بعملها
كان زين ومالك واقفين مصډومين من اللي بيشوفوه وبيسمعوه لان عمرهم ما شافوا نسمة كدة طول الوقت كان صوتها هادي ومبتغلطش ابدا
مالك دا ايه الکاړثة اللي انا وقعت فيها دي ي ربي
من_نظرة_حب 
بقلمي_الكاتبة_الصغيرة