تزوجني_و_لكن  بقلمي_الكاتبة_الصغيرة" الفصل التاسع عشر

تزوجني_و_لكن 
بقلمي_الكاتبة_الصغيرة" الفصل التاسع عشر

اسماء : انا موافقة انا مش هلاقي احسن من خالد

اڼصدم الكل من كلامها حتي خالد وفي باله هي من امتي بتحبه كدة

مروة قامت بسرعة وقالت : انتي ازاي توافقي علي كدة توافقي انك تتجوزي جوزي مش علي اساس انا اختك انطقي

مسكها خالد من ايدها وقال پغضب : اهدي ي مروة لو سمحتي

مروة : انت عاوزني اهدي ازاي وانت هتتجوز عليا

سحبها بسرعة وطلع هو وهي لاوضتهم اما محمود بص لاسماء بفرحة شديدة لان خطتهم قربت تنجح والا دا اللي كانو مفهمينوا لهم

محمود : انا هجهز لحفلة الخطوبة من دلوقتي اكيد حفلة خطوبة خالد محمود السويسي مش هيبقي اي حاجة

مشي وسابها وهي قعدت جمب جميلة وهنادي اللي كانوا منتظرين يسمعوا السبب اللي خلاها توافق

اسماء : عارفة انكم عاوزين تعرفوا انا وافقت ليه انا عملت كل دا عشان محمد احنا خلاص بقي في ايدنا الدليل اللي يثبت براءته بس فاضل الكل يعرف حقيقتهم ودا هيحصل في حفل الخطوبة اللي اكيد كبرات البلد كلهم هييجوا

هنادي : يعني انتي متاكدة من اللي بتعمليه

اسماء : انا هعمل اي حاجة بس المهم محمد يطلع من السچن واللي كانوا السبب في حپسه ياخدوا جزاءهم

جميلة : بس انا حاسة ان اللي هيحصل دا هيكون وراه مصېبة

اسماء : متقلقوش انا هتصرف ومسئولة عن اللي هيحصل

هنادي : طب ومروة

اسماء : مروة ذكية وهي اكيد عارفة انا عملت كدة ليه واللي حصل دلوقتي كانت خطة ما بينا اصلا

عند مروة وخالد كانوا فوق في اوضتهم ومروة بتمثل انها بټعيط وخالد جمبها حاضنها

خالد : اهدي ي مروة ي حبيبتي

مروة : حبيبتك وحبيبتك دي اللي هتتجوز عليها صح

خالد : مروة انتي عارفة اني بحبك انتي ومستحيل احب غيرك وجوازي من اسماء دا جواز مصلحة بس