راوية عرض جواز الفصل الثالث بقلم اسماء صلاح حصريه وجديده

بتخوف الموظفين ورفع ياقه الجاكيت والله تنفع مدير بجد وبينظر حواليه ايه اللي انا بعمله ده وخرج من الشركه وراح وركب عربيته وتحرك 
جوه الشركه  
في مكتب نجوي السكرتيره  
وبتنظر نجوى السكرتيره قدامها لقت مروان بيه جاي فوقفت
رايح مروان على مكتبه وهيفتح الباب والټفت لقي نجوى السكرتيره واقفه وقال اقعدي كملي شغلك وشاور بايده 
نجوى السكرتيره قالت حاضر يا فندم وقعدت 
وفتح مروان الباب ودخل مكتبه وقفل وراها وراح وقعد على كرسي المكتب بضيق ونظر بالصدفة لصورة والده اللي قدامه علي مكتب واخذها من علي المكتب وبينظر لها وتذكر كلام والده 
فلاش باك  
في مكتب والده  
و بينظر مروان لوالده وقال بابا 
وبينظر والده في ملف اللي قدامه وقال ايوه يا مروان عايز ايه
مروان قال انت ازاي بتتعامل مع الناس دي كلها يا بابا وبتمشي كلامك عليهم
ونظر له والده وقلع النظاره وحطها قدامه على المكتب وقال ايه اللي خلاك تسال سؤال زي ده
مروان قال علشان انا بشوفك بتتكلم مع الناس دي كلها ما بتخافش يا بابا وانت بتتكلم معاهم
والده قال باستغراب وهخاف من ايه يا مروان ما هم بشړ زينا يا حبيبي 
مروان قال ايوه يا بابا انا عارف انهم بشړ زينا بس كل واحد بيقعد معاك بيبقى عايز منك حاجه ازاي بتقدر تركز مع كل واحد فيهم لا و بتمشي كلامك عليهم كمان ده حتى يا بابا اللي اللي انت عايز منه حاجه برده بتمشي كلامك عليه لا وهو بينفذ اللي انت بتقوله ازاي يا بابا بتقدر تعمل ده
والده قال شوف يا حبيبي انت لازم تفهم الاول انت عايز ايه واللي انت عايزه ده هتعمله ازاي ولو عرفت انت هتعمله هتقدر تتعامل مع كل واحد انت عايز منه حاجه او هو عايز منك حاجه كويس قوي
مروان قال مش فاهم يا بابا تقصد ايه
والده قال هفهمك يا مروان انت عايز ايه دلوقتي
مروان قال عاوز انجح واتخرج واكون زيك يا بابا
والده قال بابتسامه ان شاء الله هيحصل ده بس علشان تنجح بتعمل ايه 
مروان قال هعمل ايه يعني يا بابا بذاكر علشان انجح
والده قال بتذاكر يعني انت دلوقتي عارف انك علشان تنجح لازما تذاكر صح
مروان قال ايوه صح 
والده قال يعني انت دلوقتي عارف انت هتعمل ايه و هتعمله ازاي انا بقى بعمل كده مع الناس اللي هنا كل واحد عايز منه حاجه ببقى بتكلم معاه وعارف انا عايز ايه و بقنعه باللي انا عايزه واللي عاوز مني حاجه بفهم الاول هو عايز ايه واذا كان اللي عايزه ده غلط ما بوافقش عليه فهمت بقى
مروان قال اهااا يعني لازم الاول افهم انا عايز ايه و هعمله ازاي ولو عرفت اعمله هقدر اتعامل مع اللي هعمله معايا
والده قال صح كده وعاوز اقولك حاجه مهمه وخليها دايما في بالك 
مروان قال ايه هي يابابا 
والده قال انك لازم تفهم كويس طبيعه الناس اللي حواليك و تسمعه كويس جدا قبل ما توافق على اي حاجه 
مروان قال حاضر يا بابا بس ليه
والده قال علشان بيبقى في ناس بتبقى عايزه توقعك وتخرب كل حاجه انت عملتها وخلي بالك انت كل ما تكبر في شغلك الناس اللي عايزه توقعك دي وتخرب كل اللي انت عملته هتبقى اكتر علشان كده لازم تخلي بالك وتسمع كويس اللي قدامك قبل ما توافق على اي حاجه علشان يا حبيبي الراجل بيتربط من كلمته وانا عايزك تبقى قد كلمتك اللي انت بتقولها واللي قدامك لازم يفهم انك قد الكلمه اللي انت بتقولهاوهتنفذها فهمت
مروان قال فهمت يابابا 
والده قال اوعى تيجي على حد وتاذيه يا مروان
مروان قال حاضر يا بابا بس يعني لو اذاني اسيبه يذيني من غير ماذيه
والده قال لا طبعا بس اذيه بشرف مش بطريقه غلط علشان الغلط يا حبيبي هيفضل غلط مهما كان المبرر بتاعك علشان عملت الغلط ده هو في الاخر غلط فاهمني يا مروان
مروان قال فهمك يابابا 
والده قال اوعى تنسى الكلام اللي انا قلته لك ده علشان انت اللي هتمسك الشركه دي من بعدي خليه دايما في بالك ماشي
مروان قال حاضر يابابا وربنا يخليك لي 
والده قال ويخليك لي انت واخوك 
في مكتب مروان  
وبينظر مروان للصورة وقال لنفسه بحزن الله يرحمك وحط الصورة مكانها علي المكتب لازم القي حل المشكله دي بسرعه قبل المبيعات ماتنزل اكتر من كده بس ازاي وبيفكر 
في المدرسه  
دق جرس الحصه 
في الفصل اللي فيه جمال  
سمع جمال صوت الجرس وهو بيشرح الدرس وقال الحصه خلصت اعملوا الواجب اللي انا قولت عليه ياولاد علشان هشوفوا المرة الجايه
التلاميذ قالوا حاضر يا استاذ 
ونظر جمال لتلميذ وقال امسك كتابك 
التلميذ قال حاضر يا استاذ واخذه منه 
وخرج جمال من الفصل وقال لنفسه اما اتصل بنجمه اشوفها عملت ايه في الروايه كملتها ولا لا وطلع التليفون من جيبه وهيتصل لا بلاش احسن