رواية صاحب مفتاح الشقه الفصل الرابع بقلم عمرو راشد حصريه وجديده

رواية صاحب مفتاح الشقه الفصل الرابع بقلم عمرو راشد حصريه وجديده 
ما تشوفي حل في جوزك دا انا زهقت
ولا يهمك انا هربيه المهم انت متزعلش
هو القميص وحش بجد
دا انت كدا بتشكك في ذوقي بقا
أمجد الزفت دا هو بيشككني في نفسي
سيب أمجد عليا وانا هاخدلك حقك منه بس يلا اخرج بسرعة قبل ما حد يشوفنا
ساعتها مشيت بسرعة من جنب المطبخ و رجعت على الصالة وكملت اليوم بشكل طبيعي جدا لحد ما رجعنا وهنا بدأت المشكلة
انت مش شايف انك زودتها شوية
زودتها ازاي يعني
انت احرجت صلاح جدا النهاردة
هو اللي احرج نفسه لما يقارن نفسه بيا
وهو انت مين اصلا انت كنت زيه في يوم من الايام لحد ما اتجوزتني وساعتها مسكت الشركة وبقيت مسؤول عنها وعن باقي املاكنا لكن غير كدا انت مكنتش تملك أي حاجة يعني احنا السبب في كل اللي انت فيه دا ف متنساش نفسك يا أمجد

كل اللي أنا فيه دا من تعبي ومجهودي انا لو مش شاطر مكنتش مسكت الشركة
برضو بمزاجنا يا أمجد
انتي عايزة ايه دلوقتي ممكن اعرف
تكلم صلاح دلوقتي حالا وتعتذرله
اكلم مين انتي مچنونة شكلك
انت من امتى وانت بترفضلي طلب
انا عمري ما رفضتلك طلب بس الا دا انا مش هعمل كدا يا منال
بس انت هتعمل كدا يا أمجد
خاېفة على مشاعره ومش خاېفة على كرامة جوزك
جوزي هو اللي مصمم يحرج نفسه و دي النتيجة
وانا مش هعمل كدا
يبقا انت مش هتبات في البيت دا النهاردة
نعم اومال هبات فين
دي مشكلتك مش مشكلتي اتصرف و بات في اي مكان يعجبك ولما تعقل وتعرف انت بتكلم ابقا ارجع غير كدا انت ملكش وجود هنا
يعني دا اخر كلام عندك يا منال
ومعنديش غيره
لإرضاء الشخص المغرور هو انك تنفذ اللي هو بيقوله بس انت في دماغك ممكن تعمل عكسه تماما بس مجرد التنفيذ وانك تمنحه احساس الانتصار دي لوحدها درع حماية ليك عشان بعدها تعرف تكسب انت وكله متوقف على ذكائك نزلت من الشقة حتى من غير ما اجيب هدومي و ركبت العربية و روحت على شقة ناهد فتحت الباب و دخلت و قعدت وبعد دقايق لقيتها خارجة من جوا
انا مش مصدقة نفسي انت جاي دلوقتي ازاي
حظك حلو
دا أبواب السما مفتوحة بقا مش حظي بس اللي حلو
اشمعنا
اصل انا دعيت انك تيجي تبات معايا النهاردة
و اهي حصلت وجيت
نورت بيتك يا حياتي تحب احضرلك تاكل
فاكرة لما قولتلك ايه الحاجة اللي متقدريش تشتريها
راحة البال صح
صح وعشان كدا منال سلمت نفسها لينا بدون اي مجهود
ازاي
منال على علاقة ب صلاح جوز اختها
دا الموضوع كدا رايح في سكة تانية بس ازاي انت