زهرة_وسط_اشواك البارت_الرابع ل فريدة احمد حصريه وجديده

زهرة_وسط_اشواك البارت_الرابع
ل فريدة احمد حصريه وجديده 
اسمعي يابت انتي. انتي هتاخدي هدومك وترجعي بيت ابوكي. لأني استحالة هوافق علي جوزاك من ابني. فاهمة
قالتها امينة بشړ بعد مافتحت باب الاوضة علي زهرة وقربت منها
زهرة اللي قاعدة علي السرير وهي مش فاهمه حاجة ولا عارفة ليه مرات عمها بتتكلم كدة لكن قالت ببرود... انا كمان مش موافقة علي الجوازة دي. لو تعرفي تقنعي عمي يصرف نظر. اقنعيه 

بقلم فريدة احمد 
امينة... وعمك مش هيصرف نظر وانتي عارفة.. يبقي زي الشاطرة كدة تاخدي بعضك وتمشي ومادام مش موافقة 
اشتري نفسك وبلاش تتجوزي ڠصب عنك. لان صدقيني هتتعبي. دا غير اني هعيشك هنا اسود ايام عمرك. 
زهرة..... حضرتك بټهدديني.!! 
امينه.... برافو عليكي. اه پهددك.. 
في الوقت ده كان حمزة راجع و بيوقف بعربيته قدام الفيلا
امينه.... انتي هتاخدي هدومك وتمشي ترجعي بيت ابوكي.. واللي هيسألك هتقولي مش موافقة علي الجوازة دي. فاهممة
وكملت بټهديد... واياكي تجيبي سيرتي وتقولي اني قولتلك تعملي كده.. علشان متتأذيش.. 
ثم اكملت بثقة... وكده كده محدش هيصدقك.. ف بدا ماتجيبي لنفسك المشاكل امشي بهدوء احسلك انتي مش قدي ولا قد جبروتي 
بعلت زهرة ريقها پخوف وهي شايفة الشړ والجبروت اللي في عين مرات عمها
في اللحظة دي كان حمزة طالع علي السلم وهو معدي علي اوضته شاف اوضة زهرة مفتوحة ومامته جوا معاها
دخل حمزة وهو بيقول.... ايه اللي مسهركو كده
لفت امينه ليه بتوتر ليكون سمع بس اطمنت لما لاقيته مبتسم وبيمسك ايدها يبوسها.... عاملة ايه ياست الكل 
مسكت امينه ايده اللي ماسكة ايدها بأديها التانية وطبطبت عليها بحب وقالتو... كويسة ياحبيبي طول ما انت كويس
وبصت ل زهرة ببتسامة وهي بتقول... عروستك زي القمر 
ورجعت بصتله... الف مبروك ياحبيبي . ربنا يتممكلو علي خير..انت متعرفش انا مبسوطة الزاي ان اخيرا هتتجوز. لا ومش اي حد. دي زهرة حبيبة قلبى 
زهرة واقفة مستغرباها هي الزاي اتحولت كده 
حمزة باس علي راسها.... انا مش عاوز حاجه غير رضاكي عليا وتبقي مبسوطة ياست الكل.. وكمل بعد مامسك ايدها وباسها... ممكن بقا اطلب من ست الكل طلب 
امينه... انت تؤمر يانن عيني
حمزة... انا عاوز فنجان قهوة من الايدين الحلوة دي علشان راجع مصدع اوي
امينه... الف سلامه عليك ياحبيبي. حالا هعملك احسن فنجان قهوة .. وهجيبهولك اوضتك 
وقربت من زهرة وباستها.. بعد ماقالتها ببتسامة حب.. تصبحي علي خير ياعروسة ابني 
وهي بتبوسها قالت جمب ودنها بصوت واطي مسمعوش حمزة اللي كان بيولع .. عاوزة اصحي الصبح الاقيكي مشيتي. ها
وباستها تاني علي راسها ببتسامة وخرجت
حمزة وهو بيدور علي حاجة في الاوضةقال.. مالك
زهرة مردتش عليه لانها كانت شاردة
حمزة قرب منها بعد مااخد طبق صغير لاقاه علي الترابيزة وابتدي يطفي فيه 
حمزة بسخرية..... مالك ياعروسة
زهرة بصتله لثواني وبعدين قالت.... هو انت مارفضتش ليه
حمزة بغباء