رواية جديدة البارت العاشر بقلم سميه عامر حصريه وجديده

بصت غزل لـ فوق لقيت مالك

- غزل بابتسامة رقيقة : ازيك يا مالك

- مالك : ازيك يا غزل عامله ايه النهاردة

- غزل باحراج : الحمدلله بقيت أحسن

- مالك : دقيقة نازلك

ظبط نفسه و لبس طقم أسود

- منى : حبيبي على فين

- مالك : على غزل ... قاعدة تحت

منى مسكت أيده : ابني انت بتحبها ؟

- مالك : ايه لازمته الكلام ده

- منى : غزل بتحبك

- مالك : لا هي قالت عكس كلامك وبعدين انتي شكلك عايزة تخلصي مني وأنا قاعد لك اهو

ضحكت منى و هو باس ايديها و خرج قعد جنب غزل

- غزل : مالك امبارح ...

اتوتر مالك : امبارح ايه ؟

- غزل : امبارح تعبتكم معايا أنا آسفه

مسك ايديها الصغيرة بالنسبة لايده خلاها تتوتر : 
- انتي تعبك بالنسبالي أكبر راحة يا غزل أنا مش عايز حاجة غير انك تتعبيني بس

سحبت ايديها ببطء و ضحكت بخجل

ضحك مالك هو كمان : ممكن أطلب طلب

- غزل : امممم طبعًا اطلب

- مالك : غنيلي يا غزل

احمرت خدودها : اغني ايه ؟

- مالك : أنا لك على طول

فضلت غزل مركزة في عينه و تاهت وهي حاسة جواهم بأمان 
لفت عيونها للبحر و بدأت تغني

(انا لك على طوووول خليك لياااا 
خد عين مني و طل عليا و خد الاتنين و اسال فياااا

- مالك : مش يبقى حرام اقاسي ڼار حبك

- غزل بخجل شديد : ها ... ده عبد الحليم اللي بيقول كده

- مالك : لا ده قلبي اللي بيقول كده

قامت غزل وقفت كانت ايديها بتترعش

لفت غزل لتتقابل عيونهم

- غزل : لأن .. لأنك تستحق الأحسن مني

- مالك : مفيش الأحسن منك

اتكسفت و كانت هتمشي وقفها كلمته : 
- انتي بتحبي حد تاني

- غزل : أنا عمري ما حبيت غير ...

- مالك : غير ايه ؟

- غزل : غيرك انت

قالت الجملة و جريت بسرعة

- مالك : غيري أنا ازاي فهمت أنا ايه كده ؟ استني يا غزل

جري وراها بس قفلت الباب بسرعة

- مالك : غزل أنا بحبك

عينيها برقت معرفتش تتكلم نطت على السرير و هي بتضحك