رواية جديدة البارت العاشر بقلم سميه عامر حصريه وجديده

سمع مالك صوت ضحكتها من بره ضحك و مشي

*** أستغفرك يا الله و أتوب اليك ***

- هشام : مرات مين يا طارق انت عبيط ؟! ... مالك السيوفي اتجوز بنتي و بدون علمي

- طارق : هو نفسه قالي كده تلاقيه هو اللي غواها يا عمي و ...و بطنها كبيره .. غزل حامل

- هشام : والله لاموته كده يابن السيوفي جبت اخرك معايا

ضحك طارق و لف وشه و خرج

*** سبحانك ربي اني كنت من الظالمين ***

وصل مالك الشركة كل تفكيره كان في غزل

- سليم : يا هووو ..ايه اصحى

- مالك : عايز ايه ؟

- سليم : سرحان في مين ؟ ، أكيد فيا

- مالك : في خيبتك

- سليم : خليني أفكر غزل مجاتش

- مالك : بقولك ايه متجيبش سيرتها على لسانك بقى خلاص بقت حرم مالك السيوفي

- سليم بزعل  : احلف اتجوزت من غير ما تقولي !

- مالك : انا بقى اتجوزت من غير ما اقول للعروسة نفسها

سليم وهو بيضحك : ايييه انت بتهزر

- مالك : و الله أبدًا انا اتجوزتها من غير ما تعرف عشان أحميها و ...

- سليم : و ايه ؟

- مالك : و عشان بحبها مش عايزها تضيع مني

- سليم : وايه كمان قول يا فنان امتى هحب أنا كمان

- مالك وهو بيضحك : لا انت مش هتحب انت هتفضل بتاع بنات بس ده انت كانت أول علاقة حب ليك مع بت في أولى ابتدائي

سليم وهو بيحط أيده على شعره باحراج : 
- يا عم كل البنات حلوه أسيبهم كلهم واخد واحدة بس طب والله حرام

*** اللهم لك الحمد دائمًا و أبدًا ***

لبست غزل فستان أبيض واسع جدًا و حجاب أبيض

- خالتو أنا هروح لـ مالك عشان نسيت الكتب بتاعتي هناك

- منى وهى بتغمزلها : الكتب برضوا يعني موحشكيش

- منى وهي بتضحك : الكتاب يا عين خالتك

اتكسفت و خرجت بسرعة ركبت مع السواق 
وقفوا في إشارة مرور كانت غزل قاعدة في هدوء لحد ما لقيت طارق بيحاول يفتح الباب

قفل السواق الباب من جوا مسك طارق حديدة و كسر الازاز وهي بټعيط و تصرخ مسك ايديها و فضل يشد فيها بس السواق طلع بالعربيه بسرعة و هرب منه بس بعلامة زرقة في ايديها

وصل السواق و صوت الناس كان عالي

قام مالك وقف و نزل على تحت هو وسليم 
لقى غزل منكمشه في العربية بټعيط و حجابها متبهدل و الناس بيبصوا على الازاز المكسور

برق مالك و جري فتحلها أول ما شافته اڼهارت و حضنته : 
- كان هياخدني يا مالك أنا كنت خاېفة اوي

كان سليم بيسمع من السواق اللي حصل و مالك سامع كلامهم

شالها في حضنه : أنا معاكي يا غزل اهدى هتشوفي أنا هعمل فيه ايه

طلع بيها على اوضته و قفل الباب

- مالك : خلاص يا غزل العياط هيكون على اللي هيحصل فيه عشان يعرف ازاي يقرب من مرا... من حبيبتي

بصتله غزل : أنا حبيبتك !

- مالك : انتي أكتر من حبيبتي انتي ...

اتفتح الباب

- هشام : هي ايه يابن السيوفي .......

يُتبع..