رواية لعڼة الماضي الحلقه الاولي بقلم الشيماء محمد حصريه وجديده
انت في الصفحة 7 من 7 صفحات
مفيش حاجه جد
عم سيد علي العموم يا بنتي انا شايفه انسان كويس والباقي عندك انتي... المهم يا وليه انتي مش هتعشينا ولا ايه
حبايب اهو ده اللي يهمك
عم سيد جعان يا بوبا بقي قومي حطلنا لقمه ناكلها
قامت ايمان وسابتهم ودخلت تعيش في عالم احلامها وقلبها بيدق ويرفرف من جديد.....
ياااااه اخيرا ربنا هيستجاب لدعاها ويجمعها مع حبيبها
فارس في اوضته مش متخيل ابدا انه ممكن يتجوز تاني او يشارك حد تاني حياته.. سبق وحب واتجرح وفشل ازاي يعيد ده تاني ازاي بس غرق في دوامه ذكرياته وافتكر سنين عدت
فارس واد يا مجدي عندنا محاضره ايه دلوقتي
مجدي عندنا power system باين
فارس طيب يالا بينا ده الدكتور ما بيدخلش حد وراه
طلعوا يجروا الاتنين وهما بيجروا فارس بيهزر مع مجدي وبص وراه ويدوب هيبص قدامه خبط واحده وقعها في الارض
فارس انا اسف انا اسف انا اسف.. انتي كويسه يا باشمهندسه
رفعت البنت دماغها وبصتله وسكتت
فارس اهه انا متخلف... اللي يوقع القمر ده في الارض مش بس يبقي متخلف ده يبقي غبي كمان... غبي ومتخلف ومتخلف وغبي
البنت ضحكت برقه
فارس مش بقولك متخلف
مجدي فارس المحاضره
فارس روح انت.. انا لازم اطمن علي الباشمهندسه الاول
فارس فارس محمد عبدالسلام بكالريوس ميكانيكا
البنت هيام الدمنهوري بكالريوس عماره
فارس الروقان كله
هيام انتو بتظلمونا ديما
فارس اه فعلا عندك حق احنا بنظلمكم.. انتو مش روقان خالص انتو دلع فضاوه اه....
هيام اه ايه قول كمان انت مجربتش تقعد اسبوع ولا شهر ترسم في لوحه وبعدها يجي الدكتور بكل بساطه يعملك اكس ويقولك عيد تاني
هيام علي فكره الرسم صعب
فارس واخد بالي.. واخد بالي انتي مجربتيش تقعدي تذاكري ويطلع عينك في مراجع وشيتات وابحاث وامتحانات غريبه وفي الاخر تلاقي نفسك ناجحه بالعافيه... رسم ايه اللي انت جاي تقول عليه....
وابتدت قصه حب جميله بس للاسف غير متكافئه ابدا بتفوت الايام وبقي شيئ اساسي انهم لازم يتقابلوا ويشوفوا بعض وساعات بيحضروا مع بعض محاضرات بعض... وبيقربوا كل يوم اكتر من بعض
هيام قول
فارس انا بحبك... لا مش بس بحبك انا بعشقك ردي انطقي قولي اي حاجه متسكتيش كده
هيام....
نكمل بكره
توقعاتكم
ايه اللي هيحصل
