رواية لعڼة الماضي الحلقه الثالثه بقلم الشيماء محمد حصريه وجديده

ايه هو انتي لو خلفتي هيبقي ابنك انتي لوحدك ولا ابني انا كمان يعني ايه شيئ ما يخصنيش!! 
هيام لان انا اللي هحمل وانا اللي هشيله في بطني وانا اللي حياتي هتتوقف وشكلي هيبوظ وبعدها هبقي مسؤله عن بيبي... لا انا مش مستعده لكل ده ناو 
فارس وانا عايز اخلف 
هيام ان شاءالله 
فارس يعني ايه ان شاءالله... انتي بتاخديني علي قد عقلي 
هيام فارس سيبني سنه ولا اتنين نتمتع بيهم بشبابنا وجوازنا قبل العيال 
فارس لا طبعا سنه ايه وسنتين ايه انا عايز عيال 
هيام ان شاءالله انا مش بقول لأ انا كمان عايزه اخلف منك بس اديني وقت مش اكتر 
فارس لا يا هيام انا استحملت كتير لكن لحد الموضوع ده وهقولك لأ والف لأ بعد اذنك 
هيام راحت لامها تحكيلها اللي حصل 
رجاء انا مش قادره افهم ايه اللي عاجبك فيه 
هيام جوزي وبحبه 
رجاء خلاص يبقي خلفي منه لما بتحبيه 
هيام انا عايزه فعلا اخلف منه بس مش دلوقتي اتمتع انا وهو شويه لكن هو مش فاهم راسه والف جزمه الا دلوقتي وخصوصا بعد ما مجدي صاحبه خلف 
رجاء يعني انتي عايزه ايه دلوقتي 
هيام عايزه حاجه تقنعه اننا نأجل الخلفه شويه شوفيلي حل 
رجاء سيبيني افكر شويه 
بعدها بيومين فارس راجع من شغله وحماته وقفته 
رجاء فارس تعال لحظه عيزاك 
فارس خير يا حماتي 
رجاء ممكن اتعبك وتوصلني مشوار صغير نص ساعه بالكتير ممكن 
فارس حاضر اتفضلي... امال السواق فين 
رجاء اخد اجازه النهارده معرفش عنده ايه كده لو مشغول بلاش 
فارس لا عادي 
وصلها المكان اللي هيا عيزاه وهيا نازله 
رجاء ينفع تنزل معايا 
فارس هستني حضرتك هنا 
رجاء لا معلش اطلع معايا هما خمس دقايق ونازلين علي طول كمل جميلك معايا يالا 
معرفش يرفض فنزل معاها ولقي نفسه في عياده نسا 
فارس احنا هنا ليه 
رجاء لحظه وهتفهم كل حاجه 
رجاء اخدته ودخلو للدكتوره وهو مش فاهم حاجه نهائي 
رجاء دكتوره داليا الامين صاحبتي وصديقتي 
فارس اهلا وسهلا بحضرتك.. انا عارف حضرتك 
داليا فعلا احنا اتقابلنا كذا مره 
فارس ممكن افهم بقي انا هنا ليه 
داليا انا هفهمك... انت هنا بسبب هيام... هيام يا فارس عندها ورم حميد في الرحم والمشكله ان الورم ده بيأثر علي قدرتها علي الحمل 
فارس انتي بتقولي ايه وهيا مقالتليش ليه 
داليا خاڤت وهيا شيفاك متعلق ومصر قوي علي موضوع الخلفه... هيا لما الحمل اتأخر جاتلي ومن ساعتها بتاخد علاج علشان نقلص حجم الورم لحد ما نقدر نتدخل جراحيا... وطبعا انا طلبت منها تاخد حبوب منع الحمل لان الحمل هيكون فيه ضرر علي صحتها... هيام خاڤت انها تخسرك او انك تسيبها فقالت تتعالج بسرعه بس انت عملت معاها خڼاقه كبيره 
فارس وقف مش عايز اسمع اكتر من كده... حضرتك يا حماتي مكنتيش مضطره تجيبني لهنا انتو فاكرني ايه انا بعشق مراتي... اتفضلي حماتي علشان اروحك 
رجاء لا روح انت انا هفضل مع الدكتوره 
جري فارس علي مراته وهو بيلوم ويأنب نفسه علي خناقاته مع مراته وجرحه ليها مره بعد مره 
الدكتوره انتي عارفه ان لو حد عرف باللي حصل ده انا هروح في داهيه... دي خېانه مهنيه.... 
رجاء ولا خېانه ولا حاجه... سنه كده وتبقي تحمل يعني هو مستعجل علي ايه وبعدين ايه اللي يثبت انك قولتيلو حاجه ده مجرد كلام... وبعدين ده جميل انا مش هنساه ابدا... فاهماني 
فارس وصل لمراته ويصالح فيها ويتأسف ويعتذر 
فارس ليه خبيتي عني... ليه مقولتيليش انتي متخيله ان عندي اغلي منك انتي انتي ليه ديما بتشككي في حبي