رواية لعڼة الماضي الحلقه ال 17 بقلم الشيماء محمد حصريه وجديده

عليه 
فارس مفيش حد غريب علشان تعملي مسافه بينا 
شويه والباب خبط فقامت دخلت وفارس راح يفتح وكان حماه وحماته 
فارس تعالي ايمان محدش غريب .. باباكي ومامتك 
الاتنين كانوا متوقعين واحده دبلانه تايهه مريضه زي ما كانت قبل ما تسافر مع جوزها بس اول ما شافوها بلبسها وبالحب اللي في عنيها مكنوش مصدقين ان دي ايمان بنتهم
اخر النهار الباب خبط وكان المره دي مجدي 
مجدي ادخل ولا ايه 
فارس سكت ومنيره جت من وراه ادخل يا واد وانت من امتي بتستأذن 
فارس من ساعت ما بقي بيهبل 
مجدي دخل وقعد هو وفارس لوحده 
مجدي انا اسف يا فارس علي اللي حصل بس انت المفروض تبقي عارف انه مكنش قصدي 
فارس انت جاي بيتي تقولي ما بتحبش مراتك وبتمثل عليها وتقولي مش قصدي 
مجدي انا غلطت بس كنت ساعتها مهتم اكتر بالشغل فاعذرني .. انا غلطت 
فارس انا كمان غلطت لما مديت ايدي عليك هناك 
مجدي انت كان عندك حق انا كنت غبي ومتخلف كمان 
فارس مش انت لوحدك يا صاحبي مش انت لوحدك 
مجدي يعني اصحاب 
فارس انت عندك شك في كده 
منيره طلعت انتو اخوات مش اصحاب والاخوات بيتخانقوا ويتصالحوا بس ما بيبعدوش عن بعض 
مجدي طيب ممكن اعتذر لايمان 
فارس نادي عليها وخرجت 
مجدي هيا احلوت اليومين دول ولا انا متهيألي 
فارس انت مال اهلك انت جاي تبص لمراتي يالا 
مجدي والله ما اقصد ابدا 
اعتذر وفضل معاهم شويه ونزلوا الاتنين مع بعض يتكلموا في امور الشغل اللي اتعطل وبعد ما خلصوا فضلوا شويه ساكتين 
فارس ايمان قالتلي 
مجدي علي ايه 
فارس انها كانت عايزه ترجع الشبكه وانت منعتها
مجدي انت محتاجها في حياتك وكنت عارف انك مع الوقت هتحبها لان هيا انسانه كويسه 
فارس متشكر علي وقوفك جنبي 
مجدي اي خدمه ... فارس 
فارس ايه 
مجدي نجاه وهيا بتكلمني قالتلي حاجه غريبه قالتلي انها حست ان انا عملت كده علشان بغير منك 
فارس ضحك انت تغير مني ليه لو حد هيغير المفروض ابقي انا انت عندك كل حاجه مش عندي .. وربنا يباركلك فيها لاحسن تقول اني بقر ولا حاجه 
مجدي ضحك بس للاسف يا فارس انا فعلا غيرت منك 
فارس ليه علي جوازي الفاشل وعلي المشاكل اللي ما بتنتهيش علي جوازي التاني اللي عملته ڠصب عني علي خناقي مع مراتي كل يوم والتاني علي العيل اللي سقط علي ايه بالظبط  
مجدي معرفش علي كل ده اه .. ديما بحس انك مهم .. هيام مثلا لما حبتك شغلك مع ابوها لما اشتريت الورشه لما رجعت تشتغل معايا ذكائك وشطارتك في الشغل ايمان نفسها وحبها ليك ودلوقتي اهو كمان بدأت تحبها ... ساعتها قولت بكل المشاكل دي وناجح في شغله فما بالك لو اموره اتصلحت وحب مراته وبقي سعيد هيعمل ايه في الشغل هيبدع هتوصل لاعلي نقطه وفي وقت قياسي ..غيرت منك .. فسامحني 
فارس بص يا مجدي احنا الاتنين غلطنا واتصالحنا وانتهي الموضوع علي كده... اقفل بقي الحوار ده كله .. تعال نركز في شغلنا لان زي ما انت بتقول انها هبدع وعندي فكره جهنميه هتنقلنا فووووق 
فارس فعلا هو ومجدي ركزوا في الشغل وبدؤا يطلعوا لفوق وايمان عايشه قصه حب مع جوزها وبتتفنن في اسعاده ... 
في يوم كان في شغله واتصلوا بيه من شغل مراته وبلغوه انها تعبانه واغمي عليها فطلع يجري عليها ولما وصل كانت فايقه وكويسه واخدها علي البيت وهناك اصر يروحوا يطمنوا عليها لانه خاف انها تكون تعبت تاني او السكر عالي تاني 
راحوا للدكتوره داليا زي ما ايمان طلبت وهناك حكالها اللي حصل وعملتلها تحاليل واستنوا النتيجه لحد ما طلعت .. فارس طلع المعمل يجيب النتيجه ومراته في الاستراحه مستنياه 
اخد النتيجه وبيقلب فيها بيشوف ايه اللي يعرف يخمنه .. بيبص للنتيجه والنسبه بتاعتها المفترضه وشايف ان اغلب التحاليل كويسه علي قد ما فهم لحد ما قري كلمه خلته اټصدم 
Pregnancy test positive 
الدنيا لفت بيه وقراها كذا مره وبيحاول يفهم وبيترجم في عقله يعني ايه positive ويعني ايه negative وايه الفرق بينهم لحد ما وصل عند مراته اللي اول ما شافت وشه وقفت قدامه 
ايمان في ايه التحاليل فيها ايه