رواية حنين الليل بقلم اميرة رمضان الفصل الواحد والعشرون

رواية حنين الليل
بقلم اميرة رمضان
الفصل الواحد والعشرون 
بعد شويه من اجواء الضحك و الزغاريط لقيت رساله 
جات علي تلفوني بفتحها واتعصبت 
الرساله من ليل متضحكيش واقفي هاديه بدل
ماخدك واروح
رديت عليه في رساله بعصبيه انت بتراقيبني متركز
مع الناس اللي انت قاعد معاهم 
ليل لاء مش مركز الا معاكي انتي تصدقي انا ندمان 

اني جبتلك فستان اسود 
_ليه بقا ان شاء الله 
ليل ملفت عليكي اوووي 
_ يالهووووووي ملفت اي ده اسود امال البس اااي 
ليل متلبسيش يلا نروح
_ ليل انت بتتلكك صح نمشي اي دلوقتي انا لسه
مرقصتش بعتها واستنيت دقيقه مردش 
_ اتاخر في الرد ليه يمكن مشغول ولقيت حد حط 
ايدو علي كتفي 
_ يارب ميكونش اللي في بالي 
ليل لاء هو اللي في بالك سمعيني كده كنتي باعته اي 
_انا بعت اي مبعتش حاجه 
ليل الرساله اللي لسه بعتاها حالا 
_ اسكت مش انا الاكونت بتاعي مسروق هو انت متعرفش 
ليل بتمثيل لاء ي شيخه تصدقي معرفش قدااامي علي البيت 
_ انت صدقت ولا اي انا والله مش بعرف ارقص اصلا 
ليل يعني الاكونت مش مسروق 
_ اي ده انت متعرفش منا رجعتو 
ندي تلفونها رن 
الو ايوا يا ماما انا سمعاكي الووخرجت برا القاعه تكلمها
سوسن اتاخرتي كده ليه يا زفته يلا تعالي 
ندي يا ماما منا هاجي مع مرات عمي وبسمه مش هاجي لوحدي 
سوسن مرات عمك وبنتها صايعين بيتاخرو برا البيت 
لكن احنا لاء 
ندي على فكره احنا لسه جايين من نص ساعه مفيش
تاخير ولا حاجه ساعه كمان واكون عندك 
سوسن طب يلا ي اختي متتاخريش بنات اخر زمن 
ندي قفلت مع ولدتها وشافت رحيم بيستقبل الضيوف
برا القاعه 
ندي حست انها مبسوطه وحاسه بالامان وهو موجود وممنونه ليه جداا رحيم خد باله انها بتبص عليه 
رحيم في حاجه واقفه برا ليه 
ندي كنت بتكلم في التلفون ومش سامعه وانا جوا
رحيم يارب بس منكونش بنكلم حد كده ولا كده 
ندي بحزن والم انا كنت بكلم امي وبعد اللي حصل
مستحيل اعمل كده تاني انا عرفت اللي فيها
مستحيل حد يحبني واللي هيحبني ده هيحبني
علي اي بس انا مش عارفه اشكرك ازاي علي اللي
عملته معايا واللي حصلك بسببي 
رحيم اولا مفيش حاجه اسمها محدش بيحبني
لان ربنا خلق جوا كل واحد فينا حاجه مميزه بتجذب الشخص التاني ليه وبيكون شايفه احلي شخض في 
الدنيا اصبري لسه نصيبك مجاش 
اما بنسبه انك بتشكريني فانتي زي اختي مفيش شكر 
ده اقل واجب 
ندي بحزن اختك
رحيم ايوا اختي مالك مستغربه ليه
ندي قالت بسرعه عشان تنقذ نفسها اقصد يعني ربنا يبعد اختك عن الحوارات دي ومتكونش زي مهما حصل 
رحيم اللي فات خلاص ركزي في اللي جاي 
ندي اكيد شكرا انا هدخل بقا 
ندي دخلت وهي حزينه اكتر لان الشخص اللي دافع 
عنها وبقا بنسبالها الامان مش شايفها غير اخت وبس 
ندي في بالها مش رحيم ده اللي كان معجب بيا واحنا عيال