رواية حب وانكسار البارت الخامس بقلم حنين عادل حصريه وجديده

بص مؤمن پصدمة ليه :
لا انت بتقول كده بس عشان تبين انك صح

ضحك جده وقال:
انا فعلا بفضل الله عمري صح مراتك اللي رميتها وروحت اتجوزت رقاصة عليها الرقاصة اللي خلتك مدمن

قاطعه مؤمن :
مدمن ؟! مدمن ايه

_انت عارف انت نايم بقالك اد ايه الدكتور شك في حالتك وعملك تحاليل وطلعت بنت المؤذية بتديلك حاجة مع الوقت بتبقي ادمان وتسبب هلوسة وتخليك عبد عندها تقول لها علي كل حاجة طيب وحاضر ويبقي ما لكش إرادة

ماكنش مؤمن مصدق كلام جده

ابتسم جده:
حتي خلتك تكره مراتك واهلك وما تصدقش جدك اللي عمره ماكدب وكنت انت اكتر واحد بيحبه واقرب حد ليه

انت عارف ان مراتك ولدت

مؤمن : ولدت ولدت ازاي وهي لسه ماجاش ميعادها

_لا ولدت وجابت بنت ولد البنت ربنا كرمها عشان ماكانتش تكبر وتتعر من ابوها واټوفت والواد الله اعلم بنصيبه

مؤمن پصدمة : هي كانت حامل في توأم

بيرد الجد بمرار: ايوه  ....طلق مراتك

مؤمن پصدمة وتوتر: ايه !

الجد: طلق مراتك مراتك مش عاوزاك ماعدتش طايقة تسمع صوتك كرهتك

مؤمن حس أنه متوتر ومتضايق بس كلام جده چرح رجولته فرد في نفس اللحظة وهو بيبُص لأبوها:
بنتك طالق ياعمي

لحظات من الصمت والكل بيطلع وبيسيبه لوحده

مؤمن بتفكير :

*ازيك يا بن بطني

بيبُص علي الباب وبيقوم بفرحة وبيحضنها ..

مؤمن:وحشتيني اوي اوي اوي يا ماما

بتبعده عنها وبتضربه بالقلم ..

مؤمن بيمسك وشه پصدمة

امه: يا خسارة تربيتي فيك يا خسارة لما قالولي اني خلفت ولد انا قولت ضهري اتسند طلعت انت كسرت الضهر اللي في حياتي الحاجة اللي تخليني عيني مکسورة وسط الخلق بس ما عنديش ليك غير الدعاء 
ربنا يخلص حق آية منك

قعدت علي السرير پصدمة معقول امي تدعي عليا بكده قلبي وجعني اوي ..

قومت من علي السرير وطلعت من اوضتي وانا مقرر اروح لسوزي لحد دلوقتي انا مش مصدق اي كلمة عنها وعديت من قدام أوصة لمحت فيها آية معقول هي دي بقت نص وزنها ملامحها بهتانة وتحت عيونها هالات سوده وجسمها هزيل

مانكرش اني زعلت علي حالتها بس هما اللي حطوها في سكتي صحيح مالهاش ذنب بس انا ذنبي ايه !

وصلت قدام بيتي أو بيت سوزي فتحت بالمفتاح ودخلت سمعت ضحكتها

ابتسمت بتلقائية فكرتها شربانة زي عادتها أما كانت تدخل اوضتها وتقفل عليها مرتين في الأسبوع وتقول لي انها زي طقوس وبتكون مرتاحة كده

كان الباب مفتوح قربت اكتر عشان اڼصدم صدمة عمري....يتبع

ولسه اللي جاي تقيل مع كاتبة الجيل 😎

تفاعلوا تفاعل حلو طولت البارت اهو 🔥