رواية حب وانكسار البارتPart 6 والأخير بقلم حنين عادل حصريه وجديده
انت في الصفحة 2 من صفحتين
حاولت كتير ارجع لمراتي بس مكنتش موافقة حتي تقابلني اترجيت عمي كتير يخليها تقابلني وتوريني ابننا اللي ماكنتش عاوز اشوفه الا لما ابقي انسان كويس واخيرا وافقت
روحت حلقت ولبست احسن حاجة عندي وكأني عريس وجبت لها هدية وبوكيه ورد ودخلت
دخلت عليا الصالون وهي لابسة عباية استقبال لونها لافندر ولأول مرة الاحظ جمالها ورقتها وكانت شايلة ابننا قعدت وقعدت قصادي وكانت متوترة
بصيت في عينيها ومسكت ايديها فشدت ايديها مني :
انا متحرمة عليك
أخدت ابننا وبصيت ليه سبحان الله الخالق المبدع كان تبارك الله شبه أمه
بصيت ليها : جميل اوي شبهك
بصت لي وهي مستغربة ..
مؤمن : علي فكرة انتي مش متحرمة عليا انا رديتك
وقفت پغضب: بس انا مش عوزاك
شدتها قعدتها علي حجري فا اتحرجت وقامت قعدت بعيد ساكتة
مؤمن: انا عارف اني ماستحقش فرصة منك حتي اني كتير عليا والله بس صدقيني انا اتغيرت اتغيرت اوي جربيني بس
والله بحبك
آية: ايه قولت ايه ؟!
مؤمن : بحبك وربنا ماعرفش امتي وازاي فجأة لقيتني بفكر فيكي كتير وحاسس بالندم لدرجة اني لما بتفكر عملت ايه ببقي عاوز اموت نفسي اديني فرصة والله وهاسعدك
هزت دماغها بابتسامة فاطمن قلبي حضنتها لاول مرة وجوايا أحاسيس كتير وحلوة
فرحان وانا بشوف ابني بيكبر قدام عيني وعارف أن بنتي
بنتي حبيبتي هتاخد بايدي عالصراط للجنة
وعلي خلفية اغنية ...
الحب كله حبيته فيك الحب كله
وزماني كله انا عشته ليك زماني كله
مؤمن : حبيبتي
آية: ايوه يا قلبي
مؤمن : جهزي شنطتك
آية: ليه ؟!
مؤمن : عشان اتخنقت منك روحي اقعدي عند ابوكي شوية
آية پغضب: والله طيب
شدتها لحضني وضحكت :
هنسافر يا قمر
آية: بجد فين ؟!
مؤمن : احنا ماعملناش شهر عسل ولازم نعمله
حضنته آية بحب ومؤمن ابتسم ..
عاوز اقول ان دي قصتي واني اكتشفت ان كل العيوب اللي ممكن حد يشوفها فيك
الدوشة و الصداع ممكن يتشافوا حيوية و طاقة .. الزن يتشاف اهتمام ، والرغي يتشاف حب ، وحتى السكوت يتشاف ونس ..
العيب طلع ف العين اللي مبتشوفش تصرفاتنا بعين المُحب و مبيوصلهاش اشارة بجمال كل تصرف طالع من قلبنا ..
في ناس كتير في الدنيا هتقابلهم ويشوفوك حلو زي ما انت بدون ما تبذل اي مجهود و هيلاقوا ان حتى عيوبك بتحليك واللي حسستني بده كله آية بتشوفني اجمل انسان علي وجه الأرض
باختصار احنا حلوين بس مع ناسنا وفي مكانا الصح
بقلب في الفيس لقيت نفس الكومنت اللي قلب حياتي تفتكروا ادخل احكي لي قصتي ولا ادعي له بالهداية ؟!
تمت ...
اتمني تكونوا حبيتوها وتشجعوني انزلكم الاسكريبت الجديد ❤️🔥
رأيكم يا سكاكر..
