رواية فريد وتغريد الحلقة الخامسة عشر بقلم عادل عبدالله حصريه وجديده
انت في الصفحة 1 من 4 صفحات
رواية فريد وتغريد الحلقة الخامسة عشر بقلم عادل عبدالله حصريه وجديده
هند طيب وبعدين هنعمل ايه معها
فريد انا فكرت كتير ولقيت حل واحد بس لو أنتي وافقتي عليه .
هند ايه هو الحل ده
فريد احنا ممكن نتجوز جواز صوري علشان نرضيها و في السر لحد ما الأمور تهدا و امي تهدا شوية ودماغها تلين ومع الوقت نحاول نقنعها اننا فشلنا في جوازنا ونتطلق بهدوء بدون ما حد يعرف بردو ويبقي كأن مفيش أي حاجة حصلت .
فريد أنا عارف كويس أنك رافضة وأنا كمان و لولا أن أسامة مسافر ومفيش حد جنبكم هنا غيري وامي وأنتوا محتاجين وجودي جنبكم كنت مستحيل أوافق وكنت اسيب البيت وامشي .
هند لأ مش للدرجادي وليه تسيب بيتك شوف أي حل تاني .
فريد الصراحة بعد تفكير كتير انا مش شايف أي حل غير كده لو عندك حل قولي عليه لكن اهم حاجة حطي في حسابك مشاعر أمي قبل أي حاجة تانية .
فريد يعني مش هنعرف حد غير امي ووالدتك واخواتك والشهود وبس وزي ما قولتلك ما بيني وبينك هيبقي جواز صوري و نفضل زي ما أحنا و لا كأننا اتجوزنا .
هند يعني مفيش حل تاني
فريد أيوه للأسف بعد تفكير طويل مفيش اي حل تاني ممكن هيرضي أمي !!
هند طيب انا موافقة بس ليا شرطين .
هند أولا أنت مش هتنام في شقتي ابدا ولا بالنهار او بالليل حتي لو قولتلي علشان ترضي والدتك .
فريد ده اكيد طبعا .
هند ثانيا وقت ما اطلب منك الطلاق تطلقني علطول .
فريد موافق .
هند خلاص أتفقنا قولها اننا موافقين وأكد عليها أنه يكون في السر .
فريد حاضر وهو ده اللي هيحصل .
عاد فريد الي منزله في نهاية اليوم وهو يشعر بسعادة عارمة فأخيرا توصل لحل يرضي والدته ويحافظ علي بيته من الأنهيار بالرغم من أنه مازال يشعر بالقلق والخۏف من تحقق باقي نبؤة العرافة !!!
فسألته حبيبي شكلك النهاردة احسن كتير .
فريد الحمد لله احسن .
تغريد المشاكل اللي في الشغل انتهت خلاص
فريد ايوه انتهت بنسبة كبيرة .
تغريد طيب الحمد لله كويس ممكن بقي تقولي ايه مشاكل الشغل اللي كانت مسببالك الحالة اللي كنت فيها دي !!
تغريد ياااه بقالك اكتر من شهر مسمعتش منك اسم توتا ده !!!
فريد معلش يا قلبي ڠصب عني أنا فعلا كانت نفسيتي تعبانه جدا .
تغريد ولا يهمك يا دودي المهم أنك دلوقتي
