رواية فريد وتغريد الحلقة الثالثة و العشرون بقلم عادل عبدالله حصريه وجديده
يوم معاينة المكان سيأخذها معه .
بدأ فريد يتتبع اعلانات العقارات حتي استقر علي عدة اماكن واتفق مع السماسرة عبر الهاتف للذهاب للمعاينة .
اتفق فربد مع السماسرة للذهاب للمعاينة في يوم الاجازة .
تعجبت هند حين رأت فريد يتجهز للخروج من المنزل يوم اجازته !!!
هند _ انت خارج ولا ايه
فريد _ أيوه .
هند _ رايح فين
هند _ هو عملك توكيل ولا هيشتري المكان باسمك ولا باسم مراته
فريد _ هو عملي توكيل هشتري المكان باسمه .
هند _ هتروح لوحدك
فريد _ لا هاخد سمية معايا علشان تشوف المكان .
هند _ سمية !!!! يبقي لازم اروح معاكم .
فقال لها _ ليه
هند _ كده عايزة اروح معاكم فيها حاجة دي !
فريد _ لا مفيهاش حاجة طبعا لكن انا عايز اعرف اشمعني لما عرفتي ان سمية هتروح معايا طلبتي تبجي معانا !!
هند _ عادي يا فريد مفيش سبب .
فريد _ والاولاد هيروحوا معانا كمان
هند _ أيوه وفيها ايه كأنهم بيغيروا جو ويتفسحوا .
هند _ مش متعب ولا حاجة انتوا هتروحوا أمتي
فريد _ المفروض دلوقتي .
هند _ طيب استني ربع ساعة بالظبط هنكون جاهزين .
فريد بتعجب شديد _ حاضر .
دخلت هند تجهز نفسها وتجهز الاولاد للخروج بينما فريد يفكر باندهاش هي هند عملت كده ليه لما عرفت أن سميه رايحة معايا المشوار ده !! ثم ضحك معقول هي كمان بتغير من سمية !! ايه السر اللي مخليهم كلهم يغيروا منها بالشكل ده !! يمكن علشان حاسين انها اجمل واحدة فيهم
هند كانت جاهزة مع الاولاد ونزلوا جميعا ومعهم سمية التي اتضح علي معالم وجهها التعجب من ذهاب هند معهم ولكنها لم تعلق علي ذلك وفضلت الصمت !!!
وبعد معاينة فريد وسمية ومعهم هند ارسلوا صور الموقعين لأسامة ثم أتفقوا جميعا علي أحدهما لشراؤه .
وبالفعل في خلال أيام قليلة أرسل اسامة المبلغ المطلوب وقاموا بشراء المكان المختار وقاموا بتسجيل جلسة الشراء بالفيديو وارسالها لاسامة .
فريد _ الحمد لله اشترينا المطعم خلاص لاسامة ممكن اعرف بقي سر أنك كنتي بتصممي تكوني معانا في كل خطوة
هند _ عادي مفيش سر ولا حاجة .
فريد _ هند انا عارف انك عمرك ما بتكدبي ممكن تقوليلي بقي الحقيقة
هند _ حقيقة ايه
فريد _ حقيقة السبب اللي خلاكي تكوني معانا أنا
