رواية يا انا ياسلفتي الفصل السابع بقلم حنان حسن حصريه وجديده

شوق : معلش هتعبك انا عمرى ما خلفت ولا حتى رضعت عيل
فاطمه : يا بت عبدالله هيعوضك ومنه كمان

شوق : صدقينى انا مش وحشه انا بس اللى سلفتها بتوجعها لمجرد انها مبتخلفش مع انه بتاع ربنا محدش لى فى نفسه حاجه
فاطمه : بكره تغور وترتاحى منها
فاطمه : المهم اسكتى ست الشيخه دى غريبه وكلامها أغرب
شوق : فاطمه بعدين عبدالله حبيبى جعان بعدين هكلمك ونرغى

فاطمه : ربنا يفرحك يا حبيبتى  تصبحى ع خير
وفاطمه مشيت وشوق حضرت اللبن لعبدالله وكمان نزلت جابت بامبرز من اشرف واطمنت على اميره واشرف قالها هى قاعده عالسرير ومش عاوزه تنام
شوق : انا طالعه؟ منه وعبدالله لوحدهم وكانت ملهوفه عليهم اوى
اشرف قال لشوق تسلمى ع زوقك يا مرات الغالى
شوق : دول ولادى وخدت بعضها وطلعت ع شقتها

 شوق : حبيبى
احمد : شوق وحشتينى اول مره احس بفرحتك دى سبحان الله صوتك بيضحك خير يا حبيبتى
شوق : منه وعبدالله معايا ونايمين جمبى وانا مبسوطه اوى اوى
احمد : ربنا يبسطك يا حبيبتى وان شاء الله ربنا هيعوضنا ببنت شبهك وقمر زيك
شوق : انا مبخلفش وبظلمك معايا وكذا مره قولتلك طلقنى واتجوز وخلف دى ابسط حقوقك

احمد فتح فيديو كول ع شوق
شوق فتحت الكاميرا وقالت وحشتنى نفسى المسک انت سر سعادتي فى الدنيا دى كفايه انك مستحملنى
احمد : انتى روحى فى حد يسيب روحه   اما الخلفه دى بتاعه ربنا وانا مش هطلقك وولاد اخويا هما ولادنا برضه
شوق قالت فى سرها ولاد اخوك هيكونوا ولادنا بجد من غير العقربه اميره
بقلم كوكي سامح 

احمد : انا فرحان بيكى اوى يا حبيبتى انك فرحانه ربنا يخليكى ليه
شوق : حبيبى ربنا يخليك ليه
واحمد قفل مع شوق وشوق نامت فى سابع نومه واول مره تنام مرتاحه البال بس قامت ع نفس الحلم وقامت مفزوعه ع خبط اميره ع بابها...
يتبع