رواية حورية مالگ بقلم صفاء أحمد الفصل الاول حتى الفصل التاسع

انتى حابه انا هساعدك ف التغيير ده.
حور بضحك الاوبشن الجديد مجاني هتيجي تطلبه بعد الجواز هنقولك شطبنا.
مالك ايوا انا عاوز شطبنا دي والذي منه.
حور انتا الجاني على نفسك .
مالك خلصتة وقولتي اللى نفسك فيه.
هزت راسها بموافقه.
مالك طب يلا عشان متتاخريش.
حور اوك يلا.
مالك مسك أيدها لحد العربيه فتحلها الباب وركبها ومشا على بيت حور
وصلها وروح هوا كمان عشان يستعد لاحلى يوم في حياته.
عند هدي سهرانه شويه ومبسوطه عشان حور ومالك حور قالت لها على كل اللى حصل وطلبت منها تبقا موجوده معاها من اول يوم بس هدي مش عارفه تعمل ايه حور قايللها متأخر خاېف ترن على محمد تستأذنه تغيب بكرا ويبقا نايم وتقلقه في نفس الوقت محروجه منه حاولت ترن .
محمد الوو هدي في ايه انتي كويسه .
هدي باستغراب من قلقه ايوا الحمدلله بس كنت عاوزه اطلب منك طلب.
محمد قولى في ايه قلقتيني مش متعود ترني في وقت زي ده.
هدي معلش اعزرني كنت عاوزه استأذن منك بكرا اكيد عارف بحور ومالك وطلبت مني ابقا معاها بكرا في البيت ومقالتش غير متأخر اسفه اني قلقتك.
محمد ولا يهمك يا هدي طبعا مسموحلك واي حاجه تعوزيها حتي لو الفجر رني عليا بس.
هدي تسلم يارب .
محمد تمام هتعوزي حاجه .
هدى شكرا يا محمد سلام.
قفلت معاه وحاولت تنام عشان تروح لحور بدرى.
محمد قفل وهوا مبسوط أنه سمع صوتها كان نفسه هوا كمان يرن عليها بس مش عنده سبب مقنع عشان يرن وجاتله من عند ربنا لوحدها قام ينام عشان يروح الشركه ويخرج يروح لصاب عمره .
تاني يوم جه اليوم اللى الكل مستنيه .
حور صحيت على الضهر كانت هدي وصلت بدأت تعمل مسكاتها وتسشور شعرها هدي مستغربه حور مش بتهتم اوي كدا اي نعم حور حلوه رباني عشان كدا عمرها ما فكرت في كدا هدي قعدت وسرحت معقول عشان حور حبت يبقا تتغير كدا بتهتم بنفسها وبتعمل حجات مكنتش بتعملها عشان اللى بتحبه يشوفها احسن واحده طب وبالنسبالها أن هيا محدش بيشوفها النقاب عازلها عن الناس وعن اللى بتحبه بس اللى بيحب حد بيبقا شايفه بقالبه طب بالنسبه لمحمد ممكن يفضل مش شايفها بسبب النقاب رجعت من شرودها واستغفرت ربنا على تفكيرها النقاب نعمه عليها من عند ربنا ولو هوا بيحبها اكيد هيبقى شايفها بقلبه.
عند مالك راح الشركه هوا ومحمد وطلعوا بدري شويه عشان يروحو يتغدوا عند مالك في البيت لأن مامت مالك عازمه محمد على الغدا ويفضل يقضي معاهم اليوم اتغدو وكل واحد طلع عشان يجهز حاجته ويأكدو أن مش ناقصهم حاجه المغرب جه والكل بدأ يجهز من الناحيتين لحد ما الساعه جت في فيلا المصري قاعدين مستنين الضيوف وفجأه الباب خبط.........
الفصل السابع 
حوريه مالك
حور وهدي فوق في أوضة حور بتستعد ..الباب خبط قاسم قام عشان يفتح ..
قاسم ههه على باشا والله هنبقا نسايب.
على ازيك ي قاسم وحشني والله.
قاسم تصدق العيال دول بيعرفو يختارو والله هيجمعو العيلتين المهم اتفضلوا ادخلوا الكلام مش هيخلص.
العيله دخلت وكله سلم على بعضه والقعده كانت لطيفه.
على طبعا انتا عارف احنا جايين لى ي قاسم فين بقا العروسه عاوز اشوف عروسه ابني ي جدع مخبينها لى.
قاسم مخبيين اي بس هتيجي تهبلك دلوقتي هقوم اناديهم واجي.
شويه وحور وهدي نزلوا مع قاسم مالك اول ما شاف حور وقف من الصدمه ملاك واقف قدامه بفستانها وطولها المناسب للفستان وبين جمالها كأنه معمول ليها هيا وشعرها عامله كحكه لفوق سايبه نازل منها شعر على جوانب وشها طالعه فعلا اميره بمعنى الكلمه زى ما كان بيتمنى بعدها ظهرت هدي ببساططها ورقتها المعهوده وخطفت قلب محمد للمره المليون سلموا على بعض ومالك راح يسلم على حور اميره زي ما اتمنيت.
بصيتله وهيا محروجه حاسه ان الكل نظراتهم عليها ودا فعلا لأن هيا جميله بكل معني الكلمه مالك حس أن مش هوا بس اللى بيص عليه لاء دا لقا احمد بيبصلها وأبوها وأبوه ومحمد كمان اضايق وحس أنه هيولع.
فقال لاء بقولكم ايه كدا من اولها عشان نبقا على اتفاق اللى هيبص لحور بعنيه هطلعهالو نزل عينك انتا وهوا .
محمد واحمد نزلوا وشهم في الأرض وعلى وقاسم قاعدين بيضحكو عليهم وعلى غيرت مالك ريم مبسوطه في احمد وبتقول احسن ناس مش بتيجي غير بالعين الحمرا.
احمد بصلها بغيظ واستحلف لها في سره.
على احم طبعا ي قاسم انتا عارف طبعا احنا جايين لى احنا طبعا أصحاب شغل وحاليا لو ربنا إذن هنبقا نسايب وقرايب واخوات كمان انا طالب ايد حور بنتك لابني مالك ها قولت ايه.
قاسم طبعا ياعلي معنديش مانع والعيال معندهمش مانع وعلى بركه الله نقرأ الفاتحه.
قرأوه الفاتحه وسط نظرات مالك لحور اللى كلها حب وانبساط خلصوا والعشا اتحط والكل اتعشا وسط ضحك وسعاده باينه في عنين الكل خلصوا مالك اخد