روايـة : كـسرة قـلـوب بـقـلم : حـبيـبه مـصـطـفي يـاقوت البـارت التامن حصريه وجديده
فين....يا تري هيا كويسه ولا لا
محمد انا مش عايز حد يجيبلي اسم نيرة هنا....فاهمين
جميلة پبكاء انت ازاي قلبك قاسې كدا يا محمد دا بدل ما تدور عليها
محمد بنتك مش عيلة صغيرة وتاهت يا جميلة بنتك واحده كبيرة وعاقلة وأختارت توطي من راس أبوها فاللي متخافش على شرفي قدام الناس تبقى مش بنتي فمش عايز حد يجيب سيرتها مفهوم
امير انا داخل البلكونه
دخل أمير البلكونه كي يرن على مازن
مازن السلام عليكم
امير وعليكم السلام
مازن عامل ايه يا حبيبي
امير بخير والله يا صاحبي انت عامل ايه
مازن بحزن الحمد لله اهو....ورد عامله ايه
امير عايز اقولك حاجه....من حقك انك تعرف
مازن بقلق قول يا امير
امير بتوتر اااا....بص....هو....ورد اتجوزت
امير حصل...........بدا بسرد الاحداث
في الڤيلا
دخل زين و صعد إلى غرفته امام الجميع
الجد سعد كلمه واحده ومش هكررها تاني...محدش يجيب اسم نيرة هنا مفهووم
الكل مفهوم
الجد يلا الكل يطلع على اوضته... ورد خليكي عشان عايزك
صعد الجميع ماعدا ورد
جلس الجد و قال تعالي يابنتي اقعدي
الجد بصي يابنتي انا مصدقك بس ده اللي كان لازم يحصل....سمعتنا كانت هتبقي وحشه اوي بين الناس... و الخطوبه كانت عائليه يعني محدش كان عارف شكل العروسه ايه...فكان لازم تاخدي مكان اختك
ورد بدموع عارفه ياجدي
الجد سعد والله يابنتي زين طيب اوي مش بقولك كده عشان حفيدي والله....اعذريه على اللي عمله النهارده هو بس كان مصډوم علشان مكانش متوقع كده من نيره... يعني الانسانه اللي حبها سابته ومشيت في يوم فرحهم وكسرت ثقته فلازم يابنتي نقف جنبه
الجد سعد ان شاء الله الموضوع هيتحل.... عايز اسالك سؤال وتقولي الحقيقه
ورد اتفضل يا جدي
الجد سعد لما كنا في الفندق امير اخوكي كان بيقولك على موضوع مازن وكان بيقول ان هو معجب بيكي وان انتي برضوا معجبه به هو الموضوع ده حقيقي فعلا
الجد سعد اكيد الموضوع صعب عليكي
ورد بحزن هحاول اتأقلم....عن اذنك هطلع عشان تعبانه
الجد بحزن اطلعي يابنتي....ربنا يسعدك
صعدت ورد الي الغرفه
عند امير..انتهي من سرد الموضوع
مازن بحزن و دموع ماشي يا امير ربنا يسعدها
مازن بدموع اصل هقول ايه....انتوا سيبتوا ايه يتقال...انت عارف لو هيا هتكون فرحانه و هيا بعيده عني و متجوزه واحد تاني كنت هقول ماشي على الاقل سعيده في حياتها و ده اللي يهمني...لكن لا...اجبرتوها تتجوز واحد مش معجبه بيه حتي ولا تعرف تفكيره ايه...دمرتوا مستقبلها و احلامها في خمس دقايق...عارف اللي مزعلني ايه انك قولتلي انها كمان معجبه بيا يعني انا عشان واحد محترم محبيتش اخد رقمها و اكلمها او اعترفلها هيا زي ما شباب اليومين دول يعملوا تجوزوها لواحد تاني...انتوا معتقدين ان الموضوع سهل عليها...بس خلاص حتى لو مكانتش اتجوزت كده كده مكانش هيحصل نصيب بينا
امير ليه رجعت في كلامك ولا ايه
مازن بدموع مرجعتش في كلامي يا امير استحاله ارجع في كلامي اصلا عشان انا فعلا بحب اختك مش معجب بيها بس انا كنت ناوي ادخل البيت من بابه كنت ناوي اطلبها قدام ربنا قبل ما اطلبها من والدك بس خلاص كده كده مش هيبقى حتى في نصيب بينا وهتعرف بعدين بس انا بس كنت عايز واحد منكم يفكر.... يفكر حتى لو لمده خمس دقايق قبل ما يدمر مستقبلها ان يشوف الكاميرات بتاعت الفندق يشوف نيرة مشيت ازاي وبسبب مين وايه اللي عملته قبل ماتمشي لكن كلكم حكمتوا عليها بمجرد بس ما اسمها اتكتب في رساله
امير بحزن والله العظيم يا مازن انا فضلت اكلمها وكنت انا الوحيد اللي رافض فكره ان هي تتجوز زين بس اكيد ده نصيبهم واكيد ربنا عارف ايه اللي هيحصل فيما بعد
مازن بدموع هات اسم الفندق يا امير
امير
