سكريبت بعض_الندبات_تبقى_للأبد بقلم رُقيه محمد

سكريبت بعض_الندبات_تبقى_للأبد 
بقلم رقيه محمد
_ رقيه لى قاعده فى ركن لوحدك كده يا حبيبتى لى مش بتلعبى زي ما اصحابك بيلعبوا هناك حد ضايقك ياا عيونى 
بصتلى الطفله الى كانت قاعده على كرسى بعيد عيونها مدمعه 
_محدش طايقنى بس انا مش عايزه العب عايزه اقعد لوحدى شويه.
بصتلها بتركيز ومسكت ايديها وطلعنا برا الفصل خالص بدأت المس علي شعرها بحنيه

_ مش أنت يا روقه بتعتبرينى صاحبتك الكبيره اوى لى مش عايزه تحكيلى حاجه هو انا ضايقتك فى حاجه او عملت حاجه ضايقتك
لا يا مس نور بس انا مش عايزه احكي علشان معيطش علشان ماما قالتلي لو حصل اي متبينيش إنك ضعيفه أبدا علشان مينفعش نبين ضعفنا لحد
ابتسمت بخفه
_لا يا رقيه عادى اى حد بيجي وقت ويبين ضعفه لأنه طبيعى ربنا خلقنا كده بنعيط ونضحك مينفعش نحبس مشاعرنا علشان ده هيتعبنا بعدين يا حبيبتى كل واحد لازم ياخد وقته فى الحزن بالطريقه الى تريحه وتهديه ها بقى قوليلى مال رقيتى متضايقه لى 
اتنفست بهدوء 
مشوفتش بابى بقالى كتير ومش راضى يجي يشوفنى خالص علشان ميدفعليش فلوس بس انا مش عايزه منه حاجه انا عايزه بس وكمان يجي معايا البارتى بتاعت الحضانه زى أهل صحابي أما بيجوا سوا كلهم ومامى وبابى يبقوا معايا ليوم واحد بس !
خلصت كلامها وحطت وشها بين ايديها وصوت شهقات خفيفه بتطلع وهي بتحاول تكتمها
خدتها فى لحد ما بطلت عياط وقامت تلعب مع صحابها
بدأت الم حاجتى علشان بريك المدرسين
_ بقولك يا مس ميرفت هى رقيه أهلها مش بيجوا يودوها خالص الحضانه ! اصل يعنى مش بشوفهم خالص ولا فى اى بارتى تبع الاهالى ولا اى حاجه ف علشان كده بسأل يعنى
لا اصلهم مطلقين وكل واحد فى دنيته دلوقتى وسايبينها مع جدتهم وكده بس بتسألى لى يعنى
_ غريبه يعنى ما دام الأهل مش مؤهلين أنهم يتجوزوا بيتجوزوا لى وبيسيبوا عيالهم كده! بجد مش بيطلعوا سويين نفسيا بالمره وبعدين نقول عيالنا لى بقوا كده!
ضحكت باستهزاء 
اى الي مضايقك بس يا مس