رواية تربية حواري الفصل الخامس بقلم ولاء حامد

حۏر: لالالا بكره لا خليها الجمعه اجازه الورشه وندخل في الخباثه ونخلص كل حاجه

شذا بتفهم: تمام يا حۏر يوم الجمعه ان شاء الله وقولي لطنط تعملي محشي معتبر وملوخية من ايديها وياسلام لو كان معاهم فرخه بلدي متحمره ولا دكر بط متزغط يبقى عملتي احلى واجب

حۏر بضحك: طفسه من يومك هاقول لهدي وهي هاتعملك احلى محشي تذوقيه في حياتك

شذا بضحك: لاء منا عارفه وزايقه فاكره لما جبتيه الجامعه كان يوم منيل كلنا من هنا ونمنا في الجنينه

حۏر بضحك: طيب كان اهون من السمك اللي جابته نهال كلنا ودخلنا في غيبوبه

شذا بضحك: ذكريات قذره الله يخربيت كده

حۏر بضحك: لا دي فضايح الذكرى الهباب لأيام العذاب

شذا بضحك: اه والله الذكر الهباب

حۏر :خلاص هستناكي يوم الجمعه

شذا : تمام يا حوريه قلبي

حۏر : ۏجع في قلبك هستناك سلام

قفلت حۏر وهي جواها ۏجع الدنيا وهموم اتقل من الجبال ولڼفسها: ماااشي يا وائل عاملي قرد بس على مين لو انتا قرد فأنا القرداتي اللي هايرقصك اصبر الصبر حلو

عدوا يومين وحۏر ولا كأنها سمعت حاجه بس مركزه في الدفاتر اللي قدامها واكتشفت مصيبه

حۏر: يا نهار اسود ايه داه حرامي أهبل يا وائل ناسي يا ابن الموكوسه اني خريجه تجاره يعني

 الحسابات لعبتي وياريت لاعب في الدفاتر عدل لا دي مكشوفه لأي عيل اهبل بس اصبر على رزقك دورك جاي مهو شكل الفيران طلعت من جحورها وانا بعون الله هارجعكم ليها من تاني

فاقت من شړودها على صوت امها

حۏر : ها بتقولي ايه يا أما

هدي بإستغراب: مالك ممققه عينك في الورق اللي قدامك وسرحانه في ايه

حۏر: لا يا أما سلامتك دانا براجع حسابات الشغل الشهرين اللي فاتوا

هدي: ربنا معاكي يا ضنايا ويحميكي ويكفيكي شر أولاد الحرام قادر يا كريم