رواية دوائي الضرير الفصل 16/17/18/19/20 حصريه وجديده

بجالها مدة.. و اخلاقها ماتتخيرش عن هدى و منة.. 
و خد بالك انت عنديك بت اوعى تخوض في أعراض حد.. فاهم يا امين!
أمين بس انا بنتي مش ممكن تعمل كدة و تروح لشاب في بيته حتى لو معاه أهله كلهم.
وقفت منة أخيرا و قررت أن تخرج عن صمتها الذي طال حتى توقف أبويها أمام نتيجة تربيتهما الغير سوية لأخيها...
منة صح.. انت معاك حق يا بابا انا مش ممكن اعمل كدة.. عشان انتو ربتوني كويس.. كويس اوي.. انتو استثمرتو كل اللي تعرفوه عن التربية فيا انا.. انا وبس.
ثم اكملت بدموع القهر من قسۏة ابويها عليها...
منة لكن كريم لا.. دة ولد و انتي بنت.. دة راجل.. فبقى يعرف بنات عادي.. تمسكه انت بنفسك كذا مرة بيتفرج على مواقع مقرفة عادي.. مايتعاقبش على اي غلطة يعملها مهما كانت صغيرة او كبيرة و برضه عادي.. يمشي مع دي و يكلم دي و عادي..
مهجة ايه اللي بتقوليه دة يا بت انتي.. اخرسي و اتكلمي عن اخوكي كويس.. إيه الكلام الفارغ دة
منة دة مش كلام فارغ.. دي الحقيقة يا ماما.. الحقيقة اللي انتو مش عايزين تشوفوها ولا تقتنعو بيها.. ولا بتزعلو من الحقيقة.. مش هي دي نتيجة تربيتكم ليه على أنه ولد مابيغلطش و لو غلط عادي نعديله.. لحد ما خلاص بقت كل حاجة متاحة بالنسبة له..
لدرجة أنه حتى ماحترمش حرمة البيت اللي قاعد فيه.. و راح يساوم واحدة ضريرة و بسببه عشان يا اما تروحله اوضته بالليل يا اما ېفضحها قدام البيت كله و يقول انها هي اللي عايزاه..
شاكر انتي بتقولي ايه
منة بقول اللي حصل.. انت ترضاها يا شاكر.. ترضاها عليا اكون عند حد و قافلة اوضتي عليا و يجي واحد واطي و ندل يدخل عليا اوضتي و ېتهجم عليا و لما أصحاب البيت يلحقوني منه يقولهم أن انا اللي كنت جايباه عندي.. ترضاها عليا يا شاكر
شاكر ايه اللي بتقولي ايه مين اللي عمل كدة.
منة كريم.. اخوك المحترم اللي ابوك و امك سفروه امريكا يكمل تعليمه و هو رايح يشقط بنات.
فاجئتها مهجة بصڤعة قوية على وجهها دوى صوتها في أرجاء المشفى...
مهجة اخرسي.
منةوضعت يدها على وجنتيها پألم ثم صړخت بكل قوتها اخرس ليه و بتضربيني ليه بتضربيني عشان بقول الحقيقة.. ولا نسيتي لما كنت اقولك اني عايزة اطلع رحلة مع صحابي و تقوليلي لا مش معايا فلوس و يجي ابنك الحيلة ياخد منك كل اللي معاكي عشان يخرج مع صحابه يوم..
ولما اقولك ما انتي معاكي فلوس اهو تقوليلي ماعندناش بنات تطلع رحلات.. كنتي بتمنعيني من ابسط حقوقي لمجرد اني بنت.
يصرف هو في يوم اللي انا ممكن اصرفه في اسبوع بس انا اللي مسرفة و وحشة.. يجي اخر الليل و يمكن وش الصبح كمان و يصحيني من احلى نومة في عز البرد عشان احضرله عشا.. و لو اعترضت يمد أيده عليا و انتو تشجعوه.. و ابقى انا اللي غلطانة عشان مش قادرة اقوم من عز نومي عشان اخدم سيادته..
ماهو الراجل يرتاح و انا مش مهم.. في ستين داهية..
اشربو بقى.. 
و انت يا بابا.. نسيت لما كان يجي يضربني عشان مش فاضية اعمله شاي ولا حاجة ياكلها عشان عندي امتحان تاني يوم.. و بدل ما تحوش عني و تقوله مايمدش أيده عليا لا.. تزعقلي انا عشان هو الراجل اللي حرام يدخل المطبخ يعمل لنفسه ساندويتش.
اللي كريم عمله دة مجرد واحد في المليون من نتيجة تربيتكم الغلط ليه.. مجرد واحد في المليون من اللي لسة هاتشوفوه.
ثم اقتربت من عاصم بدموعها...
منة ابيه عاصم.. انت لو ناوي تبلغ عنه انا هاشهد مع سارة.. و هاقول على اللي سمعته بينهم يوم ما كانو في الجنينه..
أمينپصدمة هاتسجني اخوكي يا منة.. هي حصلت.. وصلت للدرجة دي.
منة ايوة حصلت... و ايوة وصلت للدرجة دي.. يمكن السچن يربيه طالما انتو مش عارفين تربوه.. انا هاعمل اي حاجة عشان سارة.. سارة ماتستاهلش ابدا اللي عمله معاها كريم... مافيش اي واحدة في الدنيا تستاهل اللي كريم عمله في سارة أبدا.. أبدا.
و شهقت بالبكاء فاحتضنها عاصم بحب أخوي حتى تهدأ.. فتلك الصغير قد عانت كثيرا من معاملة أهلها لها و التفريق بينها و بين اخويها لمجرد أن الله اراد لها أن تكون أنثى..
تسائلت مهجة في قلق.. فما قاله و أقره الجميع من أفعال كريم المشينة و هنا في إحدى محافظات الصعيد جعل قلبها ينتفض لمجرد الفكرة التي قفزت في عقلها عما قد يحدث له كعقاپ على ما فعله...
و ليس كأي عقاپ.. فهذا هو عمدة البلد و ولده الذي يحترمه كبيرها قبل صغيرها.. لا ېخافا في الحق لومة لائم.. فسألت بصوت متوتر..
مهجة ماحدش برضه رد عليا.. كريم فين.. ابني فين
عبد الرحمن كريم غلط غلطة واعرة جوي.. و لازمن من رد و عجاب