رواية دماء_على_اوراق_الورود الجزء_الاول الحلقة الحادية عشر حتى الحلقه العشرون بقلم اثر توفيق حصريه وجديده

حاله مش عارف ازاى دخل فى السكه السوده دى صحيح ورشته بقالها مده مش شغاله انما مش مبرر 
القائد فعلا مش مبرر القصه ان جابر ده عنده جوز اخته محروس ده لسه خارج من السچن من شهر وشويه ممكن يكون هو صاحب الفكره وبعدين الموضوع ده احنا بنعانى منه على مستةى البلد كلها بعد الثوره خاصة فى ظل غياب الشرطه والمشكله ان الاهالى پتخاف وتفضل تدفع احسن ما تتعاون معانا بس حضرتك خالفت القاعده دى وضړبت مثل ارجو ان الناس تتبعه علشان نقدر نحمى البلد داخليا 
حاتم هو محروس ده كان فى السچن ليه وقعد قد ايه 
القائد ده قعد فى السچن تلات سنين كانت قضيته ضړب افضى الى مۏت 
حاتم يعنى بلطجى اصيل وبقاله شهر طالع ما هانش عليه يبعد عن السچن 
القائد لا بصراحه هو ما كانش بلطجى انا اطلعت على ملف قضيته وعرفت منها انه قتل صحيح لكن المحكمه اتعاطفت معاه وقدرت ظروفه ده كان راجل طيب وفى حاله بيشتغل ميكانيكى فى شركة تفريغ حبوب فى ميناء الدخيله والمشرف بتاعه كان دايما يتعمد يهينه وهو كان ساكن فى الورديان وفى يوم اجازه كان مع جماعته فى السوق بيشترى شوية لوازم للبيت ومن ضمنها مفتاح انبوبه كبير وكان شايل مفتاح الانبوبه فى جيبه اللى ورا زى عادة الصنايعيه وقابله المشرف بتاعه واتعرض له باسلوب مهين قدام مراته واولاده ما استحملش ضربه بمفتاح الانبوبه على دماغه ماټ 
حاتم طيب انا ممكن اقابل جابر ومحروس على انفراد 
القائد يستحسن يكون فيه جندى حراسه مع حضرتك 
حاتم مافيش مشكله بس اقابلهم 
دق القائد الجرس وطلب من جندى الحراسة احضار جابر ومحروس فلما حضرا قال القائد 
القائد ايه يا محروس لحق السچن يوحشك ما قدرتش على بعده ادينا حنحقق امنيتك ونرجعك السچن تانى وعلشان ما تزهقش وانت لوحدك حنبعت جابر نسيبك يونسك 
محروس يا باشا انا غلطان وفى عرضك احنا مش بلطجيه احنا كنا بنحمى المنطقه 
القائد بتحمى المنطقه وتاخد فرده من السكان طيب مين يحميهم منك 
جابر يا باشا انا بقالى فى المنطقه دى خمستاشر سنه عمرى ما اذيت حد ولا .....
القائد خلاص مش عاوز كلام كتير حاتم بيه عاوز يتكلم معاكم على انفراد بس انا عاوز انبه عليكم الادب معاه علشان شهادته ممكن تنفعكم تاخدوا احكام بسيطه ولو ان عندكم بلاوى تكفى كل واحد فيكم عشر سنين 
انصرف القائد تاركا جندى مسلح للحراسة ووقف جابر ومحروس والندم بادى عليهما بينما قال حاتم بحزن 
حاتم انا مش قادر اصدق لحد دلوقت ان جابر احسن ميكانيكى مرسيدس فى مصر يبقى بلطجى 
جابر يا باشا ولا عمرى فكرت فى البلطجه حضرتك عارفنى من سنين عمرك سمعت عنى حاجه وحشه 
حاتم اكيد الشيطان جوز اختك هو اللى لعب بدماغك 
محروس يا باشا ما تظلمنيش انا قټلت ودخلت السچن صحيح لكن لو حضرتك تسمع حكايتى تقول ان عندى حق فى اللى عملته وتعذرنى 
حاتم انا جاى دلوقت مخصوص علشان اسمع حكايتك وحكايته 
محروس انا حاحكيلك يا باشا وراضى ضميرك 
.......................
تفتكروا ايه حكاية محروس وليه جابر بياخد اتاوه من الناس تفتكروا حيتحبسوا واللا حيحصل حاجه جديده وحاتم هل اتغير فعلا بعد العمره ومقابلة الشيخ شاكر فضل الله 
دماء_على_اوراق_الورود
الجزء_الاول
الحلقة العشرون 
حاتم انا جاى دلوقت مخصوص علشان اسمع حكايتك وحكايته 
محروس حاحكيلك يا باشا وانا راضى ضميرك 
flash back
كان محروس موظفا فى احدى شركات تفريغ الحبوب فى ميناء الدخيلة كميكانيكى وكان يجيد عمله اجادة تامة وكان ډخله جيدا وكان يتمتع بالخلق الحسن والطيبه والتواضع ولم يكن يبخل على احد بالمعونة لذلك كان محبوبا من كل زملائه ومرؤوسيه .
وحدث ان استقال رئيس قسم الميكانيكا وظن الجميع ان المرشح للترقية هو محروس نظرا لتميزه فى العمل ولكن تم تعيين شاب قليل الخبرة بسبب قرابته لاحد المسئولين فى هيئة الميناء ولم يكن بكر رئيس القسم الجديد يمتلك الخبرة ولا الكفاءة للمنصب فاصبح الكثيرون يعقدون المقارنات بينهما مما اوغر صدر بكر على محروس فاصبح يتعمد اهانته والاحتكاك به لاتفه الاسباب وبدون اسباب احيانا وتحمل محروس كثيرا من اجل الحفاظ على لقمة عيش لا غنى عنها لاولاده .
اثناء تفريغ احدى حمولات سفينة فى الميناء حضر مدير عام الشركة لمتابعة العمل وتعطلت سيارته اثناء الزيارة وتطوع بكر لاصلاحها ولكنه فشل فى معرفة الخلل وكاد يتسبب فى احتراق المحرك فڠضب المدير وصاح فيه بحدة 
المدير لما انت ما بتفهمش ومش عارف العيب بتمد ايدك فى العربيه ليه حتبوظها اكتر يا محروس شوف انت العربيه 
اخذ محروس المفتاح وادار المحرك واخذ دورة سريعة بالسيارة ثم طلب احضار قطعة غيار معينة وقام بتركيبها واصلح الخلل فصاح المدير امام الجميع 
المدير الله ېخرب بيت الواسطه اللى تخلى اللى ما يفهمش ريس واللى بيفهم يشتغل نحت ايده خد يا محروس 
واعطى محروس مكافاة مالية مجزية فزاد حقد بكر عليه وبعد انصراف المدير اقترب