رواية دماء_على_اوراق_الورود الجزء_الاول الحلقة الحادية عشر حتى الحلقه العشرون بقلم اثر توفيق حصريه وجديده
دى احسم قرارى النهائى
داليا موضوع خاص بالشغل لو بتفكر تنقل شغلك كله شرق اسيا انا مستعده اسافر معاك حتى سكرتيره
حاتم الموضوع مش خاص بالشغل الموضوع خاص بحياتى اهم موضوع فى حياتى كلها
داليا ممكن تقوللى عليه احاول اساعدك
حاتم الموضوع ده بالذات مش حينفع لازم اخد قرارى لوحدى بس حاقول لك اول ما ارجع اوعدك تكونى اول واحده تعرف
داليا طالما وعدتنى انا واثقه انك مستحيل تخلف وعدك انت اهدى وسيبها على الله وان شاء الله ترجع وانت واخد قرارك
ادنى راسها منه وقبل جبهتها ولثم يدها فقالت
دخلت الى الحمام الخاص المرفق بالغرفة وعادت بعد قليل
داليا تعالى معايا تاخد حمام حلو كده علشان تهدى وجسمك يفك
دخل الى الحمام وهى خلفه ومد يده يتحسس الماء فوجده دافئا
حاتم دى ميه دافيه احنا فى الصيف يا داليا
داليا الميه الدافيه تفك الجسم وتعمل استرخاء وتريح الاعصاب وانا كمان حاعمل لك ماساج وانت فى الحمام
حاتم ازاى انا مستحيل اخد حمام قدامك اقلع هدومى قدامك ازاى
نظرت اليه بابتسانة وقالت مازحة
داليا ولد حتتكسف من ماما الولاد الشاطرين يقولوا لماما حاضر
حاتم حاضر يا ماما
ولكنه صمم على نزول الحمام بالشورت فجلست بجوار البانيو تدلك ضهره وكتفيه فشعر بالاسترخاء وكاد يغفو وقال بصوت ناعس
حاتم تصدقى عندك حق انا بانام فعلا
داليا ولسه لما تدخل سريرك حادلك رجليك عارف ده بقى بينشط الدوره الدمويه وتنام بعمق
حاتم لا لما ادخل السرير حتيجى جنبى واخدك فى حضنى علشان اقدر احس بالراحه والامان انا فعلا باحس بالراحه والامان فى حضنك
داليا حقيقى
مد يده خلف ظهره وامسك يدها قربها اليه يقبلها قائلا
حاتم طبعا مش انتى ماما
فى السيارة الليموزين فى الطريق الى المطار قالت داليا باضطراب
داليا قلبى مقبوض الهم اجعله خير استر يارب
حاتم خير الهم اجعله خير انا حاحاول ارجع فى اقرب وقت حتى مش حاستنى ميعاد العوده نفسى ارجع فى اقرب وقت
داليا المهم ترجع بالسلامه
حاتم داليا انا عاوز اقول لك ..... قصدى اقول خلى بالك من روحك
داليا انت اللى تخلى بالك من روحى انا روحى مسافره معاك اللى فاضل هنا جسد بلا روح مستنيه عودة الروح لما ترجع بالسلامه
وصلا الى المطار ودخلا تتبعهما الحقائب وانهى اجراءات السفر وقبل دخول صالة المغادرة وقف امامها وقبل يديها
داليا عاوز تقول ايه
حاتم عاوز .... اه التوكيل اللى انا عملته وكل الاوراق الخاصه فى المكتب كل اللى يخص حساباتى فى البنوك واملاكى وانا اديت تعليمات لكل مديرين البنوك ان كل تصرفاتك مقبوله عندى كأنك حاتم بالظبط
داليا ما تشيلش هم اى حاجه تلميذتك قد المسئوليه وان شاء الله ارفع راسك بس حاول ترجع بسرعه
توقفت عن الكلام قليلا ثم اضافت بحيرة وقلق
داليا مش عارفه قلبى مقبوض ليه وحاسسه ان فيه حاجه حتحصل ربنا يستر
كان حاتم ايضا يشعر بانقباض لا يدرى سببه كان يشعر ان شړا ما سيقع وكان يتمنى لو ان شړا وقع ان يصيبه هو لا هى وهى ايضا كانت تدعو الله لو ان شړا وقع ان يصيبها هى لا هو .
سمعا النداء الاخير للرحلة فارتجفا ونظر كلاهما للاخر وبلا اى كلمة ارتمت فى احضانه وخى تبكى فشدد على احتضانها بقوة قائلا
حاتم ارجوكى يا داليا مش عاوز اخر حاجه اشوفها دموعك
كفكفت دموعها وقالت وهى تحاول الابتسام
داليا حاضر انا اسفه ما قدرتش امسك نفسى بس ممكن قبل ما تمشى توعدنى اوى ما توصل تطمننى عليك
حاتم اكيد طبعا انا لازم اول ما اوصل اجيب خط واتصل بيكى مش علشان اطمنك عليا لا علشان اتطمن عليكى
داليا طيب ياللا ادخل علشان تلحق الطياره
غادرها الى صالة المغادرة
دماء_على_اوراق_الورود
الجزء_الاول
الحلقة الثالثة عشر
اقلعت الطائرة وبعد ان اصبحت فوق السحاب تطلع حاتم من النافذة الى السماء الزرقاء بلون عينيها مسائلا نفسه هل اخطا حين كان يرى عيناها بلون البحر كلا بالتاكيد فعيناها الزرقاوتان تختلفان لونا بين صباح ومساء وبين فرح واحزان فتارة تصبح كالبحر اللجى الهائج فى تلاطمه وزرقته وتارة تصفو كالسماء فى هدوئها ونقائها بل انه الان يشعر ان لون عينيها هو الاصل وان كلا من البحر والسماء قد اكتسبها لونهما من انعكاس عينيها .
عاودته ذكرى الحلم الذى حلمه فى طفولته عن طفلة شعرها بلون الذهب وعينيها بلون السماء ووجهها بلون القمر هل اخطأت امه حين فسرت الطفلة فى الحلم بانها الدنيا كلا لم تحطئ امه بالتاكيد فى تفسير الحلم فعلا فالفتاة هى الدنيا فالدنيا فى ناظريه الان هى داليا بل انها اصبحت عنده اغلى من الدنيا باسرها ولو خير بينهما لاختارها واعتبر نفسه رابحا احسن الاختيار .
لقد غالط نفسه وانكر مشاعره كثيرا الا انه يعترف الان وهو فوق السحاب انه يحبها وان حبها غزا قلبه من اول لحظة من يوم الربيع نعم يحبها ولم يحب سواها ولن يفعل
