رواية جنون عاشق الحلقة الأولى بقلم آلاء الشريفي حصريه وجديده
بعد زواجها من حازم الطوبجى ب تسع سنين انفصلوا بعد خناقات وخلافات دامت لمدة اربع سنين بسبب اصرارها على اكمال دراستها وتمسكه بالرفض بعد الانفصال عاشت فترة طويلة مع والدها ووالدتها السبب اللى خلى رهف تسيبها وتختار تعيش مع باباها وبعد فترة استقرت نهال الواصفى فى شقة لوحدها ومتجوزتش خالص بعد انفصالها عن حازم الطوبجى
______
. رهف راحت تزور مامتها ومامتها كانت زعلانه منها جدا .
نهال انا فعلا زعلانه ومتحاوليش تثبتى انك مش غلطانه ب فلسفتك دى
رهف يا ماما انا بقالى كتير عايشة مع بابا ليه بقيتي مصره اجى اعيش معاكى الايام دى
رهف طيب يا ماما سبيني اخلص السنه دى بس عشان بيت بابا قريب من الجامعه هجيلك فى الاجازات اقعد معاكى وكمان فى ال weekend ولما امتحن الترم التانى هاجى اقيم معاكى على طول
نهال وليه مش دلوقتى !! انت لما روحت عشت مع ابوك من سنين كان حجتك انى قاعدة فى بيت ابويا وانك مش مستريحه وعايزة تبقي مستقله ولما انا نقلت فى بيت تانى ولوحدى مجتيش عيشت معايا
رهف سبيني بس اخلص السنه دى والله هاجى اقعد معاك على طول لحد ماتجوز
نهال ماشى يا رهف لما اشوف ايه اخرك
رهف ماما هو حضرتك ليه متجوزتيش بعد بابا
نهال بارتباك هو ابوك ناوى يتجوز تانى
رهف ههههه قصدك تالت بقي
نهال بجد هيتجوز
رهف لا بعد ما انفصلتوا وطنط ميرڤت توفت هو قرر انه مش هيتجوز انا بس مستغربه انتوا الاتنين منفصلين من ١٤ سنه وحضرتك متجوزتيش
نهال بعد ما انفصلنا انا وباباك كنت عيزاه يحس بالندم انه خسرني ولذلك انهمكت فى الدراسات والابحاث والدبلومات على اساس انى اثبت نفسي وذاتى فى المجتمع وكان عندى امل اننا نرجع مع الوقت مرجعناش بس كنت انا بقي نسيت نفسى واتلهيت وبقيت شايفه ان الحياة مش راجل بجانب انى برضه مبقاش عندى طاقة اعمل اي حاجة غير انى ادرس للطلاب واذاكر وبس كده
نهال بتنهيدة باباك ده راجل مفيش منه اتنين واى ست تتمني تتجوزه بس ده مش معناه انى وحشه تقدرى تقولى ان احنا الاتنين كنا موجب ومش راكبين على بعض
رهف نصيب بقى
نهال اهم حاجة ان الانفصال ميأثرش على الابناء بس كده
رهف انا عن نفسي مأثرش عليا
نهال بتاخدها فى حضنها ربنا يسعدك يا حبيبتى ويفرح قلبك
. قطع كلامهم صوت موبايل رهف وكان المتصل فطيمة
