رواية جنون عاشق الحلقة الثانية بقلم آلاء الشريفي حصريه وجديده

هو التى شيرت ده حلو
حازم ده جديد 
رهف آه
حازم حلو بس مينفعش للكليه يا حبيبتى
رهف طيب هغيره وانزل
حازم تنزل ايه هتفطر الاول
رهف حاضر يا بابا
. غيرت رهف التى شيرت وخلصت لبسها وخرجت فطرت مع باباها ونزلوا سوا وبعد ما كل واحد ركب عربيته حازم نزل من عربيته وراحلها عند عربيتها .
حازم ممكن اطلب منك طلب 
رهف طبعا يا بابا
حازم ممكن تبطل تروح المعادى
رهف بارتباك حاضر
حازم انا خاېف عليك بلاش تعلق نفسك بحبال دايبة زى ما بيقولوا
رهف حاضر
حازم وعد 
رهف طيب ينفع نأجل الموضوع ده لما نرجع البيت عشان نتناقش فيه براحتنا
حازم موافق بس برضه تأجل مرواحك للمعادى لحد ما نتناقش
رهف اوك حاضر
حازم قوليلي صحيح هو العيادة اسمها ايه 
رهف عيادة الدكتور محسن سلامة
حازم تمام يالا يا حبيبة بابا عشان متتأخريش
رهف اوكى يا بابا عن اذنك
. وطلعت رهف بعربيتها وعلى غير العادة قرر حازم يتآخر عن شغله شوية ويروح المعادى ويسأل عن دكتور محسن سلامة .
________
فى المعادى ..
. وصل حازم للمنطقة اللى شاف فيها رهف قبل كده بالصدفة وسأل احد المارة عن عيادة اسنان للدكتور محسن سلامة وبالفعل دله على مكان العيادة وصل حازم قدام عمارة وشاف يافطه متعلقه مكتوب عليها الدكتور محسن صديق سلامة جراحة الفم الاسنان وتحت الكلام ده مكتوب الدكتور أدهم محسن سلامة طبيب أسنان دخل حازم العيادة ودار حوار بينه وبين الموظف اللى فى الاستقبال واللى بيحجز للمرضى .
حازم سلام عليكم
الموظف وعليكم السلام
حازم لو سمحت انا كنت جاى اعمل سنانى بس لقيت اليافطه مكتوب عليها اسمين
الموظف اه العيادة بتاعة الدكتور محسن وابنه الدكتور ادهم بيشتغل معاه كل واحد بيمسك shift
حازم وهما كام سنة 
الموظف باستغراب الدكتور محسن فى الخمسينات والدكتور أدهم فى العشرينات
حازم وال shift بتاع دكتور أدهم الساعه كام 
الموظف الدكتور أدهم بيمسك فترة الصبح والدكتور محسن بالليل
. هنا اټصدم حازم صدمة شديدة لانه افتكر ان بنته لما كانت بتروح تعمل اسنانها كانت بتروح بالليل وده معناه انها تقصد دكتور محسن .
الموظف احجز لحضرتك على امتى 
حازم على تمانيه بالليل وطلع حازم محفظته
الموظف لا الدفع لما تجى ان شاء الله
حازم اوكى متشكر جدا
. ونزل حازم من العيادة وهو تقريبا مش شايف قدامه من الصدمه ييسأل نفسه سؤال واحد هل رهف اټجننت لدرجه انها تحب واحد قد ابوها ويمكن اكبر ركب عربيته وراح على البنك عشان يتابع شغله وفضل طول اليوم متعصب وتركيزه قليل .
________________________________________________________________________
فى بيت دكتور محسن سلامة ...
. صحيت وصال جهزت فطار وبعدين صحت محسن عشان يروح الجامعه استاذ جامعى ودخلت تصحى ادهم عشان يروح العيادة وهى بتصحيه وكان واضح انه غارق فى نوم عميق لقيت جنب المخدة الصورة اللى هو راسمها بعد ما كانت