رواية جنون عاشق الحلقة الثالثة بقلم آلاء الشريفي حصريه وجديده
انت في الصفحة 4 من 4 صفحات
عند بيته وتكلميه تقوليله يطلعلك على اول الشارع لانك عيزاه فى حاجة مهمه
فطيمة وافرض قالى انا خارج مع اصحابى
رهف قوليله خارج معاهم فين حاولى تعرفى المكان بالظبط ووصليله انك استحاله تعرفى تنزلى النهاردة عشان تديله مساحة للكدب
. قطع كلامهم صوت الانتظار على موبايل فطيمه .
فطيمة رهف اقفلى بسرعه تامر على ال waiting
رهف طيب متنسيش اللى اتفقنا عليه
. وقفلوا وردت فطيمه على تامر بنبرة هاديه .
تامر ايه يا حبيبتى كل دى اتصالات
فطيمة قلقت عليك يا حبيبي مش متعوده تغيب عليا كل ده
تامر مانا قولتلك انى كنت نايم
فطيمة طيب موبايلك كان مقفول ليه
فطيمة انت صاحى بقالك قد ايه
تامر لسه مقومتش من السرير
فطيمة شكلك نمت كويس
تامر ليه بتقولى كده
فطيمة صوتك صوتك مصحصح جدا
تامر ااه
فطيمة المهم انا عايزة ال cv بتاعك
تامر ليه
فطيمة عمو حازم هيشوفلك شغل
تامر ماشى يا حبيبتى لما نتقابل هجبلك نسخه معايا بس انت مقولتليش انك روحتيلهم
فطيمة لا لما كلمتك وانت نايم قولتلك انا رايحه ل عمو حازم بابا رهف النهارده
تامر المهم اتبسطى فى الخروجه
فطيمة اه انا اصلا بحب اروح الدقى
تامر بارتباك الدقى !! انت كنتى فى الدقى
فطيمه ااه ماهو بيت رهف فى الدقى
تانى يوم فى احدى النوادى .....
. ذكرى خلصت ماتش تنس وقعدت تستريح شوية وفجأة لقيت مروان ادامها ب زى التنس .
مروان ممكن تسمحيلي العب مع سيادتك ماتش تنس
ذكرى لا
مروان ليه
ذكرى بتقف قصاده عايز ايه يا مروان
مروان عايز العب معاكى ماتش
ذكرى وانا قولت لا
مروان طيب ممكن نتكلم مع بعض شوية
ذكرى هنتكلم فى ايه
مروان وحشتيني
ذكرى يا سلام
مروان والله وحشتيني
ذكرى برضه مقولتش عايز ايه
مروان بيشدها من ايدها قولت عايز اتكلم معاكى شوية
. خدها مروان وقعدوا على ترابيزة وكراسى قصاد ملعب التنس .
ذكرى خير
. ذكرى فقدت القدرة على النطق والتفكير .
مروان من يوم ما قابلتك وبدأت اتعلق بيكي وانا بحلم بالبيت والاسرة والاستقرار بحلم بكل ده معاكى انت يا ذكرى
ذكرى أنت بتتكلم جد !! الكلام ده حقيقي
مروان بس برضه من ساعة ما قابلتك وانا محتار انا قلقان من فروق كتير بينا قلقان تبقي عقبة فى طريقنا
ذكرى مفيش اى عقبات انا بحبك اوى يا مروان ومش عايزة اى حاجة غير اننا نكون سوا
مروانبيمسك ايدها وانا كمان بحبك اوى خديلي بقي معاد من اهلك عشان اخطبك قبل اجازتى ما تخلص
ذكرى قبل ما تقابل بابا عيزاك تقابل أدهم اخويا
مروان مش ده اللى عملى اسنانى
مروان هو دكتور شاطر وشكله بيحبك جدا بس ليه حاسس انه مهموم او مضايق
ذكرى بتنهيدة اااااه يا أدهم ربنا يكون فى عونه
مروان ليه بتقولى كده
ذكرى أدهم عايش فى زمن مش زمنه عايش مع ناس لا هو فاهمهم ولا هما فاهمينه
مروان طيب انا هقابله امتى
ذكرى هتفق معاه واقولك
مروان طيب قومى بقي نغير عشان نخرج شوية مع بعض
ذكرى حاضر
. ذكرى جت من بره ودخلت جرى على اوضة أدهم عشان تقوله الاخبار الجديدة خبطت وفتحت لقيت أدهم قاعد على المكتب والاوضة كلها ضلمة ومولع نور الاباجوره اللى على المكتب بس .
ذكرى ايه يا أدهم قاعد فى الضلمة ليه
أدهم متنوريش النور ممكن
ذكرى حاضر
. ودخلت وقفلت الباب وراها ووقفت وراه وحضنته من كتفه .
ذكرى مالك يا أدهم أنت بترسم إيه ايه ده
أدهم عايزة ايه يا ذكرى
ذكرى عايزة اعرف مالك وايه الرسمه دى
. أدهم كان راسم صورة لنفس البنت بس
كان شكلها حزين خالص وعلى جانب الصفحة راسم صورة ل قلب مكسور او مجروح .
أدهم بقالى كتير مشوفتهاش وحاسس ان فيها حاجة وحشة
ذكرى هى مين دى يا أدهم يا حبيبي دى مجرد .......
أدهم يقاطعها يا بنتى انا مش قولتلك انى بشوفها كل يوم هى بقالها اسبوع مختفيه ومشوفتهاش
ذكرى طيب يمكن خير مش لازم يكون فى حاجة وحشه
أدهم وحشتنى جدا
ذكرى أنتوا بتتكلموا سوا
أدهم لا بنشوف بعض من بعيد بس
ذكرى ان شاء الله خير
أدهم انت كنت عايزة ايه
ذكرى حكتله اللى حصل مع مروان انا بقي قولتله لازم يقابلك انت الاول قبل ما يقابل بابا أدهم انت معايا أدهم أدهم
يتبع
