رواية جنون عاشق الحلقة الرابعة بقلم آلاء الشريفي حصريه وجديده

رواية جنون عاشق الحلقة الرابعة بقلم آلاء الشريفي حصريه وجديده 
ذكرى حكتله اللى حصل مع مروان انا بقي قولتله لازم يقابلك انت الاول قبل ما يقابل بابا أدهم انت معايا أدهم أدهم 
أدهم ايه يا ذكرى انت كنت بتقولى حاجة  
ذكرى كنت بقول حاجة !! أنت مش معايا خالص يا أدهم 
أدهم معلش يا ذكرى انا مش فايق اسمع حاجة دلوقتى 
ذكرى طيب مالك يا حبيبي احكيلي 
أدهم ذكرى لو سمحتى سبيني لوحدى ممكن  
ذكرى خلاص زى ما تحب 
. وخرجت ذكرى من الاوضة وقفلت الباب وراها وهى قلقانه جدا على اخوها اما ادهم ف بدأ يكتب فى كشكوله . 

. فى الناحية التانيه كانت وصال بتتفرج على التلفزيون وذكرى خرجتلها . 
وصال مالك يا زيزو ضاربة البوز ليه 
ذكرى بتقعد جنبها مفيش يا ماما 
وصال اكيد عشان أدهم 
ذكرى انا مش عارفة ماله  
وصال مش عارفة ماله ازاى !! أدهم بقاله سنين فى الحالة دى 
ذكرى ربنا ينوله اللى فى باله 
وصال يارب بس انت كنتى داخلة فرحانه اوى وشكلك حصلك حاجة فرحتك ودخلتى تفرحى ادهم معاكى فكبسك 
ذكرى لا 
وصال لا ايه مش حصلك حاجة فرحتك ولا مكبسكيش 
ذكرى الاتنين
وصال على اساس انى جوز خالتك ومش فاهمك انا امك يا بت يعنى اعرفك من نظرة عينك 
ذكرى خلاص يا ماما كنت فرحانه وادهم كبسنى استريحتى كده 
وصال لا طبعا مستريحتش بتقوم هستريح لما تقومى تحضرى معايا العشا ابوكى زمانه خلص العياده وعلى وصول 
ذكرى حاضر هغير هدومى واحصلك 
بعد كام يوم فى احدى النوادى ... 
. بعد كام يوم كان خرج أدهم من حالة الحزن اللى تملكته وحكيتله ذكرى على اللى حصل مع مروان واتفقوا يتقابلوا . 
أدهم وذكرى قاعدين سوا ولسه مروان مجاش 
ذكرى هو المفروض احضر القعدة دى ولا لا 
أدهم عادى يعني 
ذكرى عادى يعني احضر ولا محضرش 
أدهم هو احنا هنتكلم فى اسرار يعني ولا هنبدل مخډرات عادى يا زيزو خليكي
ذكرى بفرحة طيب
أدهم بس هو فين 
ذكرى زمانه على وص...... اهوه اهوه جاى
أدهم طيب اتقلى كده وخليكي عاقلة
. هنا جه مروان وسلم على أدهم وذكرى وقعد أدهم وذكرى قاعدين جنب بعض على كنبة ومروان قاعد على كرسي قصادهم .
مروان احب اشكرك على الدوا بتاع اللثة انا كنت پعانى والله من الموضوع
أدهم بالشفا ان شاء الله والموضوع مش مستاهل شكر انا عملت شغلى
مروان لا بس انت دكتور شاطر
أدهم شكلك بتنفخنى عشان معترضش على ارتباطكوا
مروان ههههه لا والله دى كلمة حق
أدهم متشكر مرة تانيه
مروان انا مبحبش اللف والدوران او المقدمات الطويلة لذلك هدخل فى الموضوع على طول
أدهم ياريت
مروان أنا طبعا معجب ب ذكرى جدا وبسببها حبيت انى استقر وابنى اسره
أدهم كلام جميل
مروان أنا زى ما ذكرى عرفتك قبطان بحرى ل سفن تجارية فى اوروبا بس انا عندى مشكله واحدة ومرضتش ابلغ بيها ذكرى وحبيت تعرفوها سوا
أدهم وذكرى بيبصوا لبعض .. أدهم خير مشكلة ايه 
مروان انا حياتى مش مستقرة
أدهم بقلق يعني ايه مش مستقرة 
مروان انا بسافر ب سفن من ليڤربول ل اسكندرية والعكس وطبعا باخد ايام فى المياة وبفضل فى مصر لحد ما السفينه تفضى وتشحن وبرجع بيها ليڤربول وهكذا
أدهم طيب وذكرى او اى زوجه هتتجوزها هيكون ايه وضعها
مروان انا مقيم فى ليڤربول واجازتى السنوية بقضيها فى مصر وبسافر مرة او اتنين فى الشهر مش اكتر وباقى الشهر قاعد فى ليڤربول
أدهم افهم من كده ان ذكرى هتعيش معاك بره
مروان ماهو انا مش شغال فى مصر انا بشتغل فى شركة شحن