رواية جنون عاشق الحلقة الخامسة بقلم آلاء الشريفي حصريه وجديده

رواية جنون عاشق الحلقة الخامسة بقلم آلاء الشريفي حصريه وجديده 
. شدت رهف ايدها بكل قوتها وخرجت من العيادة تجرى من شدة الخضة وأدهم وراها ولكن موظف الاستقبال وقفه .
موظف الاستقبال دكتور أدهم
أدهم بنرة استعجال نعم فى ايه 
موظف الاستقبال حضرتك رايح فين فى حالات كتير دافعين كشف
أدهم ل الناس اللى قاعدة معلش انا اسف حصل ظرف طارئ عندى ومضطر امشى يوجه كلامه لموظف الاستقبال دخل الحالات الجديده للدكتور وليد واللى متابعين معايا خد لهم مواعيد جديدة ب تمن الكشف بتاع النهارده ولو فى حالات مستعجلة ومتابعه معايا ډخلها ل وليد بيوجه كلامه للناس تانى معلش يا جماعه انا متأسف 

. وخرج أدهم من العيادة عشان يلحق رهف بس كانت ركبت عربيتها وملحقهاش بس شاف عربيه بتخرج من الشارع وحفظ نمرة العربية وبعد كده طلع بعربيته ل بيت مروان ابو زيد .
فى بيت مروان ابو زيد ...
. يضرب ادهم الجرس يفتحله عامل بيشتغل فى شقة مروان .
أدهم صباح الخير
العامل صباح النور
أدهم الكابتن مروان ابو زيد موجود
العامل اه موجود بيفطر جوه اتفضل
أدهم لو سمحت بس بلغه ان أدهم سلامه مستنيك بره
العامل طيب اتفضل
أدهم متشكر انا مستنيه هنا
. رفض أدهم الدخول ودخل العامل ل مروان وعرفه ان فى واحد اسمه أدهم سلامه مستنيه بره ومش عايز يدخل مروان قلق جدا وقام من على فطار بسرعه وخرج ل أدهم .
مروان أدهم اتفضل واقف كده ليه 
أدهم انا بعتذر جدا انى جيت من غير معاد بس الموضوع مهم وانا مش قادر استنى
مروان بقلق خير !! متأسف تعالى اتفضل
. دخل أدهم ومروان الريسبشن .
مروان خير قلقتنى
أدهم الموضوع باختصار انى شوفت بنت عندى فى العيادة و معجب بيها جدا بس هى مدتليش الفرصه اتكلم معاها وانا معرفش حاجة غير اسمها ونمرة عربيتها
مروان تمام
أدهم انا عارف انى لو كشفت عن رقم العربية فى المرور هقدر على الاقل اوصل ل اسمها كاملا
مروان اه فعلا بيكون متسجل فى المرور نمرة العربية مع الاسم كامل ورقم البطاقة
أدهم انا معرفش حد فى المرور يقدر يجبلى البيانات دى وتوقعت انك تعرف حد فى المرور
مروان اااه انااعرف ضابط فى المرور بس المشكلة مش فى كده
أدهم امال المشكلة فى ايه 
مروان المشكلة ان الاسم كاملا ورقم البطاقة مش هيفيدوك فى شئ ده غير ان فى احتمال كبير تكون العربية مش متسجله باسمها
أدهم خلينا نفترض ان العربية مش متسجله ب اسمها بس هتكون فى الاغلب متسجله ب اسم باباها او اخوها او حتى مامتها كل دول يأدوا نفس الغرض
مروان بمعنى 
أدهم بمعنى انى هاخد رقم البطاقة وبورقة بمياية فى السجل المدنى نقدر نجيب كافة بيانات رقم البطاقة دى وهيكون منها العنوان وهتكون العربية غالبا متسجلة باسم باباها واللى هتكون هى غالبا برضه عايشة معاه
مروان لا دماغك حلوة ثوانى اجيب موبايلي من جوه اكلمك الضابط بتاع المرور
. وقام مروان عشان يجيب الموبايل ووقف فجأة واتلفت ل أدهم .
مروان انت مش بتقول انها كانت عندك فى العيادة 
أدهم آه
مروان أنا لما روحتلك العيادة اكشف الموظف اللى فى الاستقبال خد منى الاسم بالكامل ورقم موبايلي يعني غالبا هيكون رقم موبايلها عندك فى ملفها
أدهم ماهو مضمنش انها ممكن ترد عليا انا عايز اروحلها البيت عشان توافق تسمعنى والموضوع اكبر من انى اكلمها فى التليفون لازم اشوفها وتشوفنى
مروان انا قصدى ان ممكن برقم موبايلها نعرف عنوانها
أدهم ماحنا بالشكل ده عايزين واسطه من