رواية جنون عاشق الحلقة السابعة بقلم آلاء الشريفي حصريه وجديده

رواية جنون عاشق الحلقة السابعة بقلم آلاء الشريفي حصريه وجديده 
فطيمة دكتور أدهم عايزة اقول لحضرتك على حاجة مهمه
أدهم اتفضلى
فطيمة ها !! لا مفيش حاجة
أدهم نعم !! في ايه يا آنسة
فطيمة مفيش حاجة حضرتك دكتور شاطر
أدهم متشكر ولو انى حاسس ان فى حاجة
فطيمة لا مفيش حاجة
أدهم طيب يا آنسة وبيبص فى اسمها فى الملف فطيمة معادنا كمان تلت ايام
فطيمة اوكى متشكرة جدا يا دكتور
. تخرج فطيمه من مكتب أدهم ونزلت هى ورهف رهف كانت راكنه عربيتها قصاد العيادة وأدهم بسبب شكه ان فطيمه وراها حاجة وقف فى الشباك وبص عليها وهى ماشية وشاف معاها رهف .

فى بيت نهال الواصفى ....
. وصلت رهف فطيمه للبيت وبعدها راحت لمامتها .
نهال كل ده يا روفه مشوفكيش
رهف معلش يا ماما
نهال ايه الشياكة والجمال ده كله شكلك مبسوطه
رهف اوى يا ماما
نهال ربنا يسعدك كمان وكمان
رهف مش عايزة تعرفي السبب 
نهال شكلك بتحبى
رهف شكلى كده يا ماما وقعت ومحدش سمى عليا
نهال ينفع اعرف التفاصيل
رهف هو دكتور الاسنان اللى حكيت لحضرتك عليه طلع هو كمان معجب بيا
نهال وانت متأكده من شعوره ده 
رهف لسه مش متأكده احنا مقعدناش مع بعض ومنعرفش بعض كويس
نهال بصى يا رهف محدش هيحبك وېخاف عليكي زى انا وباباكى عشان كده لازم نكون معاكى خطوه بخطوة فى كل حياتك خاصة لما تحبى
رهف ماهو اكيد يا ماما اول ما نتفق انتوا اول ناس هتعرفوا ان لم يكن هتقابلوه
نهال طيب حكيتي ل باباكى 
رهف لا لسه
نهال ليه 
رهف هو عارف ان أدهم جه وعرض عليا الارتباط بس مفيش حاجة تانيه احكيها
نهال تمام انت كده تمام لازم اهلك يبقوا عارفين عنك كل حاجة خاصة ان احنا مش بنضيقها عليكي ولا بنرخم عليكي
رهف ربنا يخليكوا ليا يارب
نهال ويخليكي لينا ويفرحنا بيكي ويسعد قلبك يارب
رهف طيب يا ماما انا هقابله النهاردة وطبعا لازم حضرتك توافقى 
نهال احنا واثقين فيكي يا رهف بس انت يا حبيبتى لازم تاخدى بالك على نفسك
رهف عارفة طنط فادية
نهال مين طنط فادية 
رهف خالة رامى اخويا
نهال بقرف مستخبى اه مالها 
رهف لو عرفت ان واحدة من بناتها بتكلم واحد على سبيل الزماله ممكن تولع فيهم
نهال بصى لكل ام ولكل اب اسلوبهم الخاص بس انا عندى قناعه ان ابنك او بنتك هيجي وقت وهيميلوا للجنس الاخر بمزاجك او ڠصب عنك
رهف تمام
نهال المفروض ان الاب والام يفهموا الابناء من بدايه سن المراهقه يعني ايه سن مراهقه ويعني ايه ميل للجنس الاخر وامتى ينفع يحب ويتحب ف بالطبع هتلاقيه يوم ما يحب بيحب فى وقت مناسب ويوم ما يختار بيختار صح
رهف صح يا ماما عند حضرتك حق
نهال يعني مثلا لو انت بتخافى منى او بتخافى من رد فعللى كنتى هتجي تحكيلي كل ده
رهف لا 
نهال نفس الكلام مع باباكى احنا كسرنا معاكى حاجز الخۏف والخصوصيه وعلاقتنا ببعض بقت صداقة ولو مثلا انا بشك فيكي او خوفى عليكي بيوصل لدرجه انى ممكن اخنقك ورفضت انك تقابلى ادهم السؤال هنا بقي هل رفضى ده هيمنعك من مقابلته 
رهف لا
نهال المهم لما ربنا يكرمك وتخلفى لازم تصاحبى اولادك وتقربيهم منك وتعيشي معاهم سنهم وتخليهم يحكولك كل حاجة عنك بمزاجهم وبدافع الحب مش بدافع الخۏف كمان لازم تديهم مساحه من الخصوصية وتحترمى الخصوصيه دى
رهف ماما انا بحبك اوى ربنا يخليكي ليا
نهال تعالى بقي ننزل سوا نروح نشتريلك شوية هدوم جديدة ونشوف هتقابلي الجو