رواية جنون عاشق الحلقة الحادية عشر بقلم آلاء الشريفي حصريه وجديده
علماء ولهم كلمه مسموعه فى البلد
كل ده وكعادة اى اب مراد بيتابع خناقات ونقاشات اولاده بدون تدخل عشان يشوف وجهات نظرهم
عرفة انا استحاله اوافق على الجوازه دى
محمد خالو حضرتك عرفته منين
زاهر اممم مش فاكر يعني بس هى الظروف جمعتنى بيه
محمد ماهو استحالة يكون صاحبك لانه صغير جدا
نورة بصوا بقي صغير كبير غنى فقير انا مش هتجوز الا تامر بس كده
عرفة وانا بقي هجبلك الفيش والتشبيه بتاعوا وهجبلك قراره وقرار عيلته واراهنك انهم هيطلعوا عيلة مشپوهة
زاهر بس انا سألت عليه ومفيش اى غلطه عليه او على عيلته الا اذا كنتوا بتعتبروا الفقر عيب
نورة قصد حضرتك ايه يا بابا
مراد يعني لو هو فقير وبس ده شئ عادى جدا ومش ذنبه ان انت او انت بيشاور على اولاده اتولدتوا اغنياء وهو اتولد فقير بيبص ل نورة بس المشكله لو هو طمعان فيكي
نورة يا بابا مش طمعان فيا لو طمعان ايه يخليه يجي يتقدملى وهو عارف ان اخويا ضابط وخالى مستشار يعني لو اذانى هيتنفخ كان ممكن يعلقنى بيه ويسحب منى فلوس ومن غير ما يورط نفسه
مراد كلامك صح
عرفة صح بس ممكن برضه يكون حاسبها صح يظهرلك ان الواد الطيب المخلص لحد ما ياخد الهبره الكبيرة
نورة لسه هتفرح وتهيص لكنها ملحقتش لان مراد كمل الجملة
مراد هوافق بس بشرط هنعمل قرايه فاتحه وبس ونشوف بقي فى الفترة دى ايه هيظهرلنا لكن جوازك منه مش هيتم الا لما اطمن تماما انه مش طمعان فينا ده غير انى لازم اشوف هيقبل ب شروطنا ولا لا
نورة شروط ايه
مراد لما يجي تانى ابقي اقوله
وانهى مراد النقاش بينهم على كده لانه دخل اوضة مكتبه وطلب من نورة تحصله عشان اخواتها ميضيقوهاش
فى احد المطاعم
رهف وأدهم متقابلوش من زمان وقرروا يتدغوا النهارده سوا ولما أدهم وصل المطعم كانت رهف فى انتظاره ولاحظت ان فى حاجه مش طبيعيه فى أدهم
أدهم حبيبتى متشغليش بالك
رهف اخص عليك انت مش دايما بتقول انى حتة منك وبعدين يعني لما مكنتش معاك كنت بتحكيلي كل حاجة على الورق ولما بقيت معاك مش عايز تحكيلي
أدهم ربنا يخليكي ليا يا حبيبتى وربنا ميبعدكيش عنى تانى ابدا
رهف طيب مالك بقي
أدهم ذكرى
رهف مالها
أدهم ذكرى وهو فى الجامعه اتعرفت على شاب وارتبطت بيه وطبعا جت حكتلى وانا لما سألت عنه لقيته واد صايع ومش بتاع حب بجد وقولتلها وفى النهايه اتأكدت انه كداب
