رواية جنون عاشق الحلقة الثالثة عشر بقلم آلاء الشريفي حصريه وجديده

معاكى
فطيمة خير
زياد بقالى اسبوعين مبنامش التفكير والحيره هيموتونى مش عارف اخد قرار
فطيمة على فكرة القرار سهل اوى
زياد انهى قرار
فطيمه انك تسبنى فى حالى
زياد مش هقدر مش هقدر ابعد عنك صدقيني
فطيمة انت عايز ايه يا زياد
زياد عايز اعرف تفاصيل علاقته ب الشخص الاولانى
فطيمة مش من حقك تعرفها وانا من حقى احتفظ بيها لنفسى
زياد بس صدقيني لو حكيتلى هيفرق معايا اوى
فطيمه انت بتتكلم كده على اساس انى وافقت عليك
زياد فطيمة بلاش چرحك يخليكي تجرحى اللى حواليكي
فطيمة انا مبجرحكش انا مستغربه انك جاى تسأل اسئلة مش من حقك وانا اصلا مخدتش قرار
زياد على فكرة فكرة انك ترتبطي بيا فى الوقت الحالى فكرة فاشلة جدا وانا اصلا مش هقبلها على نفسى
فطيمه بقلق هى ايه دى اللى متقبلهاش على نفسك  
زياد متفهمنيش غلط انت لسه مچروحه وانا مش هقبل اكون الدوا او المسكن او فترة نقاهه فى حياتك جايز كمان اكون فترة انتقاليه 
فطيمة مش انا اللى اعمل كده 
زياد ولو عملتى كده مش هتكونى وحشه لانك ممكن تعملى كده وانت مش واخده بالك 
فطيمة بعصبيه انت عايز منى ايه ارجوك ابعد عنى انا فيا اللى مكفيني ومش ناق......... 
زياد يقاطعها افهمى بقي انا بحبك 
. سكتت فطيمه واټصدمت لانها مكنتش متوقعه ان زياد هيقولها كده . 
زياد بحبك يا فطيمه من اول مرة شوفتك بس انا جبان بخاف اقرب ولما اتجرأت وقربت اټصدمت 
. سكتوا هما الاتنين شوية فطيمه بتحاول تستوعب وزياد مش عارف يقول ايه سرحت فطيمه وافتكرت سنين عمرها اللى قضيتها مع تامر ونزلت منها دموع مسحتها بسرعه .
فطيمه انا فعلا مبقتش بحب تامر مبقتش بفكر فيه ومش عيزاه مهما عمل انا بس لسه مچروحه موجوعه اوى ومش قادرة اثق فى حد ولا حتى اثق فى نفسى انا ضيعت من عمرى اربع سنين بضحى وبستحمل وانا بيضحك عليا وبيستغلنى وفى الاخر يخونى كونى ادخل اى ارتباط دلوقتى ابقي بضحك على نفسى وعلى اى حد 
. زياد يتأثر جدا بكلام فطيمه وتصعب عليه ويقوم من قصادها يقعد جنبها . 
زياد ممكن متعيطيش 
فطيمه بتمسح دموعها انا معملتش حاجة غلط انا كنت مخلصه له جدا وكنت بحترم اهلى وبتقى ربنا فى كل تصرفاتى 
زياد انا اسف والله ماقصد اجرحك او افكرك 
فطيمه انا نسيته بس مش قادره انسى اللى حصل فيا 
زياد تجى نتفق اتفاق 
فطيمه اتفاق ايه  
زياد نبقي اصحاب اصحاب وبس لحد ما تخرجى من الازمه دى ولما تخرجى منها نشوف بقي موضوع الارتباط ده وانا اوعدك مش هفتحلك سيرة الارتباط ده خالص حتى لو بعد ما تجاوزتى الازمه دى ومش عيزانى فى حياتك انا مش هزعل 
فطيمة بس خاېفه اظلمك 
زياد الظلم بيقع على الانسان لما يكون مسير مش مخير وانا اخترت اننا نكون اصدقاء ده لو انت موافقه 
تهز فطيمه دماغها وتبتسم دلالة على الموافقه  
زياد يالا بقى اعزميني على الغدا لزوم الصداقه وكده 
فطيمه ههههههه 
زياد متعيطيش تانى ضحكتك بالدنيا 
فى احدى الكافيهات .... 
نوره مالك بقي من يوم ما قابلت بابا وانت متغير معايا 
تامر نوره انا خاېف 
نوره خاېف !! خاېف من ايه  
تامر من عيلتك 
نورة مالها عيلتى 
تامر جميع السلطات القضائيه والتنفيذيه فى ايدهم 
نوره وايه اللى يخوف فى كده دى حاجة كويسه هتناسب عيله هتكونلك سند وضهر 
تامر بس هما فى الاساس سند وضهر ليكى انت اى اتنين بيحصل بينهم خلافات وانا حاسس انى لو عطست فى وشك بالغلط اهلك هيودوني ورا الشمس 
نورة ههههه انت اوڤر اوى يا تيمو حبيبي