رواية جنون عاشق الحلقة الخامسة عشر بقلم آلاء الشريفي حصريه وجديده

الخيانه ده
ذكرى اشمعنى بقي 
مروان لانى مبحبش الخيانه يعني لما كنت ببقى على علاقة مع واحدة وبرغم انها علاقة عابره الا انى كنت بحترمها ومكنتش بعرف حد غيرها تقريبا انا عمرى ما عرفت اتنين فى نفس الوقت
ذكرى غريبة اوى انك تكون بتعمل حاجة تغضب ربنا بس بتتقى ربنا فى نفس الوقت
مروان الخېانة ملهاش علاقة بالتدين قد مالها علاقة ب طبع الانسان
ذكرى عندك حق
مروان بحبك بقي
ذكرى وانا بمۏت فيك يا روحى
مروان قوليلي بقي مبسوطه هنا
ذكرى اى مكان معاك يبقي جنة يا روحى بس .... وتسكت
مروان بس ايه 
ذكرى بتقوم بس انا نفسى اعيش حياة طبيعيه
مروان يعني ايه حياة طبيعيه 
ذكرى يعني اطبخلك البس اللى انا عيزاه فى اى وقت اتكلم براحتى بصراحة يا مروان الحياة الممنهجه دى انا مش متعوده عليها ومش قادرة اتعود
مروان انا مستغرب جدا بصراحة يعني لما اقولك انا عايز اريحك واخليكي ملكة دى حاجة متخلكيش مبسوطه
ذكرى حبيبي الوسطيه افضل شئ يعني الحياة متكونش مرفهة اوى ولا تكون قاسېة اوى يعني لا ناكل بالشوكه والسکينه ولا ناكل بايدنا ناكل بالمعلقه خير الامور الوسط
مروان بياخدها بصى يا حبيبتى انا عندى ٤٣ سنه يعني مش صغير عشان اغير طباع اتربيت عليها من زمان انا اتربيت ان الاكل بالشوكه والسکينه مثلا اتربيت ان النوم له لبس والبيت له لبس والخروج له لبس والخروج كمان له تقسيماته اتعودت ان فى حد بيدير البيت اتعودت ان كل حاجة لها وقتها ولها نظامها
ذكرى واضح ان احنا اتربينا كل واحد بشكل مختلف خااااالص
مروان بس انا كبرت على التغيير لكن انت لسه صغيره ممكن تتعودى على ده
ذكرى اتعود على ايه بس يا مروان ازاى تبقي الحياة عباره عن فساتين وخروجات وتنطيط وفسح واكل ونوم لازم يكون في هدف
مروانبيمسك ايدها انا هدفى انى اسعدك ممكن يبقي هدفك فى الحياة انك تسعديني
ذكرى طيب ممكن عشان خاطرى تفكر فى موضوع الشغل تانى
مروان حاضر يا حبيبتى
ذكرى حاجة كمان
مروان امممممم
ذكرى متشربش خمور تانى وانتظم فى الصلاة شوية
مروان خمور !! انا مشربتش من ايام ما كنا فى شرم
ذكرى بجد يا حبيبي
مروان بجد يا قلب حبيبك
ذكرى اوى ربنا يخليك ويهديك ليا يارب
مروان ويخليكي ليا يا حبيبتى
فى ڤيلا مراد قنديل ...
. تامر كان خارج هو ونوره وعدى عليها فى ڤيلتها ودخل جوه وقعد مع مراد وعرفة لحد ما نوره تخلص لبسها .
مراد وانت اخبار شغلك ايه يا تامر
تامر كويس يا افندم
مراد انا سألت عليك فى الشغل الكل شكر فيك بيقولوا انك نشيط جدا وبتحب الشغل اوى وبتتعلم بسرعه
تامر انا فعلا بحب الشغل قد عنيا
مراد ربنا يوفقك انا بحترم الناس النشيطة
تامر ربنا يخليك
عرفة مش تباركلى يا تامر
تامر مبروك بس على ايه شكلك اتريقيت
عرفة لا مترقيتش
تامر