رواية اڼتقام مچنون الحلقة ٤ حصريه وجديده
لازم اكون حريصة معرفش ممكن يكون أسامة اتغير ولا لأ !!
وقعدت افكر وانا حيرانة لحد ما رجع معتز متأخر من برة وشافني قاعدة قدام التليفزيون !!
أنتي لسه صاحية
كنت سرحانة شوية فكرر سؤاله تاني أنتي اطرشتي ولا ايه بقولك مش اتخمدتي ليه لحد دلوقتي
مش عارفة ايه اللى حصللي فى الوقت ده قومت من مكاني وقربت وقفت قصاده وقولتله بثقة و شجاعة اول مرة من سنين احس بيها على عكس الخۏف اللى جوايا اصحى براحتي وانام براحتي ده روح انت اتخمد ومتقومش تاني من خمدتك علشان ارتاح منك بقي ومن قرفك !!!!!!!
كنت بقول كده وقلبي هيتخلع من مكانه من الخۏف والتوتر لكن هو كان واقف مصډوم و مش مستوعب كلامي واللى اكدلي ده لما قاللي بذهول مني انتي بتقولي ايه
كنت بكلمه بنفس طريقته وبنفس اسلوبه المهين المستفز اللي ياما كلمني به وجرحني به سنين طويلة !!!
وفجأة لقيته بيرفع ايده وهينزل بيها على وشي !! لكن اتجرأت تاني ومسكت ايده وقولتله لو ايديك اترفعت عليا تاني هستبيع وعليا وعلي اعدائي وهولع فيك وفي البيت وفي العيال كمان !!! يلا غور من وشي بقي !!!
نظرة الصدمة والذهول اللى فى عينيه اول مرة كنت اشوفهم انا نفسي معرفش ازاي عملت وقولت كده ومعرفش الجرأة دي جاتلي منين !!!
ومش شوفت وشه تاني ولا سمعت منه كلمة تانية الليلة دي لحد ما طلع النهار كنت صاحية لاني معرفتش انام بسبب التفكير فى أسامة وفي كلامنا مع بعض .
صحي كريم واستغرب اني مش نايمة فى مكاني دخل بص عليا كنت قاعدة على الكنبة .
بصيت ناحيته و اتلفت الناحية التانية و لأول مرة سمعته بيقولي صباح الخير يا قلبي .
اټخضيت واټصدمت من المفاجأة !! بصيت له ولفيت وشي تاني وقولت لنفسي اكيد بيتهيألي لكن اللى اكد لي اللى سمعته كان صح لما دخل قعد جنبي على حرف الكنبة وقال لي انا اسف لو كنت ضايقتك البارح انا اسف اوعي تزعلي مني .
فجأة معتز مسك ايدي وباسها وقال لي انا هجهز الفطار واعملك قهوة معايا !!!
هزيت راسي بالموافقة وانا مش عارفة هو اللي انا فيه ده حقيقي ولا تهيؤات !!! هو الشخص ده فعلا معتز ولا واحد تاني غيره
