رواية حبي بقلم جني احمد البارت الاول حتى البارت العاشر حصريه وجديده

ندي
ندي بضيق نعم يا دكتور رامي
رامي ممكن نتكلم برة المستشفي
ندي دكتور رامي لو حضرتك عندك اي حاجة عايزة تقولها ياريت تقولها هنا ودلوقتي وبسرعة لاني عندي معاد
رامي طيب تعالي نتكلم في كافيه المستشفي حتي
ندي بضيق اتفضل 
في الكافيه
ندي اتفضل حضرتك كنت هتقول ايه
رامي بهدوء طبعا انتي عارفة أننا بقالنا تلت سنين شغالين مع بعض
ندي بضيق طيب وايه الجديد ما انا عارفة
رامي بتوتر الصراحة انا حبيتك واتعلقت بيكي وعايز اتجوزك علي سنة الله ورسوله
ندي پصدمة ليبيه تتجوزني
رامي في سره ايه اللي عملته دة يا رامي حد يقول الكلام دة كله ورا بعض
رامي هو انا قلت حاجة غلط انا بقول علي سنة الله ورسوله
ندي بهدوء دكتور رامي حضرتك انسان محترم جدا والف من يتمناك وان شاء الله تلاقي البنت اللي تحبك وتقدرك بس انا مش موافقة وانا مش اخر بنت في العالم في بنات غيري واحسن مني بمليون مرة وان شاء الله تلاقي بنت الحلال اللي تحبك
رامي بس انا مش عايز حد تاني انا عايزك انتي صدقيني يا ندي انا بحبك ومستحيل احب غيرك
ندي دكتور رامي زي ما قلت لحضرتك كدا انا بعتبرك زي اخويا خلينا في الشغل بس لكن اي حاجة تانية انا مش موافقة...وقامت وقفت ورايحة تمشي راح رامي مسك ايديها
ندي بعصبية بتحاول تخفيها ايدك لوسمحت انا قلت لحضرتك اللي بينا شغل بس متخلنيش اضطر الغي علاقتي معاك بالشغل كمان
رامي اسف بس فكري في كلامي
ندي بغيظ مش هفكر لاني ببساطة بحب واحد تاني 
الكلمة نزلت علي رامي كالسيف ووجعته اوي وندي سابته ومشيت
رامي پحقد انتي ليا انا وبس ومش هسمح لحد تاني أنه يأخدك انتي ليا وبسسس
___________
عند ندي في الفيلا
طبعا علي كان معرف نادية أن ندي هتروح تتعشي مع مراد
ندي خدت شاور وسرحت شعرها ولبست دريس ابيض وفي خطوط بينك واسع وكوتشي ابيض وشنطة اوڤ وايت وفردت شعرها الطويل وحطت برفيوم هادي ونزلت بطبيعتها من غير ميكب
نادية اووووه ايه الشياكة دي يا دودو
ندي بفرحة ايه رأيك يا ماما شكلي حلو
نادية انتي قمر في كل حلاتك
ندي بتكبر مصطنع عارفة من غير ما حد يقولي يلا سلام
نادية سلام يا ندي....وراحت ركبت العربية مع الحراسة 
__________
في الشركة
مازن انا هروح بقا
ليل استني احنا كمان هنروح هلم الحاجة وننزل
سليم بخبث ايه رأيك يا مازن ننزل ونستناه تحت
ليل نعععم هو انتوا تأكلوا وتنزلوا وتسيبوني قسما بالله يا مازن لو ما جيت لمېت معايا لتزعل
مازن بتكبر مصطنع يماما دة هياكلني خلاص هاجي الم معاك
سليم بضحك مش هتعقلوا بردوا ونزلوا وكل واحد ركب عربيته واتجهوا لبيتهم
ومراد كان معرف ثريا أنه هيتعشي مع ندي وثريا كانت بترن عشان تعرف سليم بس كان عامل تليفونه سايلنت ومراد راح مع حراسة
__________
في المطعم
ندي وصلت المطعم
مراد كان سرحان في ملامح ندي وقد ايه هي جميلة وتقدر تشد اي حد 
مراد في سره دي ملاك علي هيئة بشړ ااااااااااااه
ندي مراااااااد
مراد في ايه بتصوتي ليه
ندي بقالي ساعة بنادي عليگ كنتوا مستنيين حاجة وحشة تحصل صح
مراد انا بقالي سنة مستنيكي اتأخرتي ليه!
ندي انا مكنتش هتأخر بس دكتور رامي كان عايزني في موضوع عشان كدا اتأخرت
مراد بغيرة وانتي تتكلمي معاه ليه وكان عايزك في ايه اصلا
ندي بتوتر اه اه كان عايزني في شغل هيكون عايزني في ايه وبتحاول تغير الموضوع تعالي ندخل المطعم هتفضل ساعة واقفين برا
مراد ماشي ومتقفيش معاه تاني
ندي بضحك خلاص بقاا
مراد تحبي تأكلي ايه
ندي انت اختار ليا
مراد خلاص بقا لازم تستحملي لاني انا اكلي غريب شوية
ندي بضحك شكلي هروح المستشفي انهاردة
مراد بتوتر انا كنت عايز اقولك حاجة
ندي بتوتر وانا كمان كنت عايزة اقولك حاجة
مراد اقول دلوقتي ولا بعد الاكل
ندي خليها بعد الاكل عشان لو خبر وحش نفسي متتقفلش
مراد انا بقول كدا بردوا
والأكل جهز والجرسون حط الاكل عليا الترابيزة
ندي پصدمة دي اكلتي المفضلة
مراد بجدددددد
ندي اه والله دي اكلتي المفضلة ويا سلام بقا لو فيها شطة كتير
مراد اه وعصرة ليمون
ندي اجمد ولو عملت بعديها كوباية شاي
مراد وتكون معلقة سكر وخفيف
ندي بجد انت زوقك في الاكل زيي بالظبط وبتحب نفس الاكل اللي انت بحبه
مراد بضحك طيب الحمدلله اظن غيرتي رأيك انك مش هتروحي المستشفي
ندي لا كدا مش هروح خلاص
مراد طيب يلا نبدأ ناكل الاكل هيبرد
ندي يلا بسم الله الرحمن الرحيم 
____________
في فيلا الچرحي
ليل وسليم وصلوا إلى الفيلا
ليل السلام عليكم عاملين ايه
ثريا الحمدلله كويسين سليم انا برن عليك
سليم اكتشفت مؤخرا اني عامل فوني سايلنت كنتي عايزة حاجة
ثريا كنت هقولك أن مراد هيتعشي برا مع دكتورة ندي
سليم اممممم قولتيلي دكتورة ندي
ثريا اه ليه في ايه
سليم اصل اليومين دول مافيش غير دكتورة ندي اللي علي لسان مراد
فريدة بهمس الحبيب العاشق
ليل بضحك لمي نفسگ
فريدة انت سمعتني
ليل اه
فريدة دة انت عليك حاسة سمع مش موجودة في القطط
ليل الله واكبر عليا خلاص انا مش هسمع تاني
ثريا كدا يا ليل قصدك أن فريدة عينها وحشة
ليل انا مقولتش كدا بس الحسد موجود في كل حتة
ثريا طيب تعالوا هخلي سميحة تحط العشا
سليم ياريت لاني ھموت من الجوع
ليل وانا هطلع اخد شاور وانزل
______________ 
مجهول استاذ هي دلوقتي قاعدة مع راجل في مطعم وبيضحكوا مع بعض
رامي بعصبية متقولش بيضحكوا دي
مجهول مش حضرتك قلتلي قول اللي بيحصل بالتفصيل
رامي ماشي كمل
مجهول وهما شوية وهيمشوا ننفذ اللي حضرتك قلت عليه
رامي لا متنفذوش حاجة غير بأمري
مجهول تحت امرك يا رامي بيه
رامي انا جيت اعرض عليكي الجواز لحد عندك بالادب والذوق وانتي مرضتيش هتجوزك بردوا ورجلك فوق رقبتك 
_____________
في فيلا الچرحي
فريدة اخيرا عملتولي توست
ثريا علي فكرة ساندوتش مافيهوش فائدة
فريدة بس طعمه حلو اوييييي
ليل سيبيها يا ماما تاكل اللي عايزاه
فريدة دة ايه الرضا دة
ليل طب والمصحف انا غلطان
فريدة ياعم بهزر معاك
سليم انا حاسس ان مراد بدأ يتأخر هكلمك الحراسة هشوف في ايه
ثريا كل طيب بعد كدا كلمهم
سليم هكلمهم الاول وبعد كدا اكل
سليم الوو استاذ مراد خرج
الحارس لا مخرجش يا سليم بيه هو حاليا في المطعم
سليم طيب خلي عينك عليه جاامد
الحارس تحت امرك يا سليم بيه
سليم لسة في المطعم
ليل انا اكلت الحمدلله
فريدة وانا كمان اكلت هطلع اوضتي انا عشان عندي محاضرة بكرا
سليم بخبث هما طالعين دلوقتي ما تيجي نطلع احنا كمان
ثريا بخجل اتلم العيال قاعدة
ليل أحم أحم احنا قاعدين يا ناس
فريدة تعالي نطلع يابني في أمور مهمة بيناقشوها مع بعض
ثريا احترموا نفسكوا
ليل هو احنا قلنا حاجة غلط
ثريا لسة هتقوم تضربهم 
فريدة خلاص خلاص احنا اسفين...وطلعوا علي اوضتهم
__________
في المطعم
مراد كنا عايزين نقول حاجة لبعض صح
ندي بتوتر اه تعالي نقول مع بعض
مراد ماشي
مراد وندي في صوت واحد انا بحبك
مراد پصدمة بجددد
ندي أيوة
مراد وانا اللي مفكرك مش واخدة بالك
ندي لا طبعا واخدة بالك من ساعة عينيكي دي لينسز ولا طبيعي
مراد هاخد معاد من باباكي عشان اتقدملك
ندي هفكر الاول
مراد هو انتي لسة هتفكري هاخد معاد امتي
ندي مليش دعوة كلم بابا انت
مراد بقا كدا ماشييييي
ندي هروح دلوقتي وكملت بخبث وبالمرة اشوف رامي عمل ايه في موضوع الورق
مراد بغيرة ندددددي
ندي ايه دة شغل وبعدين لما نتخطب تبقي تتكلم وتحكم
مراد اممم ماشي 
وكل واحد راح ركب عربيته بحراسته ومشي وكان يوم حلو علي الجميع
البارت التاسع
حبي_الوحيد
بقلمي_جني_احمد
____________
بسم الله الرحمن الرحيم
في فيلا الچرحي
وصل مراد الفيلا ودخل ولقي سميحة بتلم اطباق العشا
مراد ماما سميحةمراد بيعتبر سميحة زي مامته اومال فين ماما وبابا والباقي
سميحة لسة طالعين دلوقتي
مراد امممم ممكن يكون لسة صاحيين
سميحة معرفش يابني بس ملحقوش يناموا
مراد طيب انا هطلع اشوفهم ...وطلع اللي أوضة ليل وخبط وليل إذن له بالدخول
ليل الحبيب العاشق جه
مراد بإستغراب حبيب عاشق دة ليه اكيد فريدة هي اللي قايلة كدا
ليل رحت تتعشي معاها وطول الليل والنهار بتتكلم عليها وقد ايه علاجها فرق معاگ...وراح يشرب ماية
مراد وهروح اطلب أيدها كمان
ليل وهو بيكح مين انت تتجوز اح اح
مراد بضحك من الفرحة بټموت اشرب ماية طيب
ليل الحمدلله راحت قلتلي هتروح تطلب ايه
مراد ايدها هروح اطلب أيدها
ليل يابني انت مش بتطلب اوردر دة جواز عارف يعني ايه
مراد عارف وعاملك مفاجأة كمان
ليل مفاجأة ايه ياخوفي من مفاجأتك
مراد بإبتسامة واسعة انا بدأت اخف
ليل بجدددددد
مراد اه والله مش ملاحظ ايدي...وليل بص علي أيده لاقاه مش بتتهز
ليل بدموع دة فعلا بجد بدأت تتحسن والنوبات بتقل مااااماااا بااابااا
مراد شششش بس اسكت انا عملهم مفاجأة
مراد تصدق انك نكد يعني جاي بقولك مفاجأتين وبتعيط
ليل هتروح أمتي
مراد مش عارف تفتكر هيوافق
ليل وميوافقش ليه دة انت الف واحدة تتمناك و.....
مراد ليل مش هنضحك علي بعض انا عارف أنه مش هيرضي انا لو مكانه مش هرضي اكيد مش هجوز بنتي مريض نفسي
ليل متفكرش كدا يا مراد وبعدين انت بتتعالج وبدأت تتحسن وهتخف تماما ميوافقش ليه طالما هي بتحبك وانت بتحبها خلاص
مراد ماشي كل الكلام دة حلو بس مش هيرضي فكر كدا يا ليل مش ظابطة
ليل باباك صاحب اكبر شركات العالم و انت من عيلة كبيرة وبتحب بنته وبنته بتحبك مش هيوافق لييييييه
مراد ايه يا ليل بتزعقلي ليه
ليل اصل انت دماغك ناشفة وبتفكر بسلبية
مراد مش سلبية بس خلينا عايشين علي أرض الواقع
ليل انا املي في ربنا كبير وان شاء الله هيوافق كل جوازكم انت بس انتظم في علاجك وفي جلساتك وان شاء الله تتحسن اكتر واكتر
مراد أن شاء الله هروح انام انا عشان جلسة الصبح
ليل بإستغراب مش كان عندك جلسة انهاردة
مراد ما احنا كثفنا الجلسات
ليل بخبث ودة عشان تتعالج ولا عشان حاجة تانية
مراد وهو بيحدف عليه المخدة نام يا ليل
ليل حاضر براحة علينا ياعم
مراد تصبح على خير
ليل وانت من اهل الخير...ومراد راح علي أوضته وخد شاور واخد علاجه وفضل يفكر هل ابو ندي هيوافق علي جوازهم
_________________
في فيلا الاسيوطي
ندي مااااااامااااااا
نادية پخوف في ايه يا ندي براحة بتزعقي ليه
علي اه صح يا ندي بتزعقي ليه
ندي عاملة ليكوا مفاجأة
نادية قولي ايه هي المفاجأة
ندي بتوتر اصل الصراحة احم احم يعني كان عايز احم
علي ايه يا ندي دي شفرة هنفكوها يعني ايه هي المفاجأة
ندي بتوتر بصراحة يعني احم احم الموضوع كبير ومهم هو.....
نادية أخلصي يا ندي عايزين ننام
علي ندي انا مش فاضي يا ندي عندنا شغل بكرا تبقي تقوليلي اللي انتي عايزاه بكرا
نادية باباكي عنده حق يا ندي انتوا عندكوا شغل وانا ھموت وانام
علي وهو تصبحي علي خير
نادية تصبحي علي خير يا ندي
ندي بحزن وانتوا من اهل الخير...ونادية وعلي طلعوا علي اوضتهم
ندي پغضب اووووووف بردوا مقولتش علي موضوعي انا ومراد ما تنطقي يا ندي.....وطلعت علي اوضتها وهي متعصبة 
__________ 
في الصباح تشرق الشمس