رواية حبي الوحيد الفصل الحادي والعشرون حتى الفصل الرابع والعشرين حصريه وجديده

روحي ... وقرب منها و.... لكن ندي سابته ودخلت الحمام وفضلت ترجع
مراد اوووف ندي بطلي عناد وخلينا نجيب الدكتور يفحصك بدل ما انتي كل ما تأكلي حاجة ترجعيها
ندي بتعب أنا كويسة بس شوية تعب بسيط كدا هو أي حد بطنه بتوجعه بيروح للدكتور .... مراد غسل وشها وطلعها وقعدها على السرير
مراد لا مش أي حد يا ندي بس إنتي بجد تعبانة وكل شوية ترجعي شوفي وشك مصفر إزاي دة مش تعب عادي دة تعب جامد بطلي عناد وتعالي نروح المستشفي
ندي بتعب لا أنا كويسة بس عايزة أشرب كوباية الأعشاب اللي أنت عملتها الصبح
مراد بهدوء يا حبيبتي أنا أعملك بس دة مش حل مش كل ما بطنك ټوجعك تشربي كوباية الأعشاب دي لازم نشوف حل
ندي مراد أنا كويسة والله بس عايزة أرتاح شوية ومش عايزة أشغل التكييف كتير عشان متعبش وعايزة أطلب منك طلب
مراد بإستسلام لانه عارف عناد ندى ماشي يا حبيبتي ... إيه هو الطلب
ندي عايزة أروح أقعد مع ماما يومين لإني محتاجة أروحلها وأقعد معاها تاني
مراد بحزن طيب ليه هو أنا عملت حاجة تزعلك فعشان كدا عايزة تروحي تقعدي مع مامتك يومين 
ندي بسرعة لا لا والله مافيش حاجة زعلتني بس أنا عايزة أغير جو شوية وماما وحشتني عايزة أروح أقعد معاها يومين بس
مراد بتنهيدة ماشي يا ندي اللي انتي عايزاه تعالي نفطر ونغير هدومنا وتعالي أوديكي لمامتك
ندي بحب شكرا يا مراد علي تفهمك ليا
مراد بحب عفوا يا حبيبتي دة حقك وحق أهلك يلا تعالي ننزل نفطر
ندي بحب يلا يا مراد
في فيلا ليل الچرحي
غزل ليل هو أنت مش هتروح الشركة 
ليل لا مش هروح هعمل الشغل وهحضر الاجتماعات اونلاين علي اللابتوب
غزل طيب كويس إنك مش هتروح الشركة
ليل انا هشتغل إنهاردة اونلاين ونروح السينما والشغل أصلا مش كتير
غزل طيب يا روحي 
في فيلا مراد الچرحي
مراد يلا افطري يا ندى عشان نروح عند مامتك
ندي وهي بتشم ريحة الأكل مراد هو ليه ريحة الأكل عاملة كدا
مراد بإستغراب ماله ريحة الأكل ما الأكل ريحته زي الفل أهوا
ندي بقرف لا يا مراد الأكل ريحته حمضانة
مراد بإستغراب يابنتي ما الأكل ريحته حلوة أهي مافيهوش ريحة الحماضة ... وأكل قطمة واهوا طعمه تحفة أهوا
ندي بدموع لا والله ريحته حمضانة وملهوش طعم
مراد بسرعة لا لا إنتي هتعيطي ولا إيه خلاص والله ريحته حمضانة حمضانة اللي إنتي عايزاه بس أنا شايف أنه طعمه وريحته حلوين وبعدين مش دة التوست اللي إنتي بتحبيه وعلي طول بتفطري بيه ماله إنهاردة ما هو هو
ندي بدموع لا المرادي غريب عن امبارح ريحته وحشة وملهوش طعم
مراد خلاص خلاص من غير عياط تعالي طيب كلي حاجة تانية
ندي بقرف الأكل كله ريحته غريبة هو في إيه أنهاردة الأطل كله ريحته غريبة
مراد بضحك لا بصي كدا صلي على النبيعليه أفضل الصلاة والسلام هي حاجة من الأتنين يا إنتي في حاجة في حاسة الشم والتذوق بتاعتك يا المشكلة من عندي أنا أنا شايف إن الأكل مافيهوش غلطة كطعم وكريحة
ندي طيب خلاص تعالى نروح لماما
مراد هتنزلي كدا من غير فطار طيب كلي لقمة حتي!!
ندي أيوة أنا أصلا مش جعانة بس قلت أكل أي حاجة منزلش من غير أكل
مراد أنا هتشل منك يا ندي إنتي حرة ... ومسك إيدها وراحوا ركبوا العربية وأتجهوا إلي فيلا الاسيوطي 
في العربية
مراد أربطي حزام الامان عشان هنتحرك دلوقتي يا ندي
ندي ماشي ... ربطته ... وهما في الطريق كلموا علي عشان يعرفوه أنهم رايحين لهم
مراد بإحترام ازيك يا عمي حضرتك عامل إيه
علي الحمدلله يا مراد كويس أنت عامل إيه أنت وندي
مراد الحمدلله أنا وندي كويسين
علي أنت وندي أتخانقتوا ولا إيه
مراد بضحك لا لا خالص بس أنا وندي جايين لأن ندي كانت عايزة تيجي تقعد مع مامتها شوية يومين تلاتة كدا
علي تنوروا طبعا دة أنا لسة كنت هكلمك عشان نتغدا مع بعض بكرا
مراد بضحك سبحان الله إيه الصدفة دي أدينا إحنا اللي جينا أهوا
علي بضحك ماشي يا مراد تنور أنت وندي
مراد ماشي يا عمي .... وقفلوا مع بعض واتجهوا على الفيلا
في فيلا الأسيوطي
طبعا علي كان معرف نادية أن ندي ومراد هييجوا إنهاردة وإن ندي هتقعد يومين تلاتة .... ومراد وندي وصلوا وسلموا على بعض ودخلوا
نادية طيب أنا هدخل المطبخ أشوف هنادي وصلت لإيه
ندي أنا جاية معاكي في المطبخ يا ماما
نادية تعالي يا ندي 
في المطبخ
نادية هنادي بقا هتعملك الأكلة اللي إنتي بتحبيها
ندي هنادي أكلها كله تحفة
هنادي بإبتسامة شكرا
ندي هنادي تقدري تمشي دلوقتي انا هكمل الباقي
هنادي لا ميصحش يا ......
ندي بمقاطعة شششش أنا هكمل الباقي وحشني المطبخ وعايزة أنا اللي أعمل الحاجة بإيدي
هنادي بتفهم ماشي .... وندي هي اللي كملت
نادية لسة زي ما إنتي متغيرتيش يا ندي لازم كل حاجة تعمليها بإيدك
ندي طبعا لسة زي ما أنا ... ماما هاتي الفلفل الأسود مش عارفة أجيبه
نادية أهوا ... وندي أول ما شمته دخلت تجري على الحمام ترجع
نادية پخوف إنتي كويسة يا ندي
ندي بتعب واضح في وشها أيوة كويسة
نادية طيب أغسلي وشك كدا وتعالي .... وندي غسلت وشها وطلعت علي اوضتها 
في غرفة ندي
ندي بتعب وهي قاعدة علي السرير مش عارفة مالي إنهاردة من أول اليوم عمالة أرجع حتي علي الفطار كنت شاماه ريحته حمضانة وملهوش طعم بس مراد قالي إن الأكل مافيهوش ريحة الحماضة وإنه حلو ولما شميت ريحة الفلفل الأسود مقدرتش أستحمل وبطني ۏجعاني اوي مراد عملي كوباية اعشاب ريحتني شوية بس التعب رجع تاني
نادية بشك طيب مرحتيش للدكتور ليه
ندي مراد قالي إني اروح للدكتور كذا مرة بس أنت مرضتش لإني مش حاسة إني محتاجة دكتور
نادية بشك لكنها كتأكدة من قرارها ما يمكن إنتي حامل يا ندي أصل كل الأعراض اللي عندك بتدل إنك حامل
ندي بضحك هههههه هو أي حد بطنه توجعه يبقي حامل دة شوية ألم وهيروح
نادية بإصرار لا إنتي حامل يا ندي هاتي تيست حمل من الصيدلية وأعمليه
ندي لا حول ولا قوة إلا بالله العلي العظيم مستحيل يعني حمل إيه لا يا ماما مافيش حاجة من دي
نادية وإيه اللي خلاه مستحيل مش يمكن إنتي فعلا حامل وما تروحي إعملي التيست مش هتخسري حاجة
ندي وهي بتفكر بصراحة مش متأكدة بس لا لا أكيد مش حامل بس عشان أريحك هروح أعمله وأمري إلى الله بس مش هطلع حامل
نادية بضحك ولو طلعتي هااا.
ندي بضحك إنتي مصممة بقا إني حامل
نادية بضحك أيوة ما يمكن فعلا حامل أصل كل الأعراض اللي عندك بتدل إنك حامل
ندي ماشي 
في المساء
في فيلا ليل الچرحي
ليل يلا يا غزل جهزتي
غزل من جوا أيوة يا ليو بس بسرح شعري
ليل طيب خلصي لحد ما أحضر العربية
غزل ماشي يا ليو ... وليل حضر العربية وغزل سرحت شعرها وخلصت وراحوا ركبوا العربية واتجهوا الي السينما
ليل بتعرفي تربطي حزام الامان ولا لا فاكرة المرة اللي فاتت لما أتقابلنا أول مرة
غزل بضحك ااااه فاكرة هي