رواية أحببتُـها بنقابها أڪثر الفصل الاول حتى الفصل الخامس عشر بقلم حبيبه محمود حصريه وجديده

قولى يارب أنا رجعتلك وتوبت ومش هرجع للذنب ده تانى يارب هعمل كل اللى يرضيك
وفى النهاية 
ربنا بيحبنا كلنا متخليش الدنيا تلهيكي دا لسه فى جنة عرضها السموات والأرض 
ولو كان ليا عمر هكلمكم كمان يومين كده عن الجنة 
ضمونى فى دعائكم 
سبحانك اللهم وبحمدك نشهد أن لا إله إلا أنت نستغفرك ونتوب اليك
استمعت الممرضة لكل ذلك وكانت تبكي على ما فعلت فهى تصلي يوم وشهر لأ 
كانت تبكي بصمت على غفلتها 
رأتها رحمة 
رحمة ممكن تقربي شوية منى 
تعالى اقعدى 
الممرضة انت جميلة اوى ربنا يزيدك يارب ويشفيكي انا كنت مستغربة امبارح الناس دى كلها بتعمل اية اشمعنا انت يتجمع ليكي الكم الكبير ده من الناس عرفت ليه دلوقتي 
ليهم حق 
وكان فى واحد واقف بعيد وبيعيط بطريقة تقطع القلب بس اول مرة يجي 
وكأنك حتة منه 
انا بعد كلامك ده هتغير وهصلي وهلتزم بإذن الله 
شكرا ليكي 
رحمة فرحتيني اوى ربنا يثبتك على طريق الحق ويوفقك إلى ما يحبه الله ويرضاه 
ومفيش شكرا بينا 
يلا قومى صلي الفجر قبل ما يفوتك
فى الصباح 
الباب خبط 
ودخل الجد
رحمة وحشتني اوى يا بابا وارتمت فى أحضانه لدقائق 
الجد حبيبة قلب بابا عامله ايه 
انا عندى مفاجأة ليكي طول عمرك بتتمنيها 
رحمة بجد طب هى اى 
وكأنها طفلة نست كل ما مرت به 
الجد اه وفى ضيف عايز يشوفك 
رحمة مين 
ياترى مصطفى قال اية للجد !
واى مفاجأة رحمة دى ! 
وهيحصل اى ! ومين العروسة اللى احمد هيتقدم ليها !
بإذن الله البارت الجاى
استودعكم الله الذي لا تضيع ودائعه 
احبكم فى الله
الفصل
احببتها بنقابها اكثر 
بسم الله الرحمن الرحيم اذكروا الله 
البارت العاشر 
رحمة بجد طب اى هى 
الجد لسه مش دلوقتي أما يجي معادها هقولك 
رحمة انا بحبك اوى يا جدو 
احم جدو أنا عايزة اطلب منك طلب 
الجد قولى يا حبيبي 
رحمة انا نفسي عبدالرحمن يتجوز خاېفه اموت قبل ما أشوفه عريس 
الجد هتقومى بالسلامة وتحضري لفرحة بنفسك كمان بس اخوكى مش عايز يتجوز
ومين العروسة !
انا عارف دماغك اكيد مجهزة كل حاجه 
رحمة فاهمنى على طول كده يا زيزو 
بص يا باشا 
العروسة واحدة من صحابي اللى كانوا معايا امبارح
فى منزل احمد 
الاب احمد احمد ما تخلص بقي هنزل واسيبك عايزين نحضر الخطبة من الاول 
دا فى شيخ جديد جاى انهاردة بيقولوا لسه شاب صغير 
احمد يا بابا بلبس 
اعمل اى فى ست الكل اللى مأخرانى كده على طول 
يلا يا حاج
صل على محمد صل الله عليه وسلم
فى بيت نهر بعد صلاة الجمعة
فى غرفتها بعد أن أتمت قراءة سورة الكهف
الاب نهورة حبيبة بابا 
نهر نعم يا حبيبي عايز حاجه 
الاب عايزك فى موضوع مهم 
نهر اتفضل يا حبيبي انت تؤمر قول قول متتكسفش عايزنى اخطبلك ولا اية 
الاب أيوة علشان امك تسمعك وتقلب علينا 
نهر قول انك خاېف بقي يا اسطى 
تدخل الام فى هذه اللحظة 
الام فى اى اكيد وراكم حاجه انا عارفه 
الاب ولا حاجه يا روحى بس بنتك عقلها فوت 
الام بنتي عسل يا حبيبي دى طالعة لأمها قمر 
الاب طب يا قمر انت طرقينا بقي عايز انفرد ببنتى لوحدنا 
خرجت الام 
الاب بصي يا نهر انت كبرتى خلاص يا حبيبتي وكل بنت أما بتكبر اى بيحصل 
نهر بتشتغل 
الاب لأ يا نهر بلاش استعباط انا عارف انك مش عايزة تسبينا لوحدنا بس اخوكى معانا 
فى عريس متقدملك وقبل ما تقولى اى حاجه 
هو ابن اعز اصدقائي ووالدتة كذلك بالنسبة لوالدتك وانا واثق فى تربيتة واقدر اسلمك ليه وانا مطمن وملتزم ودكتور جامعى
اللهم صل على سيدنا محمد
فى منزل مصطفى 
الام انت روحت فين امبارح يا مصطفى اتأخرت كده ليه انا مردتش أسألك علشان راجع متأخر 
مصطفى كنت فى المستشفى يا ماما 
الام هى مش رفضتك بتروح تانى ليه 
مصطفى رفضتنى علشان مش عايزة تترفض وكمان مش محتاجة شفقة من حد البنت دى يا امى نفسها عزيزة عليها اوى وانا هفضل جنبها للآخر ومش هسيبها الا لو المۏت فرقنا 
الام هو انت اټجننت هى كلمة واحدة تسيبك منها بقي وهخطبلك ست ستها 
مصطفى وهى بالنسبة ليا ملكة كل البنات 
الام هتعصي أمر امك يا شيخ مصطفى هو ده اللى اتعلمته فى الأزهر 
اصبح الان مصطفى فى حيرة من أمره 
مصطفى حاشا لله يا امى 
اهدى بس انت دلوقتى 
وانا خارج شوية
فى منزل الحاج عبدالعزيز 
مرات عم رحمة ناهد الف سلامة على رحمة يا هناء والله مكنتش اعرف امى كانت تعبانة اوى ومقدرتش اجى
هناء الله يسلمك يا ام آية مش مشكلة يا اختى اهم حاجه والدتك اخبارها اية
ناهد الحمدلله بخير شوية انا ما صدقت اختى جت بدالى
حسين عم رحمة انا هروح انهاردة المستشفي اطمن على رحمة والحاج 
واشوف لو محتاجين حاجة
ناهد عن اذنك يا هناء اطلع وراه 
هناء اتفضلي يا حبيبتي
فى الطابق الثاني 
ناهد هو انت دائما صارف فلوسنا وفلوس ولادنا عليهم مش جوزها رجع
حسين انت بتقولى ايه البنت بټموت وانت بتتكلمى فى الفلوس اخويا اه رجع بس عنده جلطة مش بيتحرك يروح يشتغل ايه
ناهد ما انت طول ١٢ سنه وانت ماسك العطارة 
وكله تعبك انت ومن حقنا احنا
حسين وقسما بالله لو اتكلمتى كلمة كمان لتكونى طالق ودى كلها فلوس ابويا اللى تعب لحد ما عملنا بيت طويل عريض واخويا اللى كان معاه كتف فى كتف وساب تعليمة واحنا صغيرين مع أنه كان متفوق بس دا كله علشان يصرف عليا ويعلمنى 
غورى من وشي 
ذهبت ناهد إلى غرفتها ولكنها تفكر بأى طريقة تحافظ على مال اولادها كما تعتقد
اللهم صل وسلم على سيدنا محمد
فى المستشفى
يدخل الدكتور إلى غرفة رحمة 
الدكتور كده يا استاذة حضرتك بقالك اسبوعين هنا انا هكتبلك على خروج بس هتيجي الاسبوع القادم بإذن الله
الجد بجد يا دكتور 
الدكتور أيوة طبعا 
بس عايز حضرتك بره شوية
فى الخارج 
الدكتور الحركة هتبقي صعبة عليها ياريت بلاش مجهود 
الجد طب والجامعة مش هتروحها 
الدكتور تروح عادى بس كفاية يوم فى الأسبوع 
والاسبوع اللى هتيجي فيه بلاش تتحرك نهائي
الجد ماشي يا دكتور شكرا لتعبك معانا 
الدكتور على اى دا واجبي عن اذنك 
وبعد ساعة جاء عمها وخرجت رحمة لأول مرة بالنقاب كانت تسير بخطى بطيئة جدا 
وتحمد ربها أنها ارتدت النقاب طاعة لربها وتقربا اليه وفى هذا الموقف حتى لا يلحظ أحد شحوبها بسبب المړض 
فى الطريق صامتة لا تتحدث 
فى بالها طب انا دلوقتي مش قادرة اتحرك والبنات ليها احتياجات كتير اوى مش هقدر اخدم نفسي تانى لأ والدكتور كاتب ليا ترامادول علشان اقدر استحمل يارب خفف عنى متخلنيش عبئ على حد حتى لو امى 
اللهم اجرني فى مصېبتي واخلف لي خيرا منها
اللهم صل وسلم على سيدنا محمد
ذهب مصطفى إلى المسجد فهو حينما يريد أن يخلو بنفسه للتفكير بأى شئ يذهب إليه 
كان يصلي فى أحد الأركان ويدعو وصوت بكاءه يعلو كيف له أن يعصي والدته 
وكيف له أن يترك من اختارها قلبه 
يارب دلنى لقد قطعت كل السبل يارب بابك لا يسد ارشدنى يا الله واجبر بخاطرى
فى منزل رحمة 
فرح الجميع بعودتها الا زوجة عمها 
واتت آية ابنة عمها سريعا بعدما علمت بما حدث لها 
وطبعا رحمة مش هتقدر تطلع السلم
ورجعتى عبدالرحمن بطتى والله ورجعتى بصي بقي انا عايز ازعاج كان هادى من غيرك 
وحضنها جامد وكأنه يستمد منها القوة فهى ليست أخته بل طفلته الأولى المدلله 
الحاج عبدالعزيز رحمة هتقعد معايا هنا اى رأيك يا رحومه 
عبدالرحمن لأ يا جدو هى مش بتعرف تنام غير فى اوضتها 
يلا يا رحومة طول عمرى بشيلك وانت صغيرة اشيلك وانت كبيرة بقي 
وحمل رحمة بين يديه وصعد بها 
ولم يخلو ذلك من هزار عبدالرحمن المحبب إلى رحمة 
عبدالرحمن بت يا رحمة انت بقيتي عجله كده ليه 
انت كام كيلو يا بت 
رحمة يا جاهل مش قلتلك البنات مش بتحب حد يسألها عن وزنها 
وادخلها إلى غرفتها 
عبدالرحمن اسيبك ترتاحى شوية بقي 
رحمة لأ تعالى أنا عايزة اتكلم معاك شوية 
عبدالرحمن عايزة اي النظرة دى وراها حاجه 
رحمة 
هقولك اهو
سبحانك اللهم وبحمدك نشهد أن لا إله إلا أنت نستغفرك ونتوب اليك
انتهى البارت العاشر 
انتظرونى فى البارت القادم بإذن الله
يا ترى رحمة عايزة اى من عبدالرحمن
مصطفى هيختار والدتة ولا رحمة 
مين العريس اللى أتقدم لنهر وأى رد فعلها لما تعرفه
استودعكم الله الذي لا تضيع ودائعه 
احبكم في الله 
أكثروا من الصلاة على النبي
ࢪوايات تࢪضيه ﷻ
أحببتها بنقابها أڪثࢪ
الفصل
احببتها بنقابها اكثر 
البارت الحادى عشر 
بسم الله الرحمن الرحيم
اللهم صل وسلم على سيدنا محمد
رحمة عبدالرحمن انت فاكر أما قولتلك عندى عروستك بس مش دلوقتي 
عبدالرحمن اه اى اللى فكرك !
رحمة آن الأوان اوفى بوعدى
عبدالرحمن اللى هو يا بت اخلصي جتك قرف فى حلاوتك كده وانت اوزعة 
رحمة هو انت يا ابنى متأكد انك مهندس 
قبلوك فى هندسة ازاى 
عبدالرحمن انت بقي شكلك خدتى عليا يا بت 
رحمة بص يا بودة انا عايزة اخطبلك اسماء صحبتي 
عبدالرحمن يا بنتى انا مش جاهز ولا مستعد ازاى أخطب وانت فى الحالة دى احنا فى ايه ولا فى ايه 
رحمة انا كويسه والله بس عايزة اشوفك عريس مش هتحقق الأمنية دى ليا قبل ما اموت 
تدخل الام 
هناء ايوا رجعنا للخناقات ناويين على ايه انا عارفه بيكون وراكم حاجه أما تتجمعوا 
رحمة لأ ابدا يا ست الكل دا الواد عبدة كبر وعايز يتجوز 
زغرتي يا اوختشي 
عبدالرحمن بت انت بتقولى اي انا قولت كده 
رحمة متتكسفش دى امك بردوا ها هتروح تخطب امتى بقي 
هناء مين العروسه وانا اروح اخطبلك من انهاردة يا نن عين ماما 
رحمة اسماء صحبيتي يا ماما وانت عارفه اسماء وأخلاق اسماء وجمال اسماء وكفاية كده علشان اسماء زمانها بتولع 
اللهم صل وسلم على سيدنا محمد
فى منزل الدكتور أحمد 
عز اعمل حسابك هنروح انهاردة نخطبلك بعد المغرب يا احمد 
احمد حاضر يا بابا ربنا يسهل 
بس لو طلعت من بنات اليومين دول انا مش هكمل 
الام يا احمد يا حبيبي البنت محترمة جدا انا اه مشفتهاش من زمان بس عارفه تربية صحبتي هتكون اى 
احمد حاضر يا امى انا هخرج شوية هتجمع انا والشباب انهاردة 

فى منزل مصطفى 
الام مصطفى انا اخترت لك عروسة حلوة وزى القمر 
مصطفى متوصفيهاش يا امى هى مازالت أجنبية عنى وبصراحة يا امى انا مش هفكر فى الجواز دلوقتى لان جالى سفرية تبع الشغل ومضطر اسافر الكويت سنه او سنتين 
الام انت بتتهرب منى يعنى 
وعايز تسيبني انا واختك لوحدنا 
مصطفى ڠصب عنى يا امى على عيني والله وبعدين ما خالى فى الشقة اللى فوق وهو اللى واخد باله مننا من وانا صغير بعد ۏفاة بابا 
الله يرحمة 
سلمى انت هتسافر يا ابيه وتسيبنا مش كفاية بابا 
مصطفى يحضن اخته حبيبة أبيه انا هكلمك كل يوم وبإذن الله السفرية متطولش وارجع بعد سنة
الام لا تتحدث ولكنه ابنها وتخاف علية
فى منزل نهر مساء 
منتظرين قدوم العريس واهلة 
الام نهر تعالى جهزى السفرة علشان اول ما يجوا تكون كل حاجه جاهزة 
نهر حاضر