رواية زواج بحكم الوصيه الفصل الرابع 4 بقلم يارا عبد العزيز حصريه وجديده
انت في الصفحة 1 من صفحتين
رواية زواج بحكم الوصيه الفصل الرابع 4 بقلم يارا عبد العزيز حصريه وجديده
فهد بضيق : ايه تانى
شهاب : فى خلال السنة دى انت مينفعش تتجوز حد تانى غير مدام قمر
فهد فى نفسه : لا حسبتها صح يا بابا عشان عارف انى بحب سارة بس تمام ما انا اكيد مش هضحى بالثروة دى كلها عشان سنة
فهد : تمام موافق
شهاب : اوك دا ورق توزيع الميراث عليكم اتفضلوا امضوا
فهد وهو بيقوم : حاجة تانية يا متر
شهاب : لا تمام كدا
فهد وقمر كانوا لسه هيمشوا
شهاب : بشمهندس فهد
فهد : نعم
شهاب : فى خلال سنة تكونوا خلفتوا وإلا كل اللى عملته دا هيروح على الفاضى
فهد وهو بينفخ: ماشى
فى عربية فهد
قمر : هو مينفعش تدينى فلوس عملية جدو وامشى انا
فهد بعصبية وصوت عالى ارعبها: والله العظيم انا ما ناقصك انتى لو مشيتى مش هيبقى فيه فلوس لا ليا ولا ليك انا هقف على الرصيف اشحت وانتى جدك ھيموت منك
قمر : خلاص انت بتتعصب كدا ليه
فهد : عشان انا عديت الكلام دا كتير وانتى برضوا مركبة دماغك مش عارف ازاى ومبتفهميش
قمر : متغلطش
فهد : صبرنى يا رب
فى القصر فهد و قمر رجعوا وكانوا فريدة وسارة قاعدين
سارة وهى بتمسك ايد فهد : وحشتنى اوى من انبارح
فهد : وانتى كمان يحبيبتى
قمر بدموع مش عارفه سببها: هى مين دى
قمر : بجد تمام انا طالعة
فريده: استنى انتوا حصل ما بينكوا اى حاجه
فهد : لا لسه
فريده: انهاردة لازم تتمم جوزاك منها
سارة بغيرة : يا ماما
فريده: سارة احنا اتفقنا على ايه وكملت وهى بتبص على قمر ومتقلقيش فهد عمره ما حب ولا هيحب غيرك هى عارفه سبب وجودها ايه وانها هنا ضيفة مش اكتر هتعقد المدة اللى متفقين عليها وهتمشى
قمر ببرود : والله البيت دا انا ليا نصه ممكن اوريكى الورق اللى يثبت دا لو حابة يعنى امشى امتى دا اللى احدده انا مش انتى ولا بنتك الحلوة اللى واقفة جنبك دى اما بقى بالنسبة لفهد فشبعى بيه يحبيبتى مع انه جوزى برضوا وليا حق فيه اكتر منك لانى انتى وهو مش حاجه بس هو اصلا مش فى دماغى وانتوا هنا اللى ضيوف مش أنا فياريت اما تتكلموا معايا تتكلموا بأحترام عشان متطلعوش برا بيتى
فهد بعصبية: قمر الزمى حدودك
قمر وهى بتمسك قميص فهد وبدلع: هو انا قولت حاجه هى مش دى الحقيقة برضوا وطبعت بوسة صغيرة على خده مستانيك فوق متتأخرش
سارة بغيظ: ااه يا بنت ال
فريده: اهدى
