رواية حب الماضي الفصل الثاني بقلم مارينا علي حصريه وجديده
رواية حب الماضي الفصل الثاني بقلم مارينا علي حصريه وجديده
ايه يادكتور مالها؟
الدكتور: اطمن هيا بخير ضغطها بس على شوية
مازن: طب هتفوق امتى
الدكتور: نص ساعة بس بلاش تتعرض لاى ضغوطات
مازن: تمام يادكتور شكرا.... جنة هوصل الدكتور واجيب العلاج لكارمن!
جنة بغيظ: ماشى
دخلت جنة الاوضة الل فيها كارمن
جنة فى عقلها: الل يشوفك يقول عليكى ملاك ياترى انتى ايه حكايتك بالظبط وعايزة ايه مننا
بعد شوية بدأت كارمن تفوق واول مافتحت عنيها شافت جنة اما بالنسبة لجنة كانت شاردة
كارمن بااحراج: هو ايه الل حصلى
جنة ببرود: وقعتى من طولك.. وجبنالك الدكتور قال ضغطك على
كارمن بحزن: انتى ليه بتعاملينى كدة ياجنة انا مش بكرهك...
جنة بهدوء: ولا انا بكرهك ياكارمن بس انتى لو مكانى كنتى هتعملى زيى واكتر عمرك ماكنت هتقبلى ان حبيبة جوزك القديمه تسكن معاكم فى نفس البيت!!
كارمن......
جنة: شوفتى سكتى ازاى عشان انتى عارفة ان كلامى صح!
فى الوقت ده جه مازن
مازن: انتى كويسة ياكارمن
جنة بغيرة: ماهى كويسة وزى القردة اهى
كارمن برقة: انا بخير يامازن متقلقش
جنة بغيرة: وحد قالك انه قلقان عليكى
مسكها مازن من ايدها وخدها على جنب
مازن: جنة متنسيش الدكتور قال انها مش لازم تتعرض لضغوطات انا هروح الشغل دلوقتي ومش عايز مشاكل تمام؟
جنة.....
مازن وهو بيضغط على ايدها: مش بحب اعيد الكلام مرتين......
جنة: تمام يامازن بس والله لو عملت اى حاجة متعجبنيش او حاولت تتقرب منك هزعلها
ضحك مازن على كلامها
مازن بحب: مچنونة بس بحبك
&&&&&&&&&&&&&&&
ايه ياست هانم هتغيبى اليوم كله تعملى الاكل!
خرجت لميس من المطبخ
لميس پصدمة: انت بتزعقلى انا ياعمر؟
عمر: لا ياحبيبتي انا اقدر
لميس: اممم اومال مالك فى ايه؟
عمر بتنهيدة: مازن ياستى مضايق منى ومش بيكلمنى.....
عشان رفضت كارمن تقعد معانا بيقول طول عمرك ندل
لميس پغضب: هو اخوك ده مش بيفهم فى الاصول ولا ايه وبعدين احنا مش فاتحنها هنا ميتم والله ياعمر لو سمعت كلام اخوك فى الموضوع ده بالذات لطردك برة البيييت فااهم ولا لا؟؟
عمر: ايوة فاهم
لميس: قال كارمن قال رجالة اخر زمن
وبعدها دخلت تكمل طبخ
ريان: بابا هو البيت ده بتاعك ولا بتاع ماما
عمر: بتاعى ياحبيبي
ريان بتفكير: اومال ليه ماما بتقول هتطردك من البيت وهو بتاعك
عمر: ولية مفترية يابنى
لميس: بتقول حااااجة ياعمر
عمر پخوف: بقول انك ملاك ياحبيبتي
&&&&&&&&&&&
فى منزل مازن كانت جنة بتكلم لميس فون
من ساعة ماكارمن دى جت البيت ومازن بيعاملنى ببرود.....
لميس: مانتى الل غلطانة وهب.. لة
جنة: ازاى يعنى!
لميس: يعنى كان لازم ترفضى انها تعيش معاكم وتصممى كمان...
جنة: الصراحة صعبت عليا لانها وحيدة دلوقتي!
لميس بضحك: مش بقولك هب.. لة ياروحى كارمن دى عندها بيتها تيجى تعيش معاكم ليه؟ وباباها سايبلها فلوس قبل ماتموت يعنى لو صعبانة عليكى انتى وجوزك فعلا تروحلها زيارة كل فترة مش تخليها تعيش فى بيتك
جنة بتفكير: طب اعمل ايه
دلوقتي؟
لميس: قوليله ياانا ياهيا فى البيت ده وهو اكيد هيختارك..
جنة: بس كدة عمر هيفكر انى مش بوثق فيه
لميس: يفكر زى مايفكر ياختى انتى بتحافظى على بيتك.....
وبعدين هما الرجالة دول يتوثق فيهم يعنى عندك عمر ده منكد عليا حياتى بس عشان انا بنت اصول مستحملاه
جنة بااتسغراب: ده حتى عمر طيب!
لميس: انتى الل طيبة ياختى.... المهم تعملى زى مابقولك تخيريه بينك وبينها!......خليكى معايا ياختى هروح اشوف حلة الرز طابت
جنة: ماشى
لميس: ايه الريحة دى..... يالهووو...... ى حلة الرز شاطت
&&&&&&&&&&&&&&
فضلت جنة تفكر فى كلام لميس وكانت مترددة تعمل زى مالميس قالتلها ولا لا لحد ما اخدت قرارها واول مامازن جه....
جنة: ياانا ياهيا فى البيت ده
مازن:........
يتبع
