فقيره في مدرسة الأغنياء الفصل التاسع بقلم زينب سمير حصريه وجديده
مال يجمع في الصور قبل ما يبص لأبوه وبحدة أنت بتراقبني
كنت عايز أعرف أية اللي مغير حال أبني العاقل الراسي اية اللي مجننه ومخليه مش عارف مصلحته طلعت بنت وعميالك عينيك بنت لا ليها أصل ولا فصل..
بابا لو سمحت متتكلمش عنها كدا
كمان هتدافع عنها قدامي! بنت هتقضي معاها يومين هتعصى عليا بسببها!
يومين! أنت فاهم غلط نيللي مش زي البنات اللي كنت أعرفهم أو اللي أنت مفكر إنها منهم دي محترمة جدا و..
أنت فاهم غلط
نزل والده كام سلمة من الدرج و انا اللي فاهمه واللي عارفه إنك هتبعد عن البنت دي
وقف مكانه بزهول ردد بسرعة مستحيل
من دلوقتي هتقطع علاقتك بيها وهتتجوز نانسي ڠصب عنك
مفيش حاجة تجبرني أعمل كدا مش هسمع كلامك مش هخليك تدمر حياتي..
وصل لأخر السلم وقفوا في وش بعض وبنبرة تجبر وقسۏة وبالنسبة لمفيش حاجة تجبرك تعمل كدا لا في.. كتير.. أولهم هي..
شاور على الصور اللي في أيده بإحتقار و لو أنت فعلا بتحبها زي ما بتقول يبقى أكيد مترضلهاش الآذية
بكلمة واحدة همنع عن أمها العلاج اللي بتاخده على حساب الدولة وهطرد أبوها اللي طلع بالصدفة بيشتغل عندي وهشرد عيلتها وهشردها هي كمان مهخليش مدرسة تقبلها ولا كلية تدخلها
رفع إيديه في وشه وقفلها و هضيق عليها الدنيا هقفل عليها كل سبل العيش.. ساعتها هي بنفسها هتسيبك بس ساعتها هتكون أتدمرت هي ومستقبلها وعيلتها والقرار ليك..
يكسر كل دا يدمر كل دا
دمعت عيونه بص لضهر أبوه بعدم تصديق وبصوت متحشرج أنت لية بتعمل فيا كدا لية پتكرهني كدا
انا بحبها.. صدقني مش هكون سعيد غير معاها
هتكون سعيد لما توصل لما تكبر أكتر وأكتر أسمع كلامي وبكرة تقول كان معايا حق
عمرك ما هتسمعني ولا هتفهمني
هعمل اللي أنت عايزه بس.. سيب نيللي في حالها في المقابل زود مرتب أبوها وخليها تاخد المنحة اللي عايزاها
متقلقش أخطب أنت نانسي وانا هعوضها كويس أوي
ممكن تديني يومين أمهدلها الموضوع
مينفعش نانسي عارفة بقصتكم ومضايقة ومش عايز أضايقها زيادة أنت من اللحظة دي علاقتك منتهية بيها
رفع صابعه بتحذير و خلي بالك أنت متراقب لو عرفت إنك قربت منها تنسى كل اللي قولته دلوقتي
فضل باصص لأبوه من غير رد ولا رد فعل..
قبل ما يهز راسه بماشي ويسيبه ويمشي
كان متوقع كدا من الدنيا مش هتسيبه ينبسط هتاخد منه أول وأخر حاجة حبها وأتمسك بيها مش هتديله فرصة يعيش طبيعي مع حد بيحبه.
تاني يوم دخلت المدرسة وهي رايقة كعادتها من ساعة ما
