رواية لن أنساك البارت الاول حتى البارت الخامس عشر بقلم الكاتبه ريهام أبو المجد حصريه وجديده

رواية لن أنساك البارت الاول حتى البارت الخامس عشر بقلم الكاتبه ريهام أبو المجد حصريه وجديده
في مكان ما في إسكندرية كانت واقفة قدام البحر ومركزة عيونها على نقطة معينة خانتها دموعها اللي نزلت على خدها وهي بترجع بذكرياتها لفترة معينة من سنة بالظبط.
ميرنا وهي بتجري على صاحبتها ملك اللي واقفة قدام البحر وبتقول پخوف مالك يا ملك يا حبيبتي فيكي إية

ملك بدموع محبنيش يا ميرنا محبنيش.
ميرنا وهي بتحاوط وشها بين إيديها وبتقول بحنية مين دا فهميني بالراحة وبطلي عياط يا حبيبتي.
ملك بإنهيار كان بيستغلني عشان فلوس بابي هو محبنيش كل دا كان تمثيل چرح قلبي بعد ما خلاه يحبه ويعشقه طب لية يعمل كدا لية
ميرنا حضنتها وقالت خلاص يا حبيبتي كفاية هو ما يستاهلكيش حقك عليا أنا.
ملك مش قادرة أسامح نفسي إني حبيته ووثقت فيه خدعني وخلاني لعبة في إيده عشان يقدر يوصل لأملاك بابي وأخد كل حاجة.
وكملت پقهر ودموعها نازلة زي الشلال بسببه بابي تعب وجاتله جلطة بعد ما خسر كل ما يملك وأنا قلبي أنكسر يا ميرنا.
ميرنا بعياط على عياط صاحبتها ملك خلاص يا حبيبتي دا إرادة ربنا وصدقيني ربنا هينتقم منه وحقكم هيرجع بس أنتي لازم تكوني قوية عشان خاطر باباكي يا حبيبتي.
ملك مش قادرة أبص في عيون بابي هقوله إية إني أنا السبب بس والله ما كنت أعرف يا ميرنا وحياتك عندي ما كنت أعرف حاجة.
ميرنا باستها من راسها وملست على شعرها وقالت أنا عارفة يا ملك بس وحياتي عندك تهدي وأنا هجبلك حقك منه وههقر قلبه زي ما قهر قلبك.
ملك بدموع أنا تعبانة اووي يا ميرنا.
ميرنا پخوف إية اللي تعبك يا حبيبتي
ملك وهي بتشاور على قلبها وبتقول دا اللي تعبان اووي يا ميرنا لسه بيحبه أنا موجوعة اووي ومحدش حاسس بۏجعي.
ميرنا حضنتها وقالت أنا حاسة بيكي يا ملك أنا جنبك يا حبيبتي زي ما كنا طول عمرنا جنب بعض صدقيني مش هسيبك وهتنسيه وهتكوني كويسة أنتي وعمو.
ملك بحزن وهي بتمسك إيد ميرنا وبتقول ميرنا سامحيني أرجوك وقولي لبابي إني بحبه اووي وإنه مكنشي قصدي أعمل كدا خليه يسامحني.
ميرنا پخوف ملك بتقولي كدا لية! متوجعيش قلبي يا ملك وبعدين أنتي هترجعي معايا دلوقتي وهتشوفي عمو وهتحضنيه وهو هيفهمك هو ملوش غيرك يا حبيبتي.
ملك ميرنا أنا بحبك اووي وحقيقي أنا محظوظة إنك في حياتي كنتي ليا أم وأخت وصديقة.
ميرنا قلبها ۏجعها وقالت ملك أرجوك بلاش الكلام دا ويلا عشان نرجع البيت تنامي شوية وبعدين نروح نزور عمو في المستشفى.
ملك حضنت ميرنا جامد وميرنا بدلتها الحضن بس كانت قلقانة من تصرفات ملك وقالت يلا يا ملوكتي.
ملك مسكت إيدها وقالت ميرنا أنا عايزة أيس كريم.
ميرنا بإستغراب دلوقتي يا ملوكتي!
ملك بصت على محل بعيد وقالت روحي هتيلي من هناك أيس كريم زي زمان وزي ما دايما بتجبيلي.
ميرنا ملست على خدها وقالت بحب حاضر يا حبيبتي بس خليكي هنا إستنيني مش هتأخر عليكي.
ملك حاولت ترسم إبتسامة على وشها وقالت حاضر.
بقلمي ريهام أبو المجد 
ميرنا مشيت خطوتين ولقت ملك بتنادي عليها وبتقول ميرنا.
ميرنا لفت ليها وقالت نعم يا ملوكتي.
ملك ابتسمت وقالت بحبك اووي.
ميرنا ابتسمت إبتسامة جميلة شبهها وقالت وأنا بحبك أكتر.
مشيت ميرنا وعدت الطريق وجابت أيس كريم لملك بطعم الفانيليا اللي هي بتحبه وجابت ليها بطعم الشوكولاتة.
بعد ما جابت رجعت وهي ماسكهم بإيديها الإتنين وعدت الطريق تاني ووصلت للبحر وهي مبتسمه وشعرها بيطير بسبب الهوا.
أول ما قربت لقت ملك داخل البحر وماشية ميرنا اټصدمت ووقعت الأيس كريم وصړخت بأعلى صوتها وقالت ملك.
ملك بصتلها بحزن وميرنا جريت عليها بس وقفت عند البحر لأنها مش بتعرف تعوم وقالت بعياط ملك يا حبيبتي أرجعي عشان خاطري أرجوك متسبنيش.
ملك بعياط أنا أسفة يا ميرنا بس أنا مستهلشي إني أعيش بعد اللي عملته.
ميرنا پقهر ودموع وهي بتقرب للماية وبتقول ملك أستغفري ربنا وأرجعي يا حبيبتي.
ملك بصوت عالي أنا قلبي بيوجعني.
ميرنا حطت إيدها على قلبها وقالت طب وقلبي أنا هيعمل إية من بعدك يا ملك.
ملك بعياط أنا أسفة يا ميرنا سامحيني وخليكي فاكرة إني بحبك اووي.
ولفت وشها للماية وبدأت تغوص أكتر وميرنا لما شافتها كدا بدأت تصرخ وتطلب النجدة بس لما لقتها خلاص راسها بدأت تغوص في الماية هي كمان بدأت تدخل رغم إنها مبتعرفشي تعوم بس كل اللي يهمها دلوقتي متسيبشي ملك لوحدها وتحاول تنقذها بس للاسف ملك أختفت وميرنا بدأت ټغرق وخلاص هي كمان بټموت زي صاحبتها لحد ما بدأت تغمض عيونها بس فجأة لقت حد بيشدها لحد ما طلع بيها وهي مش قادرة تشوف ملامحه بس هو كان بيضغط على صدرها عشان يخرج الماية اللي شربتها بس هي فقدت الوعي وهي بتقول بصوت هامس ملك......
فاقت بعد فترة لقت نفسها في المستشفي نايمة على السرير والكل حواليها فقالت ملك فين!
محدش رد عليها ونزلوا راسهم في الأرض فهي أفتكرت كل حاجة وقالت بسرعة ملك طلعت صح
باباها عثمان رد بحزن وقال أهدي يا حبيبتي.
مريم بصړيخ فين ملك حد يرد عليا
عثمان بحزن ادعيلها إن ربنا يرحمها.
ميرنا پصدمة أنت بتقول إية يا بابا!
عثمان جي يحضنها بعدت عنه وقالت لا مستحيل أنت بتكدب عليا مستحيل ملك تمشي وتسيبني هي عارفة إن روحي متعلقة فيها.
عامر عمها أهدي يا حبيبة عمك أنتي تعبانة.
ميرنا فضلت تصرخ بهستريا لحد ما أغمى عليها وكان في عيون حزينة اووي عليها لكن مش قادر يعمل حاجة ولا عايز حد ياخد باله.
بقلمي ريهام أبو المجد 
ميرنا فاقت من ذكرياتها ودموعها على خدها وقالت بعياط مرت سنة ولسه مش قادرة أصدق يا ملك إنك سبتيني ومشيتي مش قادرة أصدق إنك أنتحرتي عشان واحد ميستاهلشي.
وبعدين قالت بدموع أنا قولتلك أستنيني بس أنتي مقدرتيش تستنيني خلتيني أمشي عشان تعملي كدا وتوجعي قلبي.
في الكومبوند في فيلا عثمان الدهشوري كان عثمان وأخوه عامر واقفين قلقانين على ميرنا ومش عارفين هي فين.
عثمان پخوف عامر هتكون فين بس دي بقالها ٣ ساعات برا البيت.
عامر حط إيده على كتف أخوه عشان يهديه وقال أهدى يا عثمان عشان صحتك متخافشي هترجع.
عثمان كلملي سليم بسرعة يمكن تكون معاه.
عامر كلمته بس تليفونه مغلق لأنه عنده محاضرة دلوقتي وأنت عارف بيقفل تليفونه عشان يعرف يشرح لطلابه بتركيز.
عثمان بتوتر طب الحل إية
عامر هكلم عمران يشوفها كدا.
رن عليه عشان يجيله على فيلا عمه عثمان وصل ولما شاف عمه عثمان متوتر كدا سأله وقال في إية يا عمي حضرتك كويس
عثمان الحقني يا عامر ميرنا بقالها ٣ ساعات برا ومرجعتشي أنا خاېف عليها اووي.
عمران خاف عليها بس مبينشي وقال بهدوء عكس اللي العاصفة اللي جواه أهدى يا عمي إن شاء الله هرجعهالك.
عامر تليفونه رن برقم سليم فرد بسرعة وقال أنت فين يا سليم
سليم أنا لسه مخلص يا خالو في حاجة لقيت حضرتك رنيت عليا كتير!
عامر سليم ميرنا مش لقينها.
سليم پخوف على حبيبته إزاي الكلام دا يا خالو ومين سمحلها تخرج أصلا لوحدها
عامر مش وقته يا سليم المهم نلاقيها دلوقتي وعمران هيروح يشوفها دلوقتي.
سليم بسرعة لا خلي عمران أنا عارف هلاقيها فين.
عامر بأمل يعني عارف مكانها
سليم ايوا أطمن يا خالو هرجعها إن شاء الله.
عامر قفل معاه وبلغ الكل باللي سليم قاله سليم بعد ما قفل مع خاله عامر ركب عربيته بسرعة واتجه للمكان اللي متأكد إنه هيلاقيها فيه وبيدعي ربنا تكون بخير لأنه مش هيتحمل يخسرها دي مش أي حد دي حب عمره كله.
بقلمي ريهام أبو المجد 
وصل سليم بسرعة لأن المكان مش بعيد اووي عن الجامعة وفي الوقت اللي وصل فيه شافها كانت ماشية تجاة البحر وهي سرحانة فسليم جري عليها پخوف وهو بيقول ميرنا استني.
وصل بسرعة ومسك إيدها وبعدها عن الماية وقال پخوف ميرنا يا حبيبتي بتعملي إية
ميرنا ساكته فهو بدأ يفحصها بعيونه پخوف وقال ميرنا ركزي معايا.
ميرنا سليم.
سليم أطمن لما قالت اسمه فقال بحب الحمد لله إنك بخير.
سليم أخدها وفتح باب العربية وقعدها ووقف قدامها وطلع إزازة ماية وشربها بهدوء وحب وقال ها أحسن دلوقتي
ميرنا عيطت وقالت وحشتني اوووي ومش قادرة أتأقلم على غيابها يا سليم.
سليم قلبه وجعه لما شاف دموعها ونزل لمستواها وقال أدعيلها بالرحمة يا ميرنا هي محتاجة دعواتك يا حبيبتي.
ميرنا پقهر ربنا يرحمها هي كانت ضعيفة واستسلمت للظروف ولۏجعها.
سليم قرب من خدها ومسحلها دموعها بحنية وقال مش عايز أشوف دموعك تاني يا ميرنا أرجوك.
ميرنا ڠصب عني يا سليم والله.
سليم بإبتسامة انسي الۏجع دا وكل إما تفتكريها أدعيلها.
ميرنا حاضر.
سليم طب يلا بقى يا بكاشة عشان بسببك الفيلا كلها قايمة على رجل وخالو خاېف اووي عشانك.
ميرنا پصدمة يا نهاري دا زمان بابا فعلا قلقان روحني بسرعة يا سليم.
سليم من عيوني يلا.
قعدت في العربية حلو وهو لف وركب هو كمان ووصلوا الكومبوند واتجه لفيلا خالو عثمان وأول ما دخلوا عثمان جري على بنته وحضنها وهي بادلته الحضن وقالت أنا أسفة يا بابا حقك عليا.
عثمان باس راسها وقال أنتي كويسة يا حبيبتي
ميرنا ابتسمت وقالت بخير يا حبيبي.
عثمان بعتاب كدا يا ميرنا توجعي قلبي عليكي
ميرنا باست إيده وقالت حقك عليا مش هتتكرر تاني وعد.
عثمان ابتسم وقال وأنا عارف إنك مش بتخلفي وعدك.
عامر بعتاب طب وأنا يا ميرنا
ميرنا حضنته بحب وقالت دا كله إلا أنت يا أحلى عم في الدنيا.
عامر ضحك وهو بيقرصها من خدها وقال طول عمرك بكاشة وبتاكلي بعقلي حلاوة.
ميرنا بضحك طب بذمتك مش أحلى حلاوة
عامر ضحك وقال عندك حق فعلا.
كله ضحك إلا عمران اللي كانت علامات الغيظ والڠضب على وشه وقال بعد إذنك يا عمي أنا متأخر على شغلي محتاج مني حاجة
ميرنا بصتله بإستغراب وقالت بحرج أنا أسفة يا عمران عشان عطلتك عن شغلك.
عمران بص لعمه وقال بعد إذنك يا عمي بعد إذنك يا بابا.
وخرج عمران والكل مستغرب من رد فعله لكن محدش اتكلم وميرنا زعلانة من معاملته ليها وبصت على إثره بزعل بس سليم قرب منها وقال ها يا ست ميرنا مش هتطلعي تستريحي شوية عشان بليل هنقعد سوا شوية
ميرنا ابتسمت وقالت حاضر.
سليم استأذن من خاله ورجع للفيلا بتاعته وقابل مامته وقعد معاها شوية ودخل أستريح شوية وهو بيفتكر ابتسامة حبيبته ميرنا اللي بتخلي قلبه ينبض بسرعة.
ميرنا طلعت أوضتها وغيرت هدومها لبنطلون قماش واسع لونه زيتي وتيشيرت لونه أبيض وسابت شعرها مفروض على ضهرها كانت جميلة اووي هي قوامها