رواية أغار_على_حواء بقلم هبة_بسيكي صبا_مركن حصريه وجديده

رواية أغار_على_حواء بقلم هبة_بسيكي صبا_مركن حصريه وجديده
كنت صافنة وعم فكر بكلام الدكتور ليث
ام غالية لك بنتي شبك حاكيني كم كلمة
غالية اي ماما معك انا وانا بالي مشغول تماما
فورا فتحت الموبايل واتصلت
الو كيفك....
...... هلا غلولتي لك بعد زمان
واخدنا الحديث انا وصديقة عمري سلام
سلام دكتورة نفسية شطورة كتير صبية حلوة ومالها متجوزة متلي وانا وياها اصدقاء من ايام المدرسة

غالية بدي مساعدتك لازم تجي تشوفي الحالة يلي حكيتلك عنها وتساعديني بخبرتك
سلام ولايهمك بكرا بخلص من عيادتي وبجي لعندك
سكرت الموبايل وبستها لامي ودخلت نام حاسة حالي عم اشحط حالي شحط من التعب 
بمكان مفعم بالحياة والوانو بترد الروح كانت اعدة بنوتة متل القمر شعراتها ناعمين واصلين لكتافها بشرتها بيضا وعيونها عسلية وواسعين
...... صباح الخير هناء جيبيلي القهوة ع السريع في حدا بالعيادة
هناء اي دكتورة في صبية عم تستناكي لاقيتها قاعدة ع باب العيادة
اندق الباب دقات خفييييفة
وبعد ماسمعت اذن الدخول دخلت.. 
اهلا وسهلا تفضلي حبيبتي شو بتحبي تشربي
..... بدي اشرب سم ومۏت
سلام پصدمة طولي بالك حبيبتي خلينا ندردش شوي اقعدي وارتاحي ع هالكرسي احكيلي بالاول شو اسمك واديش عمرك
..... شفته بعيوني يادكتورة شفتها والله شفته هو يلي قټلها والدموع غرقو عيونها
الدكتورة عطتها محرمة ولفتها اهدي وخدي نفس عميق واذا حاسة حالك مستعدة احكيلي...
حنين من طول عمرو .......
وحكت الاشياء اللي بدها تحكيها لسلام وبعد ماغادرت حنين العيادة !!!!
ضغطت سلام ع راسها بقوة من الكلام يلي سمعتو من حنين
هنااااء هناء
اي دكتورة شبك
لاتدخليلي حالات لحتى خبرك راسي رح ينفجر
هناء دكتوره طيب جب... قاطعتها بسرعة خلص هناء تركيني ارتاح
.. الدكتورة سلام وهي ماسكة راسها يا الله معقول في اب هيك لك شو هالقلب وبلش كلام حنين يتردد براسها
رفعت راسها لفوق بتثاقل وزفرت بضيق واضح ..... وبعديييين هالحالة كتير مؤثرة وعلاجها رح ياخد وقت لازم اتبع معها منحى تاني عالتمام......حنين رح كون منقذتك مارح اسمحلك ټأذي حالك 
....هاد الحديث كان عم يدور بنفس سلام لحتى قامت من مكانها فجأة وقررت انها تروح عالبيت 
سلام انسانة حساسة ورقيقة كتير 
مرت بقصة حب فاشلة وهالشي خلاها انطوائية