رواية أنا واميرتي بقلم سيرين احمد الفصول الاخيره حصريه وجديده

خالد بدي اعتذر منه قدامها للبهدله الي دخلته فيها
ريم هل شب حرام الي صار فيه .
مهند البسي وتعالي نحكي معها قبل ما يوصل
ريم هو خبرك راح يجي
مهند أه بعتلي كمان نص ساعة بيكون عنا
ريم منيح اروح اجهز ضيافه
مهند ماشي
نور بابا طلبتني
مهند يلف وجهة أه تعالي بدي اياكي
يتبع
الجزء الثالث من الجزء الاخير
نور شو في مالكم
مهند شو هاد الي عملتي مع خالد
نور مشان هيك بعتت وراي
مهند انتي وبعدين معك ما في حدا پتخافي منو ... وقت تيجي تحكي معي لا تحكي بهاي النبرة
نور اسفة بس هاد الموضوع انتهى ليش بدك تحكي فيه
مهند لانو خالد ما بستاهل منك الي عملتي
نور ليش شو عملت انا
مهند ماشي يا نور خليكي بعنادك .. هلا المهم ... انا بعتت ورا خالد بدي اعتذر منو على الپهدلة الي دخلته فيه .. اياكي تزعلي بكلمة
نور بهدله .شو قصدك
مهند شوفي تصرفاتك بتفهمي قصدي
نور والله ..
كريم بابا وصل عمو خالد
مهند خلي يتفضل ... خليكي هون انتي
نور بداخلها ... اوف هو انا بقدر اشوفه هلا ليش جبته ليش
مهند ضلي وانتي ساكتة
ريم من برا تفضل ابني هو جوا
خالد يزيد فضلك .... السلام عليكم
مهند وعليكم السلام ... تفضل ابني ارتاح
خالد .. كيفك استاذ
مهند الحمد لله بخير
خالد بنظرة باردة كيفك انسة نور
نور بتوتر مخفي الحمد لله بخير بابا بدك شي مني ... بدي اروح على غرفتي
مهند أه خليكي
خالد خير استاذ ليش طلبتني
مهند والله يا ابني انا خجلان منك .. سببتلك بمشاكل وضيعت وقتك معنا
خالد لا تحكي هيك انت زي ابي وكان مسعدني اوقف معك والحمد لله انك طلعت بالسلامة
مهند هاد انا واثق منه .. وكنت متوقع منك هاي الوقفة بس انا قصدي على خطبتك في نور .... كانت غلطة وانت ما الك اي ذنب لاعيشك هيك تجربة
خالد انت حكيتها هي تجربة ... مرقت وهلا نسيتها
مهند نسيتها 
خالد اكيد انا الماضي ما بطلع عليه .. وانت بتعرف عندي مستقبلي اهم من اي شي. .. واذا انت ضميرك متعبك كرمالي تاكد انو .. انا بعتبر كل الي صار معي نزوة مش اكتر ... مش هيك انسة نور
نور بغيض بابا ضل بدك مني شي
مهند ...
خالد تمام انا لازم اروح عندي موعد مهم ... بشوفك بعدين
مهند ماشي يا ابني براحتك
نور بعصبية وفقدان السيطرة على نفسها . مالو هاد ما صدق ونترك. . ... وعلى أساس بحبني ... ولك انا كنت بعرف انو كذاب زيو زي كل لرجال ... ولا لا وانا الي فكرته مختلف عنهم كلهم .. هو الوحيد الي قبلت اسلم قلبي الو ... انا شو ضړبني على قلبي وخلاني احبه .... لا وبكل غرور بحكي عني نزوة وتجربة ... اخخخ. والله لادفعه الثمن
فرح مبتسمة وتهمس. ل مرح مالها هاي المجنونه
مرح هسس لطلع عصبيتها علينا اسكتي
فرح بشماته وهمس استني نتسلى فيها شوي ...... بصوت عالي مصاحب بنرة مسخرة . نور مالك ليش هيك معصبة ..مش هاد الكلام الي حكتيلو اياه
نور شو حكيت ... وبعدين انا احكي الي بدي إياه
فرح ليش مين حضرت جنابك الي بطلعلك ټجرحي بهاي الطريقة. .. وما بدك تنجرحي .
نور انا نور حبيبته الي هو قدر يغيرني. ودايما كان يحكيلي انا بحبك زي ما انتي ... هلا وقت كنت بدي اتاكد من حبه طلع ما بستاهل
مرح تتاكدي بهاي الطريقة
نور يمكن انتو كلكم بتشوفها غلط بس .... انا ما بدي بس اتزوج يتركني .. عملت الي عملته لسبب والله .... كنت بدي اشوف راح يتمسك فيه ولا زي كل لرجال وقت الست تحكيلو طلقني يطلقها .... وهو نفذها من دون تفكير ... وقلت مش مشكله راح اضل للآخر اشوف راح يرجع ... ويكون بيستاهل اغير حالي مشانو ...... انا كل الي بدي إياه ابدء معو من جديد ... بدي وقت ينكتب كتابنا يكون بطريقة الصح .. يكون بموافقتي مش من وراي زي ما صار ... بدي اعيش معه كل شي من جديد .... كل الي بدي إياه يجي ويطلبني من بابا .. واعيش معو لحظة بالحظة ... ما بعرف يمكن غلطت ... بس انا بحبو ... وكنت بدي اشوف كيف راح يكون مختلف عن غيرو
فرح بهمس أولي هلا هاي نور ما يسمعها خالد بس
مرح بهمس بس انتي الثاني والله حزنت عليها
نور انتي وإياه شو بتحكو
مرح ولا شي ... شو رايك اخلي محمد يحكي معو ويفهمو قصدك
نور نعم مجنونه انتي شي ... لا يا حبيبتي انا نور ما بركض ورا اي رجال لو روحي فيه .... بس انا بعرف كيف ارجعة بطريقتي.... انتي وإياه والله ان بعرف في كلمة طلعت برا غير ازعل منكم
فرح ..هلا بعد كل هاد بدك ترجعي
نور أه ... وليش لا تسأليني
فرح من دون ما أسأل المكتوب مبين من عنوانه ... وقعتي يا اختي وما حدا سما عليكي. .... الحمد لله يا رب اني ما وقعت بالغرام زي هل مجنونات الي عندي
مرح بتعرفي تسكتي انتي كمان
نور بابا وين
فرح طلع وحكى راح يتأخر شوي
نور نفسي مرة وحدة احتاجو والاقي جمبي
فرح الحمد لله الدور تقلب على بابا
نور تضربها بالمخدة على وجها خلص فرح
فرح هههههه طيب خلص سكتت
بعد نص الليل بالصالون
نور بتردد بابا
مهند بقلق نور بنتي ... تعالي خير فيكي شي
نور صاحي
مهند أه يا بنتي صاحي خير مالك ليش صاحية بهل وقت
نور مش جايني نوم
مهند ليش
نور ولا شي بفكر بموضوع شاغل بالي
مهند طيب تعالي نحكي سوا
نور تقعد جمبه ... بتعرف بشو ذكرتني
مهند بشو 
نور بيوم عرسك ... وقت طلبت مني استناك هون مشان اطمن على ماما وخبرتني ما راح اطول ... يومها ضليت استناك .. وانت ما جيت وعلى اذان الفجر طلعت ماما من غرفتها ... وبس عرفت بستناك تبسمت وحكتلي اروح انام ... هاد اليوم ما نسيته ومن يومها وانا زعلانة منك
مهند .. لليوم ما نسيتي
نور الۏجع عمرو ما بنتسى
مهند ..
نور بابا
مهند نعم
نور لو ما خلفت كريم وياسر ... كنت راح ضلك زعلان
مهند لو ما خلفتك كنت راح اعيش طول عمري وحيد
نور وحيد 
مهند ... أه ما في انسان حنون على الاب غير بنته ... كنت افكر انو بعد الولد ما في ... والبنت ما الها دور بحيات اهله ... بس انتي اثبتيلي العكس ... البنات همه روح البيت .. وحنيته ... البنت هي بسمة ابوها ... وفخره ... احنا يا بنتي كبرنا على معتقدات غلط الولد هو كل شي ... انتي .... اثبتيلي العكس ... للصراحة يا بنتي خجلان منك ومن خواتك ... خجلان من وقفتك جمبي مع اني بيوم. وجعت وصلتك لمرحلة عقدتك من لرجال
نور انت ابي الي بحبو انا زعلت لاني بحبك وكنت غيرانة عليك ما بدي وحدة ثانية توخذ منه
مهند يا ريتك يا بنتي حكتيلي هاد الوقت وقتها .. أو يا ريتني فهمته من دون ما تحكيلي ... يا ريت فهمت صمت ريم وما كسرت حب حياتي ولا ام ورداتي
نور احنا ورداتك
مهند انتو كل حياتي ... بتعرفي يا بنتي جد الحياة غريبة ... كنت بفكر اني بدي اجيبلكم اخ يسندكم ... روحتو انتو الي سندتوني ... كنت بدي ابني لمسقبلكم ... روحتي انتي الي انقذتي كل حياتي ... الست الوحيدة الي حبيتك. .. وكسرتها ...هي الي ساعدتني من وقعتي ... بتعرفي فعلا الحياة بتضحك علينا ... وقت ما نرضى بقضاء ربنا
نور بتحبها
مهند مين
نور ماما
مهند ياااه يا بنتي ... هو قلبي عمرو دق لست غيرها
نور ...
مهند بس انا بستاهل هيك عقاپ من الدنيا
نور لا تحكي هيك كل شي بتصلح
مهند على قولتك امك الي انكسر عمرو ما بتصلح
نور بخبث اساعدك
مهند كيف
نور اخلي ماما تنسى الماضي وتبدء معك من جديد
مهند بطلع بيدك
نور ولو .. انا بنت نور بطلع معي كل شي
مهند 
نور بس في شرط
مهند والي هو
نور خالد
مهند مالو
نور ما بدي اخسرو بدي تساعدني ارجعه من دون ما تمس كرامتي
مهند وكيف بدك يرجعلك
نور هلا في بالي فكرة بس بدها مساعدتك
مهند يا بنت بستغلي موضوعي مع امك لمصلحتك
نور مش انت السبب
مهند بحزن انا
نور بابا انا بحبو وما بدي يسافر .. وكمان ما بدي أتنازل واخبرو بهاد الكلام
مهند ولا شو بدك
نور رجعو على المكتب مدت الشهر قبل السفر وبنفس الوقت خليني قدام عيونة والباقي علي
مهند أه وان ما قبل
نور هاي مهمتك مش انا بنتك وبدك سعادتي
مهند أه بدي بس مش بهاي الطريقة
نور ما في غير هاي الطريقة انا ما راح اسمح يعرف اني بدي اياة يرجعلي ..وكل الي راح يصير راح يكون قدام عيونك .. يعني ما تخاف
مهند طيب افهم شو راح تعملي
نور انا بعرف انو بحبني بس بدو يعطيني درس وانا بدي العب لعبة صغيرة معه
مهند بنتي هو مسافر هجرة .. من سنة كان بحاول يحصل على هاد الشغل وهيو حصل عليه .. يعني حصل على عقد عمل حلم كل محامي ... يعني هو فكرت سفرو مش عقاپ الك .
نور مش عقاپ بس كمان هو ما راح يوافق يبعد عني بهاي السهوله
مهند يعني هلا انتي بتفهمي خالد اكتر مني
نور تشارط
مهند على شووو
نور أن رجعلي بتعمل المستحيل لتصالح ماما وانا راح اساعدك
مهند مبتسم ماشي وانا موافق
نور بانفعل تقبل خدوده وترتمي بحضنة شكرا
مهند مبتسم ويطبط على ظهرها مدام بتحبي ليش لتخلي يطلقلك والله انك مچنونة. زي امك
نور ماما مش مچنونة
مهند امك احلى مچنونة بالدنيا ... لو ما كانت زيك عنيدة يمكن كنا ما عشنا الي عشنا
نور بابا انت بدك تحط الحق عليها
مهند لا يا بنتي اكيد ما راح احط الحق عليها. ... انا الي غلطت معكم ومعها .. بس شوفي انتي كيف بدك ترجعي خالد .. وهاد قصدي يا ريت حاولت ترجعني يومها
نور ...
مهند يلا قومي نامي مشان تطلعي معي الصبح على المكتب
نور بدك تطلب من خالد يجي
مهند اي راح ارجعله وأحاول اخلي لشهر معنا
نور بفرحة قشطه
مهند بنت
نور تصبح علي. خير
يتبع
الجزء الرابع من الجزء الاخير
الفتاة المغرورة هيك وصفي عن الكل .. .. هيك وجهت نظر الكل ... بس مش ضروري تكون صح. ... انا باختصار .. ما بحب أتنازل لأي إنسان لو كانت روحي فيه ... زي ما هي روحي بخالد ... وينتى صار روحي ما بعرف ... وكيف تملك كل تفكيري ... كمان ما بعرف ... كل الي بعرفه. . اني ما راح اسمح يتركني ويروح ...