واهتز عرش المغرور بقلم سلم جنايدة الجزء_الرابع حصريه وجديده

واهتز_عرش_المغرور بقلم_سلمى_جنايدة
الجزء_الرابع حصريه وجديده 
ليلاس بعصبية وقهر وصړاخ .......حقييييييير......حقييييير.
باللحظة اللي كانت ليلاس فيها بين ايدينو لسلطان كان في عين عم تراقبهن من بعيد وعم تضحك ضحكة خبيثة.
رجعت عالبيت مخنووووقة لأبعد حد وكان واضح انو بكيانة كتير.
اول ما دخلت البيت نادت لأختها.

قعدت هيي ولينا بغرفتها.
ليلاس.....ليكي لينا هلأ هلأ ازا مابتخبريني شو علاقتكن بسلطان والله ماعاد تشوفو وشي.
لينا.....خير شوباكي ليه هيك مزعوجة وبكيانة شو صاير معك.
ليلاس....هلأ عيفيكي مني وخبريني شو علاقتكن بالزفت سلطان.
لينا.....لك شوباكي كل مرة بترجعي مزعوجة وبتبلشي مسبات عليه.......فهميني.
ليلاس....مو وقتو بدك تحكي والا روح من هون.
لينا......اااااااخ...ماشي اقعدي لقلك كل شي.
لينا.....ياستي هاد قبل حاډثة حاتم كان يشتغل مع سلطان.
ليلاس پصدمة......حاتم كان يشتغل مع سلطان.
لينا.....اي كان يشتغل عندو حتى مو معو....يعني متلو متل بكر.
ليلاس.....اي وليه ترك من عندو بسبب الحاډث....لهلأ ماقلتيلي كيف صار معو.
لينا.....اللي صار معو مو حاډث سيارة يااختي...اللي صار لحاتم بسبب رصاصة طايشة بالغلط.
ليلاس......شووووووو رصاصة طايشة.....اهااااا هلأ فهمت معناها سلطان اللي قوصو لهيك عم يساعدو ماا.
لينا.....هلأ لا تقعدي تفسري كلام وانا لسا ماكملت...لأ مو هو اللي قوصو.....اللي قوص بالغلط بس واحد تاني اسمو شريف كان بيشتغل معهن.
ليلاس.....ليش شو بيشتغلوا لحتى اجتو هالرصاصة.
لينا.....رح قلك...سلطان عندو هنغر تحت الارض لصيانة الأسلحة...بيشتري اسلحة خربانة او بدها صيانة او حدا بدو يبيع قطعة بياخدها بيعمللها صيانة برجعها جديدة وعأساسو ببيع للتجار وحاتم كان بيشتغل عندو.
ليلاس......يعني سلطان تاجر 
لينا.....اي تاجر .
ليلاس......وكيف هيك معقول الشرطة مابتعرف عنو.
لينا.....امبلى بيعرفو بس سلطان تاجر قانوني ونظامي يعني ما بيشتغل لا بالتهريب ولا بأي شي يخالف في القانون عم تفهمي علي.
ليلاس...اي كملي.
لينا....بيوم وحاتم عم يشتغل مع رفقاتو عم ينضفو اجى هاد اللي اسمو شريف...بدو يجرب المسډس اللي بأيدو ازا صار جاهز والا لأ طلعت رصاصة منو بالغلط كان وقتا حاتم عاطي ضهرو...اااااااخ كل مابتزكر بحس حالي رح اختنق...المهم....وقت طلعت الړصاصة اجت بالعامود الفقري وخدشت النخاع الشوكي عند حاتم .... نقلو للمشفى و اسعفو والحمدلله انو مامات لكن خسر فيها رجلي وبطل يقدر يمشي.
ليلاس.......اي وبعدين.....شو صار بهاد شريف.
لينا اول شي قلعو سلطان من عندو پقتلة مرتبة والشرطة حققت معو واعترف انو بالغلط صار هيك يعني مو مقصودة وهلأ هو عم ياخد محكوميتو بسجن المدينة.
ليلاس......طيب ليه ليضربو سلطان ويتحاكم ازا بالغلط.
لينا....انا بقلك ليش لأن سلطان كتير حريص بهيك شغلات كان عندو غرفة فاضية تاركها مخصوص لهيك شغلات ليجربو فيها اي قطعة بدهن يتأكدو من صلاحيتو...بس هاد شكلو نسي او تعاجز مابعرف كيف وصار اللي صار.....وماتفكري...سلطان كتير زعل عحاتم لأن كان غالي عليه كتير وبيعتبرو متل اخو....لهيك سلطان قد مافي بساعد حاتم واصلا عاتبني انو قصة القرض الها وقت وانا ماخبرتو فيها بقى فهمتي ليه سلطان نهى قصة القرض عطول وبدون تأخير....ولحيطك علم