واهتز عرش المغرور بقلم سلم جنايدة الجزء_الرابع حصريه وجديده
انت في الصفحة 4 من 4 صفحات
مصېبة من وراك ماقلتلك قبل هيك.......لك وين مابشوفك مابحس براحة ابدا.
سلطان قاعد وحاطط ايدو عالمكتب ومركي راسو عليها وعم يتطلع بليلاس مبتسم عأسلوبها وجنانها .
المقدم عم يتطلع وعم يضحك تأكد من كلام سلطان انو بجوز من غيظها منو تشهد ضدو مو معو.
المقدم.....انسة ليلاس ممكن تهدي شوي.
ليلاس.....بعتزر...بس انا مابشوفو لهالبني آدم الا وبصير مصېبة بعدها.
ليلاس.....بس هيك.
المقدم....اي بس هيك.
سلطان....لو كنتي خرستي من اول مادخلتي كنتي فهمتي انو جيتك هون بس وقت صغير.
ليلاس بعصبية.......مابسمحلك تحكي معي هيك عم تفهم....احترم حالك.
سلطان.....بتحبي خرسك عطريقتي .
ليلاس خجلت وقت فهمت قصدو.....استرجي اعملا وهالمرة مارح تمضى عخير.
ليلاس....
سلطان......
المقدم.....بدي اسألك مبارح الساعة اربعة وين كنتي.
ليلاس......مابتزكر.
المقدم......حاولي تتزكري..ركزي شوي واهدي وحاولي تتزكري بهالوقت وين كنتي ومع مين وشو كنتي عم تعملي.
حاولت ليلاس تتزكر بس ماقدرت.
نزلت راسها لتحت لمحت سلطان عم يأشر بأيدو انو انا وانتي.
اتطلعت فيه واتطلعت بالمقدم.
ليلاس.....والله ماعم اتزكر.
حط سلطان ايدو عوشو وهز راسو وقال بصوت واطي....غبية.
المقدم.....على مهلك اتزكري من بداية يومك شو عملتي وين رحتي وين طلعتي مع مين كنتي.
اتزكرت ليلاس......لك اي اي....
اتطلعت بسلطان وقالت ......تزكرت كنت مع العينتين.....
المقدم.....شو كنتو عم تعملو.
ليلاس ااااااااه.
سلطان ضحك عشكلها كيف تلبكت وخجلت.
سلطان قلو انا شو كنا نعمل.
قربت منو وهمستلو......اياك تفتح تمك بكلمة.
سلطان ......ههههههههههه.
المقدم......عفوا مابصير تحكو مع بعض بالهمس....الحكي بكون قدامي وبس....هاتي خبريني شو كنتي عم تعملي انتي واياه مع بعض.
سلطان......يعني انتو البنات مابينحكى قدامكن شي والله.
سألها المقدم كم سؤال تانيين وخبرها انو صار فيها تروح.
شهادة ليلاس كانت لصالح سلطان وبعد حوالي كم ساعة افرجو عن سلطان بأمر من العميد لأن قدرو يتأكدو انو في بصمات تانية عالمسدس غير بصمات سلطان بس ماقدرو يوصلو لصاحبها لكن سلطان عرف مين بكون.
يتبع
